السلام عليكم
اهلا بيكم يا جماعه الخير شباب ورجاله القسم الجميل دة
طبعا قريب جدا فترة الامتحانات هتخلص والاجازة هتبتدي
ومينفعش بقا منعملش مقابله دا حتى عيب فى حقنا يا رجاله يعنى كل قسم شغال
مقابلات وتعارف واحنا هنا يجمعنا موضوع لالا مينفعش
فى اتقدم لكم باول دعوة لعمل مقابله تجمع الماروتيه واللاتويه واللى خالنى اخصص موديلين دول بالذات للقرب الشديد بينهم فى الامكانيات وماشبه وطبعا اي حد من الاخوة الكرام مالكى السوزوكى عامة نتشرف بيهم اكثر واكثر واعتقد ان تجمع ومقابله هتكون لها فؤائد كبيرة اكبرها هيا التعرف اكثر ع بعضنا البعض فابنتظار التواجد منكم يا احلى قسم ونشوف ظروفنا جميعا لان فى طبعا منا خارج القاهرة بس قريبين برضو ((:
يعنى نتفق ع موعد ويوم كدة يكون مناسب لنا جميعا باذن الله
وياريت كمان اللى عندة مكان نتجمع فيه يكون افضل لان اخوكم ابيض فى حوار الاماكن وكدة
والله المستعان