الموضوع: سؤال لاني لسة جايب ابيزا جديد

المشاركة الأصلية كتبت بواسطة alpatshinoo

بعد اذن دكاترة الابيزا ياريت يجاوبوني علي اسئلتي لاني الحمد لله جبت ابيزا 94.
اولا افضل نوع زيت موتور ممكن يتحط اية؟
كمية الزيت للموتور في ناس قالتلي 3كيلو الا ربع لو مش هغير فلتر زيت ؟انا مش عارف صح ولا غلط؟
عندي دبدبة في العجلة قدام يمين دي ممكن يكون سببها اية؟
مع العلم ان العربية مش بور وانا بركن بسمع صوت في الدركسيون ممكن يكون اية؟
انا اسف اسئلتي كتير بس الناس هنا ما شاء الله شايفهم متعاونين جدا وبيخدمو بجد .
وجزاكم الله خير

أولا اهلا بيك ومبروك عليك الابيزا وربنا يباركلك فيها
بالنسبة لموضوع الزيت انا استخدمت انواع كتييييييير ولكن أفضل الانواع حاليا هو كاسترول او فيسكو انا شخصيا لسه اول مرة استخدم فيسكو 2000 بعد شيل الاصفر وبصراحة ممتاز جدا .... شوف الموضوع ده كده
http://www.nilemotors.net/Nile/129345-a-10.html
وفيه موضوع كمان في المنتدي التعليمي عنه ابقي شوفه
كمية الزيت تساوي 3 ونصف لتر زيت في حالة تغيير الفلتر وثلاثة لتر فقط في حالة عدم تغيير الفلتر وده من كاتالوج العربية دي
بالنسبة للدبدبة اللي في العجلة اليمين اكشف علي العفشة وشوف فيها ايه لأن التوقع فيها صعب لأن مكوناتها كتير ويمكن يكون حد عنده معلومة يفيدنا بيها ....

الصوت اللي في الدركسيون ياريت تحدد هل صادر من داخل العربية ولا من الخارج يعني قريب منك وواضح ولا بره لأن الموضوع هيختلف وان كان الأفضل برده تخلي اللي هيكشف علي العفشة يشفلك دي كمان وان شاء الله الموضوع بسيط وربنا يوفقك

في حاجه كمان طالما انت لسه جديد مع العربية يبقي تعمل سيرفس كامل للعربية وتنظيف ( بوجيهات وفلاتر وسيور وغسيل ) عشان تبدأ معاها من الأول

مستنين أخبارك تقلنا عملت ايه

المشاركة الأصلية كتبت بواسطة fadynabil

ليا تعليق بس علي موضوع الزيت أنا بغير بالفلتر 3 لتر وربع و من غير فلتر 3 لتر إلا ربع

وبيبقي مؤشر الزيت مظبوط ... لكن أعتقد 3 ونص ده هيبقي كتير أوي

والله انا جبت الكلام ده من كاتالوج عندي كان عارضه الأخ اوريجينال علي منتدي فولكس للبولو من 94 ال 99 وهيا هيا الابيزا بالضبط
هو فعلا انا لما بغير الزيت كده بيكون عالي اكتر من ال max وده غلط ولكن أعتقد ان الموضوع بيختلف من فلتر زيت للتاني لأن فيه فلاتر طويلة واخري قصيرة ..........

علي العموم عايزك تقلي مستوي الزيت بالضبط بيكون فين يعني في نصف العلامة ولا عند أخرها فوق بعد ما بتغير
وفيه برضه حاجه عايز أقولها للأمانه ان اخر مرة وانا بغير فعلا ما حطيتش الثلاثة ونصف كلهم والمستوي اقل من ال max حاجه بسيطة جدا
منتظر ردك يا فادي عشان عايز نوصل للصح والأفضل ودي صورة لصفحة السوائل في الكاتالوج الخاص بالصيانة اللي عندي وهو كاتالوج haynes


Uploaded with ImageShack.us