محتاج رأيكم : الانترا - صنى - اوبترا - متريكس

**أحمد علاء** · 23-06-2010 04:22 PM

ربنا يوفقك يا استاذ mahdy003 للإختيار الصواب
بس حضرتك مش عايز اوتوماتيك علشان بتحب المانيول ولا بسبب السعر ولا فيه سبب تاني؟
عموما فكر في الأوتوماتيك لأن البلد كل يوم بتتزحم اكثر والأوتوماتيك مريح وكل مدى الإقبال علية بيزيد للسبب ده.

انا لو مكانك هحدد اسس اختياري او تقيمي للسيارة واحط قصاد كل نقطة درجة من 10 وبعد كده اجمع الدرجات واقان ده بالسعر.
وصدقني إلإحتياج بيختلف بين شخص والتاني
نقاط التقييم كمثال:
المنشأ-التوكيل-عوامل الأمان-قوة المحرك-اسعار قطع الغيار- توافر قطع الغيار خارج التوكيل-سعر إعادة البيع (لو كنت ناوي تبيع في خلال 3-4 سنوات)-الشكل الخارجي-الشكل الداخلي-الإتساع للسائق والراكب الأمامي-الإتساع للركاب في الخلف-مساحة شنطة الأمتعة-.....

هي طريقة علمية للتقييم والنقاط ديه حسب إحتياجك ليها.

وربنا يوفقك

**Bishoy.Girgis** · 09-07-2010 02:46 PM

النيسان صني فوق الرائعة و انا امتلكها بقالي سنة و نص و مقصرتش معايا خالص و ده لسبب ان الوكيل بتاع العربية رائع جدا

**ICE_MAN** · 12-07-2010 02:15 AM

المشاركة الأصلية كتبت بواسطة m_mekkawy

من غير تحيز الألنترا ومش محتاج اقول مميزاتها او السيراتو لانهم هما الأتنين واحد تقريبا

+1111111111

**mahmoudzaied** · 12-07-2010 02:25 AM

مش محتاجة تفكير يا ريس
الالنترا من غير تفكير
العربية عيبها الوحيد انها واطية على الارض وبتحك فى المطبات دا مقابل الثبات + غبووووووووور حبيب قلب الشعب المصرى
غير كدة موتور ملهوش حل فى التنجميع والسرعة وملهوش صوت خالص
الصالون شيك جدا جدا جدا وواسع اوى
ثباتها تحففففففففففة
شكلها جديد وجميل
اعتمادية بقالها 4 سنين فى السوق المصرى محدش اشتكى منها
فرامل حساسة اوى اوى اوى
كل اللى بقولهولك دا بناء على تجربة عملية مش كلام فاضى
استهلاك بنزين قليل

المرتية التانية الصنى
يعبها التقفيل المصرى + واطية على الارض + استهلاك بنزين عالى + ضيقة من الكنبة الورانية + صوت موتور عالى وتكنولوجيا قديمة
لكنها عربية ممتازة بكل المقاييس وتحفففة بالشكل الجديد مع الفرش البيج

الماتركس انا مش بحبها بس بحترمها موووووووووووووت

الاوبترا مش بحبها برضو مش برشحها عشان معرفش عنها الكثير