الموضوع: سؤال للخبراء عن أسترا 2004

السلام عليكم..
في العربية دي نصيحة ابعد عن الاوتوماتيك..
الكلام ده من ناس قرايبي شغالين في التوكيل..
العربية دي متقفلة في البرازيل.. العربية دي كانت نازلة بفتيس اوتوماتيك تاني غير اللي ركب فيها ده او نازلة مانيوال بس.. وهما في البرازيل اللي ركبوا اللي نزل بيها مصر ده.. مش فاكر بالظبط.. بس هو مش متناسب معاها.. وبالتالي بيعمل مشاكل.. ومش تمام قوي..
وعلي فكرة انا كنت بافكر فيها من فترة كده وبعدين لما سألت قالولي اشتري المنيوال بتاعها احسن بكتير يا اما لو عايز اوتو اركب فيكترا..
ملحوظة : المانيوال بتاعها اغلي من الاوتو.. بحوالي 3 او 4 الاف جنيه..(يا تري ليه؟؟)
ارجو اني اكون افدتك.. وربنا يكرمك بدي او غيرها..
وقبل اي حاجة استخير وربنا يقدملك اللي فيه الخير..

ده موديل عربيتى

بص ياأستاذ العربية ماقابلنيش فيها مشاكل لحد دلوقتى وحسب الأراء العربية ممتاذة عيبها الوحدي انها تقيلة بس ده مديها إتزان عالى

75 الف شوية عليها كمان

حاليا انا مش بشتكى من موضوع السحب والبنزين بعد شوية التغيرات اللى عملتها فيها

بالنسبة للدركسيون الحل الوحيد تشترى واحد إستيراد - العيب ده مشهور جدا

وأى سؤال انا تحت أمرك

المشاركة الأصلية كتبت بواسطة alex007

السلام عليكم ورحمة الله

إخواني الأعزاء ....

مشكورين جدا علي حسن تعاونكم و ردودكم علي سؤالي

أنا بتوفيق الله وبعد البحث وقراءة أراءكم أتصلت بصديقي وأشتريتها منه بس لسه ما دفعتش فلوسها وهي فعلا تقيلة علي الأرض بس أنا شايف إن سحبها معقول

أخي هشام بما إن حضرتك معاك نفس العربيه وباين إن بقالها فترة معاك , إيه موضوع السحب والبنزين والتغييرات اللي حضرتك ذكرتها في ردك , وهل بنزين 92 أحسن لها وكذلك الزيت يكون موبيل وان synthetic وللا مفيش داعي

كذلك أنا لاحظت حاجة أول ما أفتح الكونتاكت إن مكان الكيلومترات (الرحلة) بيظهر كلمة INSP لثواني وبعدين تختفي ومتظهرش تاني وطول ما أنا ماشي بيها مفيش أي علامات تحذيرية بتظهر ولا أي شئ غير طبيعي يعني كله تمام.

ثانيا لاحظت أيضا إنها بعد الدوارة بحوالي دقيقة رعشت كده لثواني كأنها حتبطل وبعدين اتعدلت لوحدها علي طول وطلعت بيها بعد كده ولفيت بيها حوالي ثلث ساعة وكانت طبيعية جدا مع العلم إنها كانت مركونة من اليوم اللي قبله ولم يدورها وأنا لما دورتها دارت من أول مرة.

ثالثا بخبرة حضرتك العربيه دي سعرها يكون من كام لكام تقريبا علي هذه الحالة (عاملة 86000 كم
السيارة مش رشة داخل ولكن بالخارج بعض المرمات الصغيرة رفرف وباب و أكصدامين ) وهل 86000 كيلو كتير علي العربيات دي ولا إيه؟

أنا عارف إني تقلت عليك بالأسئلة وأعتذر عن كثرتها ولك مني كل أحترام وتقدير !!

بص ياأستاذى أولا مبروك عليك العربية و ربنا يبارك لك فيها
بعد البحث فى المنتديات الأجنبية المتخصصة فى الأوبل عملت 4 حاجات أنصحك تعملهم واحدة واحدة وتلاحظ الفرق

1-فلتر هوا رياضى مكان الفلتر الأصلى مش فاتر مدور وده مش هتلاقيه فى مصر فعليك وعلى أمازن
2-طقم بوجيهات محترم يستحسن اريديوم

الأتنين دول هيحسنوا إستهلاك البنزين و يخلوا طلعة العربية أحسن

لو عايز تحسين أكثر فى الطلعة بس هيبقى على حساب البنزين شوية فيه تعديلين كمان بس مش وقته

بنزين 92 على الأقل ماتحطش 90
بالنسبة للزيت فى التوكيل بيحطوا موبيل 1

INSP معاها معاد الصيانة فات لو مضايقاك ممكن تشيلها

بص ماتبصش لأى عيب فيها غير بعد ماتعمللها صيانة و أنصحك روح مقار بيكشفوا على كل حاجة المفروض يتشكف عليها فى الصيانة

ونصيحة حافظ عليها وهى هتبقى كويسة معاك ماتكبرش دماغك معاها

اه نسيت أول لك انا عربيتى عاملة 88000 :)

بص سيبك من السعر هو كويس وحتى لو مش كويس مش هتلاقى حاجة نضيفة بالسعر ده

وعامة ياسيدى عشان ترتاح ال 75 دول أقل سعر شفته لأسترا 2004 نضيفة

إطفى العربية و دوس على زرار عداد الرحلة ووانت دايس دور العربية
مش هتظهر الا بعد 5 الاف كيلو