سؤال لاصحاب الفرش الفاتح فى النيسان التيدا او الصني

**ahmed.mohy** · 22-06-2010 12:10 AM

ياجماعة انا حاجز نيسان تيدا هاتش باالي فترة عشان خاطر اجيبها بفرش غامق
وبعدين اتصلو بيا وقلولي انه لسة كمان 15 او 20 يوم كمان عشان تيجي والموجود دلوقتي هو الفرش البيج الفاتح
فمحتار هل اجيب الفاتح وخلاص هو شكله حلو بس انا خايف يترب ويتبهدل بسرع ده حتي الدريكسيون نفسة لونه فاتح ولا استني الفرش الغامق وامري لله؟
يريت تفيدوني خاصة الناس اللي عندها عربيات بفرش فاتح اخباره اية
شكرا واسف للاطالة؟

**sskarim** · 22-06-2010 12:43 AM

السلام عليكم,

ألف مبروك مقدما...

بعد أذنك...انت حاجز فين؟ وايه لون العربية..؟
في اعتقادي الفرش الفاتح لاتظهر فية الاتربة مثل الغامق ..لكن البقع أكيد تظهر فيه أكثر..
الفاتح بيدي وسع داخلي جميل ولا يمتص الحرارة مثل الغامق...الغامق شيك وكلاسيكي ويشعرك بالفخامة...
عربيتي فرشها فاتح ..بس تجربتي مش طويلة..بقالي شهر بس...معايا أطفال ومش عارف حيحصل للفرش ايه علي المدي الطويل...
ممكن الملاك القدامي يفيدونا أكثر...

**princex1** · 22-06-2010 02:06 AM

بالنسبه للصني أعتقد الفرش البيج أصح لأن السقف لونه بيج حتى مع الفرش و التابلوه الغامق
و عموما أقل في امتصاص الحراره
و الأغلبيه بيفرش العربيه بمجرد الإستلام

**melbeltagy** · 22-06-2010 02:06 PM

أنت كده كده هتعمل تلبيسه هاته غامقه

**ahmed.mohy** · 22-06-2010 07:16 PM

المشاركة الأصلية كتبت بواسطة sskarim

السلام عليكم,

ألف مبروك مقدما...

بعد أذنك...انت حاجز فين؟ وايه لون العربية..؟
في اعتقادي الفرش الفاتح لاتظهر فية الاتربة مثل الغامق ..لكن البقع أكيد تظهر فيه أكثر..
الفاتح بيدي وسع داخلي جميل ولا يمتص الحرارة مثل الغامق...الغامق شيك وكلاسيكي ويشعرك بالفخامة...
عربيتي فرشها فاتح ..بس تجربتي مش طويلة..بقالي شهر بس...معايا أطفال ومش عارف حيحصل للفرش ايه علي المدي الطويل...
ممكن الملاك القدامي يفيدونا أكثر...

انا حاجز مع مودرن موتورز ولون العربية اسود

**ahmed.mohy** · 22-06-2010 07:18 PM

المشاركة الأصلية كتبت بواسطة princex1

بالنسبه للصني أعتقد الفرش البيج أصح لأن السقف لونه بيج حتى مع الفرش و التابلوه الغامق
و عموما أقل في امتصاص الحراره
و الأغلبيه بيفرش العربيه بمجرد الإستلام

انا مش ناوى افرش لاني صراحة مهما كان السروجي شاطر بيبوظ حاجا ت كتير في العربية والله وعن تجربة

**د.أحمد السعيد** · 22-06-2010 09:10 PM

هات الفاتح و استمتع بيه ... ايوه استمتع بيه و تخلص من العادات الموروثه بأنه هيتسخ ...مش انت دافع فيه فلوس يبقى استمتع بيه

انا كان معايا قبل كده سياره و فرشها قطيفه شكله خرافه و اول ما جبتها قلت اركب كسوه علشان معايا اطفال صغار و لما آجى ابيع العربيه يبقى فيها الفرش الاصلى و فعلا ركبت كسوه جلد وقعدت السياره فترة و بعتها بالكسوه طبعا و لا حد قاللى فرش اصلى و الا مش اصلى و لا سأل اصلا ولا موضوع الفرش بيفرق اساسا فى بيع السياره

و لما يتوسخ هيبقى قدامك حل من اتنين الاول تنظيف كيماوى فى اى مغسله و اظن بحوالى 100 جنيه و بيرجع زى الاول بالظبط و التانى لما يتوسخ و يجيب آخره(مش قبل سنه على الاقل) و تتضايق منه ابقى ركب كسوه

و ربنا يوفقك الى الخير و لكن لا انصحك بالفرش الغامق كما ذكر الاعضاء

**AbuHusam2** · 23-06-2010 12:05 AM

[justify]زي ما قال الزملاء.. الفرش الفاتح شيك جدا وجميل وبيعطي إحساس باتساع العربية وبيقلل اختزانها للحرارة
وبما إن العربية سودا يبقى الفرش البيج هو المناسب ليها لأن الغامق هايقفل خالص ويبقى كله أسود في أسود ومش حلو بالمرة..
وعن تجربة شخصية.. اللون البيج في الصني بعد 3 سنين استخدام اتوسخ شوية وبعض المناطق في السقف لونها بقى غامق من التراب والسفر وخلافه.. طبعاً مع التنضيف الخفيف.. لكن مع زيارة واحدة للمحطة والتنضيف بالكيماويات كل 6 شهور أو حتى كل سنة مرة.. بتلاقي الفرش بيلمع تاني والسقف بينور والعربية كلها تشوفها من برة تبقى حاسس إنها لسة جديدة..
ونفس الكلام مع تجربتي في التيدا لمدة أربع شهور.. الفرش البيج رائع وبيتكلم لوحده ويقول العربية دي واسعة وجميلة وصالونها شيك وبيرحب بالضيوف!!
كل الكلام ده مش موجود في الفرش الغامق.. ألوان مقفولة تطفش وتقول اللي يبصلها ودي وشك الناحية التانية!!
وبعدين لا هو بيتبهدل بسرعة.. ولا هو شيك وبيلمع ويظهر العربية زي البيج...
وفي النهاية الألوان أذواق.. يعني خد اللون اللي عينيك ترتاحله لما تشوفه سواء جوة العربية أو من برة[/justify]

**Bishoy.Girgis** · 23-06-2010 12:10 AM

بص يا سيدي مدام العربية لونها اسود يبقي هات الفرش البيج و طبيعي هتعمل تلبيسة و يا ريت تكون بيج و المكان هو جينز كار هيكلف حوالي 1300 جنيه بس هتحب عربيتك بيه اوي اوي
و اعرف ان العربية لو لونها فاتح من بره يبقي الفرش غامق من جوه انما لو اللون غامق من بره يبقي المفروض يكون الفرش غامق من جوا عشان تظهر العربية في كل الاحوال
و اي خدمة
و مبروك الف الف مبروك مقدما ً و روح استلم البيج

**Ali_Abo_Amr** · 23-06-2010 03:25 PM

المشاركة الأصلية كتبت بواسطة ahmediak

هات الفاتح و استمتع بيه ... ايوه استمتع بيه و تخلص من العادات الموروثه بأنه هيتسخ ...مش انت دافع فيه فلوس يبقى استمتع بيه

انا كان معايا قبل كده سياره و فرشها قطيفه شكله خرافه و اول ما جبتها قلت اركب كسوه علشان معايا اطفال صغار و لما آجى ابيع العربيه يبقى فيها الفرش الاصلى و فعلا ركبت كسوه جلد وقعدت السياره فترة و بعتها بالكسوه طبعا و لا حد قاللى فرش اصلى و الا مش اصلى و لا سأل اصلا ولا موضوع الفرش بيفرق اساسا فى بيع السياره

و لما يتوسخ هيبقى قدامك حل من اتنين الاول تنظيف كيماوى فى اى مغسله و اظن بحوالى 100 جنيه و بيرجع زى الاول بالظبط و التانى لما يتوسخ و يجيب آخره(مش قبل سنه على الاقل) و تتضايق منه ابقى ركب كسوه

و ربنا يوفقك الى الخير و لكن لا انصحك بالفرش الغامق كما ذكر الاعضاء

اتفق مع وجهة نظرك تماما وانا اشتريت التيدا بفرش فاتح مخصوص نظرا لشياكته وجماله صراحه بالرغم من ان عندى اطفال ...ولو حبيت تفرشه الفرش الجلد الفاتح حلو برضه

الموضوع: سؤال لاصحاب الفرش الفاتح فى النيسان التيدا او الصني

LinkBack

أدوات الموضوع

عرض

-

-

-

-

المواضيع المتشابهه

سؤال : هل ينفع اركب جنوط 17 بوصه علي النيسان الصني؟

سؤال صغير لاصحاب التيدا

سؤال لاصحاب التيدا ارجو الرد عاوز اشتريها

سؤال مهم لاصحاب النيسان exsaloon

سؤال لاصحاب الصني

الكلمات الدلالية لهذا الموضوع

المفضلات

المفضلات

ضوابط المشاركة