ياجماعة انا حاجز نيسان تيدا هاتش باالي فترة عشان خاطر اجيبها بفرش غامق
وبعدين اتصلو بيا وقلولي انه لسة كمان 15 او 20 يوم كمان عشان تيجي والموجود دلوقتي هو الفرش البيج الفاتح
فمحتار هل اجيب الفاتح وخلاص هو شكله حلو بس انا خايف يترب ويتبهدل بسرع ده حتي الدريكسيون نفسة لونه فاتح ولا استني الفرش الغامق وامري لله؟
يريت تفيدوني خاصة الناس اللي عندها عربيات بفرش فاتح اخباره اية
شكرا واسف للاطالة؟
السلام عليكم,
ألف مبروك مقدما...
بعد أذنك...انت حاجز فين؟ وايه لون العربية..؟
في اعتقادي الفرش الفاتح لاتظهر فية الاتربة مثل الغامق ..لكن البقع أكيد تظهر فيه أكثر..
الفاتح بيدي وسع داخلي جميل ولا يمتص الحرارة مثل الغامق...الغامق شيك وكلاسيكي ويشعرك بالفخامة...
عربيتي فرشها فاتح ..بس تجربتي مش طويلة..بقالي شهر بس...معايا أطفال ومش عارف حيحصل للفرش ايه علي المدي الطويل...
ممكن الملاك القدامي يفيدونا أكثر...
بالنسبه للصني أعتقد الفرش البيج أصح لأن السقف لونه بيج حتى مع الفرش و التابلوه الغامق
و عموما أقل في امتصاص الحراره
و الأغلبيه بيفرش العربيه بمجرد الإستلام
أنت كده كده هتعمل تلبيسه هاته غامقه
انا حاجز مع مودرن موتورز ولون العربية اسوداقتباس:
المشاركة الأصلية كتبت بواسطة sskarim
انا مش ناوى افرش لاني صراحة مهما كان السروجي شاطر بيبوظ حاجا ت كتير في العربية والله وعن تجربةاقتباس:
المشاركة الأصلية كتبت بواسطة princex1
هات الفاتح و استمتع بيه ... ايوه استمتع بيه و تخلص من العادات الموروثه بأنه هيتسخ ...مش انت دافع فيه فلوس يبقى استمتع بيه
انا كان معايا قبل كده سياره و فرشها قطيفه شكله خرافه و اول ما جبتها قلت اركب كسوه علشان معايا اطفال صغار و لما آجى ابيع العربيه يبقى فيها الفرش الاصلى و فعلا ركبت كسوه جلد وقعدت السياره فترة و بعتها بالكسوه طبعا و لا حد قاللى فرش اصلى و الا مش اصلى و لا سأل اصلا ولا موضوع الفرش بيفرق اساسا فى بيع السياره
و لما يتوسخ هيبقى قدامك حل من اتنين الاول تنظيف كيماوى فى اى مغسله و اظن بحوالى 100 جنيه و بيرجع زى الاول بالظبط و التانى لما يتوسخ و يجيب آخره(مش قبل سنه على الاقل) و تتضايق منه ابقى ركب كسوه
و ربنا يوفقك الى الخير و لكن لا انصحك بالفرش الغامق كما ذكر الاعضاء
[justify]زي ما قال الزملاء.. الفرش الفاتح شيك جدا وجميل وبيعطي إحساس باتساع العربية وبيقلل اختزانها للحرارة
وبما إن العربية سودا يبقى الفرش البيج هو المناسب ليها لأن الغامق هايقفل خالص ويبقى كله أسود في أسود ومش حلو بالمرة..
وعن تجربة شخصية.. اللون البيج في الصني بعد 3 سنين استخدام اتوسخ شوية وبعض المناطق في السقف لونها بقى غامق من التراب والسفر وخلافه.. طبعاً مع التنضيف الخفيف.. لكن مع زيارة واحدة للمحطة والتنضيف بالكيماويات كل 6 شهور أو حتى كل سنة مرة.. بتلاقي الفرش بيلمع تاني والسقف بينور والعربية كلها تشوفها من برة تبقى حاسس إنها لسة جديدة..
ونفس الكلام مع تجربتي في التيدا لمدة أربع شهور.. الفرش البيج رائع وبيتكلم لوحده ويقول العربية دي واسعة وجميلة وصالونها شيك وبيرحب بالضيوف!!
كل الكلام ده مش موجود في الفرش الغامق.. ألوان مقفولة تطفش وتقول اللي يبصلها ودي وشك الناحية التانية!!
وبعدين لا هو بيتبهدل بسرعة.. ولا هو شيك وبيلمع ويظهر العربية زي البيج...
وفي النهاية الألوان أذواق.. يعني خد اللون اللي عينيك ترتاحله لما تشوفه سواء جوة العربية أو من برة[/justify]
بص يا سيدي مدام العربية لونها اسود يبقي هات الفرش البيج و طبيعي هتعمل تلبيسة و يا ريت تكون بيج و المكان هو جينز كار هيكلف حوالي 1300 جنيه بس هتحب عربيتك بيه اوي اوي
و اعرف ان العربية لو لونها فاتح من بره يبقي الفرش غامق من جوه انما لو اللون غامق من بره يبقي المفروض يكون الفرش غامق من جوا عشان تظهر العربية في كل الاحوال
و اي خدمة
و مبروك الف الف مبروك مقدما ً و روح استلم البيج :S_thum1[1]:
اقتباس:
المشاركة الأصلية كتبت بواسطة ahmediak
اتفق مع وجهة نظرك تماما وانا اشتريت التيدا بفرش فاتح مخصوص نظرا لشياكته وجماله صراحه بالرغم من ان عندى اطفال ...ولو حبيت تفرشه الفرش الجلد الفاتح حلو برضه
والله يا جماعة حضاراتكم شجعتوني جامد علي اللون الفاتح
وممكن فعلا بعد كدة اركبللوا كسوة عند سبير كار ولكن في ناس بتنصح بجينز كار دة ده عشان له خبرة اكتر فب النيسان مثلا
علي كل حال ادعولي بالتوفيق ان شاء الله
وشكرا جدا لحضاراتكم وبانتذار المزيد لتجاربكم مع الفرش الفاتح
اسمعنى ياغالى اولاً مبروك على العربيه مقدماً
تانى حاجه مع احترامى للأراء الاعضاء فى الفرش البيج انا معايا لون العربيه اسود والفرش اسود وطبعاً باقى الصالون كله اسود حقيقى فخم جداً وشيك بطريقه رهيبه مع العلم ان فرش التيدا قماش مابيمتصش الحراره نهائى جرب شوف العربيتين واللونين وشوف انهى لون هايعجبك وانت ومزاجك
يا باشا مبروك مقدماً على العربية وإن شاء الـلـه أنا بافكر اشترى زيك بالظبط أسود من بره وبيج من جوه، يعطى وسع وراحة للعين، وده مش لأن الأسود وحش لكن الفاتح حاجة تانية خالص، وبعدين كفاية أنها أسود من الخارج يبقى الداخل يستحن يكون بيج، وفى الأخر دى أذواق تختلف من شخص لأخر، المهم أن ربنا يبارك فى السيارة، ويحفظها لك من كل سوء