استطلاع رأى : رأيك فى لوحات المرور الجديده للسيارات

**sa3dawy** · 17-02-2008 08:34 PM

شكلها حلو......يعنى جت على اللوح المهم العربية....يعنى انا لو اشتريت عربية دلوقتى هتجيلى اللوحة الجديدة؟

**Xpert** · 17-02-2008 09:14 PM

ارقام و محافظات احسن .. الدوله لسه طابعه دفعات جديده من ارقام و محافظات .. انا نفسي لسه صارف النمر الكمبيوتر بتاعتي مكملتش سنه ... و مش ناوي استغني عنها (نمر مميزه برضه .. 1441) .. و هاحتفظ بيها علي قد ما اقدر .. دي الدوله معاها ميزانيه مستغنيه عنها و عملولهم افتكاسه جديده بيها .. و عامه لو رسيت علي كده انا اجيب عربيه تريبتك و اشتري دماغي .. لان بصراحه اللي يركب عربيات هنا لازم تكون اعصابه حديديه ...من مخالفات و بلاوي و رسوم و مش عارف ايه .. يا كده يا اسلكلي بعربيه هيئه دبلوماسيه ...

**Nader** · 17-02-2008 09:24 PM

اكيد افضل من اللوحات السابقة او بمعنى اصح اليفط السابقة ويكفي ان حجمها هيكون اصغر.

**meza** · 17-02-2008 10:58 PM

إيه القرف ده
الحروف بالعربى !!!!!!!

كده هتطلعلنا كلمات ممكن تكون محرجة أحياناً و بصراحة مش فاهم فيها إيه لما يعملوها إنجليزى على الأقل تبقى أوضح و مأظنش حد فى مصر ميعرفش Abc

كمان الحروف العربى بتبقى قريبة من بعض فى الشكل و سهل التلاعب فيها زى ال ح و ال خ أو ال ت و ال ث ......... مش فاهم هما بيفكروا بالشقلوب ولا لو عملناها إنجليزى يبقى بنضيع هويتنا العربية .... ناس غريبة .

رأيى شكلها قبيحة و الحالية أفضل
أو نعمل واحدة زى بتاعة ليبيا أو السعودية أو الإمارات .. متهايألى نفس التكلفة لو غيرنا الحروف !!!

**meza** · 17-02-2008 11:07 PM

أسف السعودية بالأحرف العربى برضه ...... لكن النتيجة إتذكرت فى مشاركة أحد الأعضاء فوق

مع كريم فى النقطة دى بذات .. شفت مرة فى السعودية عربية عليها " ع ج ل " وبصراحة مقدرتش امسك نفسى وكانت مسخرة بس ربنا ستر ....

**fahd_628** · 17-02-2008 11:38 PM

رأى انها وحشة اوى اوى و القديمة احلى بكتييييييييير

**Eng_Ahmed** · 17-02-2008 11:52 PM

المشاركة الأصلية كتبت بواسطة meza

إيه القرف ده
الحروف بالعربى !!!!!!!

كده هتطلعلنا كلمات ممكن تكون محرجة أحياناً و بصراحة مش فاهم فيها إيه لما يعملوها إنجليزى على الأقل تبقى أوضح و مأظنش حد فى مصر ميعرفش Abc

كمان الحروف العربى بتبقى قريبة من بعض فى الشكل و سهل التلاعب فيها زى ال ح و ال خ أو ال ت و ال ث ......... مش فاهم هما بيفكروا بالشقلوب ولا لو عملناها إنجليزى يبقى بنضيع هويتنا العربية .... ناس غريبة .

رأيى شكلها قبيحة و الحالية أفضل
أو نعمل واحدة زى بتاعة ليبيا أو السعودية أو الإمارات .. متهايألى نفس التكلفة لو غيرنا الحروف !!!

يا عم دا العساكر مابيعرفوش يقروا و يكتبوا عربي و هيشبهوا علي الحروف

ما بالك بقي لو كان إنجليزي بقي ............
و كمان الإنجليزي فيه حروف شبه بض في الشكل زي U و V و في الكتابه ال r بتبقي شبه ال V

و كمان ال Q شبه ال O و ال M و N و كمان ال I و L

و حجات كتير يا باشا

هي عموما الحروف العربي بتعمل مشاكل كتير و خصوصا الكلمات الي مش ظريفه يعني انا وفت بلاوي لما كنت في السعوديه بس انا متأكد ان الل مش ان أحنا نكتبها بالإنجليزي يعني

**PRO-DRIVE** · 18-02-2008 12:01 AM

رأيي الجديده و القديمه وحشييييين جداااااااا

شوفوا لوحات السعوديه الجديده

**abdelaziz-waleed** · 18-02-2008 12:02 AM

انا شايف ان اللوح القديمة كويسة لو اتعمل عليها بعض التعديل. انا بشوف ناس عملينها سودا ورفيعة وشكلها تحفة بس مش عارف بيجيبوها منين وهل فيها سحب رخص ولا لأ
هنا في الجزائر بيستخدموا لوحة ارقام ممتازة بتنقسم ل 3 اجزاء
الجزء الاول يشمل كود المحافظة او الولاية كما يطلقون عليها
الجزء التاني 3 ارقام تشمل نوع المركبة وسنة الصنع يعني مثلاُ 103 معناها سيارة ملاكي موديل 2003
الجزء التالت هو رقم السيارة وده ممكن يكون 3 او 4 او 5 ارقام
وانا شايف بصراحة النظام ده ممتاز وكله ارقام مافيش ملاكي القاهرة ولا حروف ولا اي حاجة ممكن يكون فيها لغبطة

مشاهدة نتائج الإستطلاع: رأيك فى لوحات المرور الجديده للسيارات

الموضوع: استطلاع رأى : رأيك فى لوحات المرور الجديده للسيارات

LinkBack

أدوات الموضوع

عرض

-

-

-

-

-

المواضيع المتشابهه

حروف لوحات المرور ..قد توقف حال بيع السيارة !

القاهرة بلا إشارات المرور و لا لوحات ارشاديه !!!

لوحات المرور المميزة في مزاد علني .

حد يساعدنى مش لاقى لوحات فى المرور

الكلمات الدلالية لهذا الموضوع

المفضلات

المفضلات

ضوابط المشاركة