الله لما خلق الأرض , خلقها كله علي بعضها ! مخلقش بلد قبل التانيه ! ولا حط حدود عليها نحدد بيها انتماء أعمي !
و بالنسبه للي عاوزين يتدفنو في مصر ! فا في ارض مصر الحساب حيكون اسهل في يوم القيامه عن اللي مدفونين في باقي الأرض ؟؟
الله لما خلق الأرض , خلقها كله علي بعضها ! مخلقش بلد قبل التانيه ! ولا حط حدود عليها نحدد بيها انتماء أعمي !
و بالنسبه للي عاوزين يتدفنو في مصر ! فا في ارض مصر الحساب حيكون اسهل في يوم القيامه عن اللي مدفونين في باقي الأرض ؟؟
يمكن علشان زيارة المقابر من الاهل و الاقارب .
انا مش طير ولا عاشق لارض الغير
تهدى ياريح وما تهشى انا دارى هنا وعشى
ولا بجناحى بتغرب وساعة الجد ما اتهرب انا عندى هنا تشرب سنين مرة وساعة خير انا مش طير ولا عاشق لارض الغير
تهدى يا ريح وما تهشى
انا دارى هنا وعشى ولون القمح من وشى سنابل فى الوريد بتزيد
انا مش طير ولا عاشق لارض الغير
حرير المهد كان حجرك شربت الشهد من صدرك وتنسينى انا فاكرك ومن حقى عليكى اغير
ونا مش طير ولا عاشق لارض الغير
انا منك ومن صلبك وقلبى بيرتوى بقلبك تنادينى انا جنبك عشانك يا حبيبتى اطير
وانا مش طير ولا عاشق لارض الغير
الكلام اللى فوق ده منقول بس فعلا ده احساسى
مصرى وافتختر
طالما اللي فوق فوق، و البلد زي ما هي و متغيرش فيها حاجة
و طالما حرياتي متصادرة و طالما فيها شرطة و جيش و مخابرات و رئاسة بالوضع دة
أتنازل يا باشا أتناااااااااااااااااااااا ااااااازل بكرة الصبح
و بكرة الصبح لية من دلوقتي كمان
قال يعني انا مواطن قوي ماشاء الله .. بلا غم
بس هو بصراحة الجنسية المصرية ليها ميزة و الله الواحد نسيها
اكيد المصريين الغلابة دول حيدخلوا الجنة بدون حساب من اللي شافوة في الدنيا دية، و تحديدا المساكين اللي بتقتلهم الشرطة كل يوم و اللي بيناموا عشرة في أوضة و اللي معندهمش كهربا ولا مية ولا اي حاجة
المفروض انتمائنا وولائنا يكون ديني بدون عنصرية
قبل اتفاقية سايكس بيكو كان العالم السلامي كله واحد لا فرق بين عربي ولا اعجمي الا بالتقوى
لكن الان وبعد ما فشلت الحروب الصليبية في تطويع المجتمع المسلم تعاملت معاه بفكر بعيد عن الحروب و استفزاز للعقيدة لانهم فهموا على مر التاريح ان المسلمين مهما ضعفوا فالدين والرجوع له بيرجع لهم القوة
ولهذا تعددت اساليب الغزو الفكري اللي احنا واقعين فيه حاليا ومنذ سنين بكل تفاصيله
وكان من ضمن اساليبه تفكيك العالم الاسلامي لدويلات تفصلها هذه الحدود على ان يكون هناك حدود غير واضحة بين بعض الدول وذلك ليتم استغلال ذلك فيما بعد حسب الخطة بعيدة المدى الموضوعة
وكان هذا سبب فيما حدث بين العراق والكويت
وفي جنوب السودان
ومنطقة النوبة وغيرها
كل شئ مدروس بدقة شديدة
ايضا , تفعيل العنصرية في هذا الدول وتشجيع المذهبية والقومياات العرقية
يعني بدل ما نقول احنا مسلمين , نقول احنا فراعنة وغيرنا بربر مختلف عنا بالتالي هو ليس منا وهكذا
الاول كانت القومية العربية " لينفصل العرب المسلمون عن العجم المسلمين" ثم القوميات الفرعية ليمزق بعدها الكيان العربي وهكذا
" الامة الاسلامية و الغزو الفكري الغربي " - أرشــــــيـــف حوار الخيمة العربية
هو يعني لو اسقطت الجنسية مش هعرف ادخل البلد ازور اهلي ...
دا بالعكس !! انا هدخلها زي الباشا اكتر من حاملي جواز السفر المصري....
انا منشن اليومين دول عالجنسية السويسرية .... بحلم طبعاً
ههههههههههههههههه
فين الدولة اللي ممكن تديني الجنسية دي، انا ممكن احضر شنطي دلوقتي :(
[QUOTE=M.Osman;3872785474]هو يعني لو اسقطت الجنسية مش هعرف ادخل البلد ازور اهلي ...
دا بالعكس !! انا هدخلها زي الباشا اكتر من حاملي جواز السفر المصري....
انا منشن اليومين دول عالجنسية السويسرية .... بحلم طبعاً
ههههههههههههههههه[/QUOT
كنت لسة عاوز اقول كده :Ta_clap[1]:
أحمد حلمى فى فيلم عسل أسود جاوب ع كل تساؤلاتكم !!!!!
الباسبورررر الأمريكى جايب هوا حلو أوى :)))))))))))
تغوووووووووورررر مصررر
ياجماعة
الوطن مش هوا البلد اللى اتولدت فية
الوطن هو البلد اللى تلاقى فية حلمك أمانك راحتك نجاحك و فوق كل دة الاحترام و التقدير والعدل ...... هو دة الوطن الحقيقى
أيوة يا جماعة الإنتماء بالجنسية , مين قال انه من غير جنسية
هو لو واحد مصرى بس مولود فى انجلترا وبيحبها بتقول عليه انجليزى ؟ , ولا لو واحد سعودى بس مولود فى مصر بتقول انه مصرى ؟
لا طبعا الإنتماء بالجنسية , بتحب بلد معينة اه بس مازالت الجنسية هى الشارة الموضحة لوطنك الأساسى إلا إذا كان الواحد رحالة بقا وملوش بلد أصلا
جنسيتك هى أهلك ومكانك وناسك ووطنيتك , ويوم ما ترجع من غيرها هتبقى فى نظر كل الدنيا غريب
واخد حقك وبنى أدم ليك حقوق اكتر من اللى معاه الجنسية بس على الأرض دى انت برده غريب وضيعت مع الجنسية كل سنين عمرك وكل ذكرياتك اللى عملتها هنا واللى مستحيل لو فى أجمل مكان فى العالم تقدر تعمل نصها تانى
مكان الدفن مهم طبعا , ومش كل أرض ربنا زى بعضها
بالمبدأ ده كان لما حد يموت نروح نحفرله جنب الرصيف وخلاص بقا ونقول عليه ما هو كلها ارض الله
اكيد لما اتدفن فى وسط مسلمين موحدين عارفين ربنا وعبدوه فى حياتهم أحسن ما أتدفن فى وسط ناس نصهم كان عايش مش معترف بوجود ربنا أصلا , زى بالظبط لما أعيش فى وسط ناس بتوحد ربنا أحسن ما أعيش فى بلد الإسلام بالنسبة لهم موضوع مثير للشكوك
كمان مننساش ان جنسيتك دى هى طريقة حياتك وعاداتك وشخصيتك اللى إتكونت فى البيئة دى , سواء كانت فى التعامل او فى إدارة بيتك وأهل بيتك أو فى كل أوجه الحياة اليومية , اتنازلت عن جنسيتك وخدت جنسية جديده يبقى أنت بقيت جزء من الشعب التانى بشكله بعاداته بحياته واللى كتير منها ميناسبناش , فيها حاجات بنحلم بيها من أحترام ومواعيد وخلافه بس اللى مش عايزينه منها ميتسكتش عليه
الظروف صعبه اه وبتضغط علينا بس أرجوكم بلاش تنسينا اننا ولاد البلد دى , متداس علينا وشايفين الذل وانا اول واحد فيكم عايز أسافر بس أبقى عارف انى أيام وهرجع لما الحال يتصلح مش أروح أغير جنسيتى وأنسى أنا كنت منين أصلا ويوم ما أرجع أدفع إقامة
بالظبط زى ما يكون عندك شقه تمليك , بس انت بيعتها لواحد وبقيت قاعد فى الشقه إيجار
هى دى شقتك اللى قضيت فيها عمرك كله بس هى مبقتش بتاعتك خلاص انت مجرد ضيف فيها