الموضوع: تاثير العفشة الاسبور على السيارة

السلام عليكم ورحمة الله وبركاته

انا معايا فيرنا وطبعا زي م اغلب الناس عارفيين ان مشكلة الفيرنا في العفشة والفرامل المهم انا ربنا رزقني بفلوس ونويت وفعلا نزلت وسالت على سعر العفشة الكوني (لان هي انضف حاجة موجودة في مصر تقريبا) وانا ناوي اشتريهم واركبهم من عند car boys لاني زي ما عرفت من السايت المحترم ومن ارابكوم (اللي هو وكيل كوني في مصر) انهم نضاف وبيدو ضمان وكده بس انا عندي كام سؤال كده قبل ما اخد القرار النهائي واتوكل على الله واشتري

ماهو تاثير المساعدين والسوست على ادء العربية وثباتها ؟
وهل هاحس بفرق فعلا في الثبات ولا مش هاحس بيه اوي ولو هاحس بيه هايبقى زيادة كام في المية تقريبا؟
وهل لها اضرار؟(يعني هاتأثر على حاجة في العفشة او العربية عن لو ركبت المساعدين الاصليين)
ومامدى احساس الراكب بالمطبات الجميلة المنتشرة في شوارع القاهرة ؟
ومش المساعدين لهم علاقة مباشرة بقوة الفرامل او بمعنى اصح جودة المساعدين بتؤثر تأثر مباشر على مسافة التوقف؟ ولو هما فعلا كده مش ده ممكن يبقى شبه حل او نص حل لمشكلة الفرامل؟ (مع اني بدور بقالي فترة على طنابير بريمبو بس على السايت بتاعهم مافيش غير لل النترا 2004 للاسف)
وهل بعد تغيير المساعدين والسوست ممكن تركيب جنط 16" مع العلم ان الفيرنا بتنزل ب "13 و 14" optional (ده من كتالوج السيارة) واني كمان لما روحت وقابلت المهندس سعيد اللي في car boys سالته عن تاثير الجنط ال 16 على المقصات والكبالن قاللي ان كده كده المساعد هو اللي بيشيل لان المساعد هو اللي بياخد ال reaction من الكوتش فلو المساعد كويس هايخد الخبطة ويمتصها وهيوصل نسبة قليلة للعربية او مش هاتوصل اوي يعني فمش هايثر على حاجة اوي طبعا مع العلم ان كده كده هيا بتعتمد على طريقة السواقة وان السائق بيلبس حفر ومطبات على سرعة كتير ولا لاء
وهل ال 15 هايبقى احسن ولا كده كده مش هاتفرق اوي عن ال16 في التاثير؟
وشكرا لكم مقدما ومعلش ان انا مشاركاتي قليلة شوية بس انا لسه مشترك على السايت من شهرين تقريبا وكنت مقضيها قراية وبحاول استفيد من خبرات زملائي على السايت وغير كده انا اوقات كثيرة لا يتوافر عندي الانترنت بسبب ظروف شغلي بس ان شاء الله هاحاول على اد ما اقدر اني اشارك واحاول افيد الناس برده من خبرتي المتواضعة في الفيرنا اللي بقالها معايا 3 سنين وخلتني احبها غصب عني
ومتاسف على الاطالة

ممكن فكرة عن اسعار المساعدين الكونى و السست الابكس ؟