المشاركة الأصلية كتبت بواسطة almahatma
بعيد عن العواطف بعيد عن المشاعر
البلد اللي مرتبي ما يكفينيش اكل و شرب تغور
البلد اللي شهاداتي تخليني ما لقيش شغل تغور
البلد اللي الناس بتموت من المرض و ما تلقيش علاج تغور
البلد اللي الظلم هوه القاعده و العدل هو الاستثناء تغور
البلد اللي دوا الكلسترول فيها ب 67 جنيه و متوسط الدخل 300 جنيه تغور
البلد اللي تخليني اعيش في اوضه فوق السطح و انا خريج هفسترا نيويورك تغور
البلد اللي فيها الناس مديونه علشان ياميش رمضان و علاج الاطفال و جواز البنات تغور
البلد اللي حالها بيسوء من سنه لسنه علي مدار 30 سنه و الدنيا حوالينا بتتقدم تغور
تغوري يا مصر يا ظالمه
يا لي خليتي جدي يبني هرم
يالي خليتي جدي يحفر قناه
يالي خليتي ابويا يموت في حرب
يالي خليتي ابني يموت علشان مش لاقي حضانه
مصر يا ام الدنيا مرحبا بك في دار المسنين و لتهنئي بالمقعد الهزاز حتي الممات