ما هى افضل سيارة بـ 15 الف

**nicegypt** · 23-06-2010 01:35 AM

فى البداية اخص الشكر للاستاذ " wassof "
على شرحة الوافي واشكر كل من قام بالرد بسرعة لم اتخيلها
فيوضح هذا روعة المنتدى ونجاحة كأفضل موقع متخصص

اتمنى عدم ازعاجكم بسؤال اضافي :
قمت بفحص سيارة 128 وتبين ان الشاسية سليم علماَ ان صاحب السيارة اخبرنى بأمانتة ان السيارة مفتوحة شاسية
وتم عمل قطعية كاملة مع طقم علب لدى احد الاشخاص الجيدين فى الحرافيين واخبرنى بعدم اخبار الميكانيكى بذلك كأختبار لة
واخبرنى الميكانيكى ان السيارة فعلا تمام وفبريقة وشاسية سليم وهنا قفز صاحب السيارة الامين واخبرة بما فعلة بالسيارة وانها مفتوحة شاسية
وطبعا لم اخذ السيارة فقد ذهبت فقط للاختبار الميكانيكى . فما رأيكم بذلك وماهى طرق اخفاء او اصلاح الشاسية بحيث ان لا يكون مبهماَ او كيف اعلم ذلك بالنظر ؟ فأفيدونى

**AMA** · 23-06-2010 02:09 AM

دا رد كنت كاتبه فى موضوع تانى برضة فيه أسعار السيارات إلى ب15 ألف جنيه

كلها من أعلانات على النت يعنى برضة الواقع أرخص حاجات بسيطة جدا و كله حسب الحاله طبعا
سيتروين ax موديل 1994 كانت بـ16 ألف جنيه (ممكن تزيد ألفين كمان بس أكتر من كدة حرام)
فيات 132 الـ1600 سى سى بتعمل من أول 9 ألاف لحد 12 ألف (لو زادت عن كدة سيبه و أمشى)
بيجو 305 بتعمل من 9 ألاف جنيه إلى 11 ألف جنيه بس دفع أمامى (لو زود عن كدة بلغ البوليس عنه)
جولف رابيت موديل 1975 بتعمل حوالى 14 ألف جنيه (كميكانيكا كويسة لكن حجم صغيرة شوية)
فيات 128 ممكن موديلات أوائل التمانينات تعمل فى حدود 14 أو 15 ألف

و الأسعار دى من أعلانات على مصراوى و كونتاكت كار و سوقك و كاردير
و لو تستنى على الشتا هتلاقى الأسعار رخصت (الكلام دة أتقالى من تجار بس طبعا مستريحتش لطريقتهم ولا كلامهم)

**x100** · 23-06-2010 02:36 PM

المشاركة الأصلية كتبت بواسطة wassof

خد بالك ال 132 عربيه تقيله في بيعها ومش مرغوب فيها
وانا رائي من رائي faron525 زود علي المبلغ الي معاك 3 او 4 ودورلك احسن علي 31

متحولش تتكلم فى 132 علشان مزعلكش

**mahmoud_anwar** · 23-06-2010 09:33 PM

المشاركة الأصلية كتبت بواسطة x100

متحولش تتكلم فى 132 علشان مزعلكش

اصلها العربيه دي كانت معنا ومع وحد كمان معرفه ومش عايز اقولك العربيه دي غلبتنا قد ايه

وعربيه ظلطه

دي جميله

بس بجد هيا مش مرغوب فيها فعلآ في السوق
يعني نزل 3عربيات جمب بعض في السوق 128 و 131 و132
واتفرج اني الي هتباع بسرعه
1- 128
2-131
اسرع عربيتن في البيع والشراء
اما بي النسبه لي ال132

علشان

**mahmoud_anwar** · 23-06-2010 09:37 PM

ابعد عن الستروين نصيحه لي وجه الله والله ابعد عن الستروين ملهاش قطع غيار هنا نهائي وملهاش ميكانيكي متخصص
وهتطر تتعامل مع اي ميكانيكي

وابعد برضه عن الجولف ربت دي بقاله قرن شغاله علي الطريق يعني يعني عربيه هلكانه

نصيحه مني حوش فلوسك حاليآ لغايه لما تشوف البنزين هيغلي ازاي والزيت كمان هيغلي 15% كمان فا اصبر لي ان مدام في غلو في المواد البتروليه ممكن ممكن والله اعلم ممكن ينزله شويه في اسعار السيارات

**AMA** · 23-06-2010 10:00 PM

المشاركة الأصلية كتبت بواسطة wassof

فا اصبر لي ان مدام في غلو في المواد البتروليه ممكن ممكن والله اعلم ممكن ينزله شويه في اسعار السيارات

سمعت الكلام دة قبل كدة من كذا تاجر قال بالنص كدة
البنزين لما هيغلى العربيات كلها سعرها هيقل بالـ3 ألاف جنيه + أحنا فى صيف
يعنى فى الشتا كمان الأسعار بتقل حوالى ألفين جنيه
الكلام دة من تجـــــــــار لكنى مستريحتلهمش عشان كدة متعاملتش معاهم لكن كلامهم ثقة 100%

**mahmoud_anwar** · 23-06-2010 11:25 PM

المشاركة الأصلية كتبت بواسطة ama

سمعت الكلام دة قبل كدة من كذا تاجر قال بالنص كدة
البنزين لما هيغلى العربيات كلها سعرها هيقل بالـ3 ألاف جنيه + أحنا فى صيف
يعنى فى الشتا كمان الأسعار بتقل حوالى ألفين جنيه
الكلام دة من تجـــــــــار لكنى مستريحتلهمش عشان كدة متعاملتش معاهم لكن كلامهم ثقة 100%

انا برضه سمعت الموضوع ده من ناس كتير
وكمان سمعت ان الجمارك هتنزل
ويامسهل احنا نطول ان العربيات ترخص
اصل معلش بقت العربيه ملهاش اي ميزه
يعني الي بيجب عربيه علشان يوفر مثلآ تمن الموصلات
لكن العكس بقا صحيح العربيه غاليه + غلو في قطع الغيار + غلو في البنزين 25% + غلو في زيت السيارة15%
يعني من الاخر لزم السوق ينزل من اسعار العربيات علشان يقدره يبعه علشان لو فضل يغلي العربيه والاشياء الثانيه دي غاليه محدش هيقدر يركب عربيه وكل الي هيفكر يركب عربيه هيفكر مليون مرة وفي المليون مره عقله هيقوله بلاش هتصرف منين بنزين وزيت بيتغير كل 1000 كيلو وبنزين بيخلاص في الوقفه في إشارات المرور ولا قطع الغيار الي مابيحكمهاش سوق ولا المخلفات ولا التجديد من الاخر التجار لزم ترخص علشان
تقدر تبيع لكن لو هتغلي هما كمان هيخسره