سؤال للخبراء عن أسترا 2004
لي صديق معه سيارة أوبل أسترا موديل 2004 - 1600 سي سي أوتوماتيك كاملة وعاملة 86000 كم
السيارة مش رشة داخل والخارج بعض المرمات الصغيرة رفرف وباب أكصدامين وأماكن الدوس علي الكلاكس متاكلة في الدركسيون بس الصالون و التابلوه عموما نضيف جدا
الموتور تمام ...
وهو عايز فيها 75000 الف جنيه وبيقول إن اليعر ده علشاني أنا صاحبه وانا محتار فياريت تقولوا ليا ما هو سعر الشراء العادل لها؟!!
و إيه أخبار العربيه دي من حيث القوة والمتانه والسحب و كذلك الأعطال ؟؟؟؟
وعارف ان أسعار قطع غيارها مرتفه ..
بصراحة العربية عجباني ومافيش حاجة تانية في دماغي غيراللانسر أو الكورولا2002 أو2003 علشان الفلوس طبعا
بأنتظار ردودكم
وأشكركم
إخواني و الأخ الكريم HNaga
السلام عليكم ورحمة الله
إخواني الأعزاء ....
مشكورين جدا علي حسن تعاونكم و ردودكم علي سؤالي
أنا بتوفيق الله وبعد البحث وقراءة أراءكم أتصلت بصديقي وأشتريتها منه بس لسه ما دفعتش فلوسها وهي فعلا تقيلة علي الأرض بس أنا شايف إن سحبها معقول
أخي هشام بما إن حضرتك معاك نفس العربيه وباين إن بقالها فترة معاك , إيه موضوع السحب والبنزين والتغييرات اللي حضرتك ذكرتها في ردك , وهل بنزين 92 أحسن لها وكذلك الزيت يكون موبيل وان synthetic وللا مفيش داعي
كذلك أنا لاحظت حاجة أول ما أفتح الكونتاكت إن مكان الكيلومترات (الرحلة) بيظهر كلمة INSP لثواني وبعدين تختفي ومتظهرش تاني وطول ما أنا ماشي بيها مفيش أي علامات تحذيرية بتظهر ولا أي شئ غير طبيعي يعني كله تمام.
ثانيا لاحظت أيضا إنها بعد الدوارة بحوالي دقيقة رعشت كده لثواني كأنها حتبطل وبعدين اتعدلت لوحدها علي طول وطلعت بيها بعد كده ولفيت بيها حوالي ثلث ساعة وكانت طبيعية جدا مع العلم إنها كانت مركونة من اليوم اللي قبله ولم يدورها وأنا لما دورتها دارت من أول مرة.
ثالثا بخبرة حضرتك العربيه دي سعرها يكون من كام لكام تقريبا علي هذه الحالة (عاملة 86000 كم
السيارة مش رشة داخل ولكن بالخارج بعض المرمات الصغيرة رفرف وباب و أكصدامين ) وهل 86000 كيلو كتير علي العربيات دي ولا إيه؟
أنا عارف إني تقلت عليك بالأسئلة وأعتذر عن كثرتها ولك مني كل أحترام وتقدير !!