:verygood: الله ينور عليك و ان شاء الله مصر ترجع زي ما كانت و أحسن :ask:
لا ده في مميزات أكتر بكتير
6- كونك مصري معناه إنك بتتمتع بأفضل خضروات و فاكهة في العالم تخلو من الهندسة الوراثية و لا يجود فيها مبيدات وسماد كيماوي ومروية بالماء المقطر مش بالمجاري
7- أنت تتمتع بأكل أفضل اللحوم المستورد في العالم الخالية من الديدان و لا تأكل لحوم الحمير و أنظف سمك مزارع في الكون
8 - أنت تستنشق هواء عليل لا يسبب اي اضرار للجهاز التنفسي ولا العصبي
9- في شارعك رجال الأمن يحرسونك أنت و أولادك وممتلكاتك ليلا و نهارا
10- هناك مواصلة كريمة لكل مواطن لا يحب أن يقود سيارته
11- مجتمع تحترم فيه الطبقات بعضها البعض و لا تتعالى و لا تزل بعضها
12- بلد أصحاب السلطة تكاد لا تشعر بهم من فرط تواضعهم ومساوتهم بباقية الشعب
13- الديموقراطية وتداول السلطة مبادئ لا يمكن التنازل عنها
14- أنت في بلد يصعب على أصحاب النفوذ أن يتم تخصيص مئات الكيلومترات من الأرض لهم و بسهولة يحصل المواطن العادي على قيراطين تلاتة
15- أنت في بلد اذا عملت حادثة بالعربية يهرع إليك رجال الإنقاذ طالما تأكدوا إنك مصري أما لو كان في السيارة أجانب فلا يهتمون
مع إنك دافع زيه
16- أنت في بلد إذا ما نزلت في أغلى فندق فيها يبتسم لك العاملين أم الخواجة فلا يهتم بهم أحد
17- لا يدفع فيها رشوة أبدا أبدا
18-أنت في بلد المسئول فيها يستيقظ صباحا ويسعى لقضاء حوائج الناس وينسى تماما مصلحته الشخصية
عاوز تاني و ألا كفاية كده ؟؟؟ نتكلم في السياسة الخارجية ؟؟؟
ده الموقف اللي أخويا فيه بالضبط حيث يعيش في ألمانيا منذ ست سنوات، هو رافض الجنسية الألمانية (التي لا تسمح قوانينها بازدواج الجنسية) لأنه هايرجع مصر ومش هايكمل هناك!!! ولكن وجهة نظري إنه ياخد الجنسية الألمانية ويعيش في مصر كألماني وياخد حقه تالت ومتلت، وبكدة ينال الحسنيين، بس هو محكم دماغه، للأسف :(
وجهة نظري إن الأجنبي على الأرض المصرية واخد حقه أكتر من المصريين، ولو فيه شبهة أني سأعامل كـ "مواطن درجة تانية" في البلد الذي تجنست بجنسيته فعلى الأقل أنا أعرف لماذا أُعامل كمواطن درجة تانية (وده مابيحصلش في الدول الغربية)، بس ياريت حد يفسر لي لماذا أعامل داخل وطني العزيز الغالي كمواطن درجة تالتة وبلا حقوق !!! بل ويمكن أدنى من هذا .. وكفاية كلام لحد كدة عشان الدمعة هاتفر من عيني
ياريت تعديل الاستطلاع لأن كلمة "تغور" دي برضه تقيلة ولذلك لم أجد ما يناسبني في الاختيارات، أنا موافق اتنازل وآخد الجنسية المناسبة التي تضمن لي حقوق ومعاملة آدمية ومصر في قلبي وهاعيش فيها بجنسيتي التانية إمبراطور ماحدش له حكم علي.
أسافر ..... سنتين تلاته خمسه ايوه ممكن ايه المانع
أهاجر ... رفضت مرتين قبل كده
اخد جنسيه تانيه ..... ممكن ايه المانع
اسقط جنسيتي .... ليه لأ طبعاً
ليه اتنازل في بلد ماليش فيها جذور ولا ذكريات ولا اي انتماء لدرجة اني اتنازل عن جنسيتي علشان انال الجنسيه العظيمه بتاعتهم وفي كل الأحوال هأفضل غريبه في البلد الجديده
لو كان عندي اختيار اتعلم هنا ولا بره بس في دول اجنبيه مش عربيه كنت اخترت طبعاً التعليم هناك
لو كان عندي اختيار للعمل في الخارج بالتأكيد اختار العمل في الخارج
لكن ما اقدرش بكل سهوله كده اسقط جنسيتي لمصلحتى في بلد اخرى
الإنتماء ده شىء بالفطره يعني انا انتمي لغرفتي جوه منزلي وانتمي لمنزلي في الشارع بتاعي وانتمي للشارع بتاعى في محافظتي ........وهكذا
ده بيكون احساسي لما بسافر بره القاهره بس
ولما بسيب شغلى واروح مكان جديد وفيه ناس جديده بيكون شىء صعب انك ترجع مكان عملك القديم وتحس ان انت فيه غريب
مش عارفه بجد يمكن انا اللي بنتمي للمكان بزياده
لغاية ما اتعمل الموضوع ده كنت فاكره انه سؤال مش محتاج اجابه
نيل مصر مش هي اللي لوثته الناس هما اللي لوثوه
وهواء مصر الفاسد دلوقتي برده مش هي المسئوله عنه
احنا كلنا اللي مسئولين بإستسلامنا لكل خطأ ولكل ظلم واقع
مصر فيها ناس كويسه وناس وحشه وممكن تقابل نفس الفئات الوحشه بره ساعتها هتقول برده السبب مصر ولا الناس هي السبب
بره لو حد خبطته عربيه في الشارع محدش هيلتفت وراه علشان يعمله حاجه
بره لو زهقان وقلت تعدي على حد من اصحابك الأجانب فجأه مش هيستقبلك
بره الحياه عمليه جدا وماديه وبارده وخاليه من المشاعر والعلاقات الإجتماعيه
على فكره دي خبرة اقاربي في الخارج
وبعدين انا مش مصدقه اللي اختاروا يسقطوا جنسياتهم عندي شعور ان ده انفعال وقتي بسبب سوء الأحوال اللي البلد فيه
واكبر دليل انفعال معظم اللي في المنتدى لأي شىء ضد مصر وابسط مثال الموضوع بتاع الجزائر
وما اعتقدش ان اللي اختاروا يسقطوا جنسياتهم لن ينفعلوا مع اي كلمه سيئه تقال عن مصر
آسفه جدا ان انا طولت عليكم
طب إيه المانع أنتمي لمصر بس ماكونش مصري؟!! أنا مش شايف أي تعارض. والتنازل عن الجنسية المصرية في سبيل جنسية دولة آدمية -في نظري- واجب شرعي طالما ستكون حقوقي الإنسانية محفوظة في حالة الحصول على الجنسية الجديدة، والتمسك بجنسية دولة تهينني ولا تقيم لحقوقي وحياتي ولا أأمن فيها على نفسي أو مالي -طالما أنني لست أحد الباشاوات الجدد- شيء لا مبرر له ولو حتى بداعي الانتماء.
اقتباس:
طب إيه المانع أنتمي لمصر بس ماكونش مصري؟!! أنا مش شايف أي تعارض. والتنازل عن الجنسية المصرية في سبيل جنسية دولة آدمية -في نظري- واجب شرعي طالما ستكون حقوقي الإنسانية محفوظة في حالة الحصول على الجنسية الجديدة، والتمسك بجنسية دولة تهينني ولا تقيم لحقوقي وحياتي ولا أأمن فيها على نفسي أو مالي -طالما أنني لست أحد الباشاوات الجدد- شيء لا مبرر له ولو حتى بداعي الانتماء.
خلاص أنا أقدم هجره لأمريكا و إنت لألمانيا و نبقى زي يهود الشتات
ربنا إدانا بلد نعيش فيها و ننتمي ليها حتى لو كان حكام البلد دي ودوها في ستين داهيه إسمها بلدنا برضه
كلامك غير منطقي لأن لو إطبق على الجماعه يبقى البلد راحت
فكره المواطنه فكره تقوم عليها الأمم و تتطور
حتى الحضارة المصرية القديمه و فكره الإنتماء لكيميت الأرض الخصبه بدون إنتماء ما وجدت الحضارة
بدون إنتماء لا توجد حضارة و مش هنتقدم أبدااا
للأسف أنا يائس بجد من التصويت للدرجة دي في ناس مستعده تتخلى عن جنسيتها لصالح بلد تاني يكون هو عليها دخيل فكريا و إجتماعيا و ثقافيا و ممكن دينيا !
طب و إذا كان ربنا -اللي بتقول إنه إدانا أرض ننتمي إليها- أمرنا بالهجرة أمر مباشر و سيحاسب البعض على عدم الإمتثال كما وضحنا , و لم يأمرنا في ولا أية ولا حديث للإنتماء للأرض؟؟
ده من دروس الهجرة من مكة للحبشة و من الحبشة للمدينة هو بلاغ للمؤمنين بعدم التمسك بالأرض الظالم أهلها والذهاب للأرض ذات الحاكم العادل !!!
وفي قصص الأنبياء كثير من الهجرة مثل إبراهيم و يوسف وموسى
هاتلي دليل شرعي أو نص قطعي الدلالة أننا علينا ألا نترك أوطاننا وأنا أضع أمامك مائة دليل على ضرورة الهجرة في حالة مثل حالتنا
استدراك :
ده من دروس الهجرة من مكة للحبشة و من مكة للمدينة
الجنسية الأمريكية تعطيك امتيارات متحلمش بيها ، يكفى انك فى أمريكا لو عندك طموح ومهارة كفاية هتعمل فلوس بالهبل ولو انت طموحك على قدك هتعيش فى مستوى مادى مريح جداً.
وبعدين التعليم هناك افضل تعليم على مستوى العالم ، يعنى بجد لو عندك طموح وعندك نسبة ذكاء فوق الطبيعى ، خلاص كدة انت عديت.
وبعدين لما يكون معاك الجنسية الأمريكية وعايش هناك هتقرف تنزل هنا أصلاً ، أنا كل اللى أعرفهم هناك بينزلوا مضطرين ، دة اللى بينزل ! ، مش عشان سواد عيونها ولا حاجة ، كلهم بلا استثناء ، ويوم ما ينزل ، يوم بس ما يفكر ينزل ، كل مصالحه بتنجز فى ثوانى وأخره شهر اتنين ويرجع من حيث أتى.
وكل اللى أعرفه فى الخليج بقاله كتير ، مش بيفكر أبداً يرجع مصر ، خطة التقاعد فى أى دولة غير مصر استراليا كندا امريكا نيوزلندا!! ، محدش أبداً شفته بيفكر يرجع مصر وجو الحنين لترابها دة مش بسمعه أبداً.
التنازل عن الجنسية دة عامل زى فكرة الانتقال من حارة شعبية فى عشوائيات لفيلا فى جاردن سيتى!! مفيش مقارنة أصلا دة لو جت الفرصة بس هتلاقى كل الناس اللى بتقول مش هتنازل دى أول ناس هتتنازل!! :)
أنا لي عمي دكتور في جامعة الكويت عايش فيها من أوائل الثمانيات. بعد كده جه على 2004 كده حن إلى وطنه وقال ينزل مصر. راح يقدم في جامعة السويس علشان يشتغل كدكتور جامعي قالوا هنديك 900 جنيه في الشهر!!!!!!!!!!!!!!