علي رأي كتكوت
كدة ميت وكدة ميت
تعددت الاسباب والموت واحد
ولاحول ولاقوة الابالله
عرض للطباعة
علي رأي كتكوت
كدة ميت وكدة ميت
تعددت الاسباب والموت واحد
ولاحول ولاقوة الابالله
علي رأي كتكوت
كدة ميت وكدة ميت
وتعددت الاسباب والموت واحد
ولاحول ولا قوة الا بالله
وانالله وانا اليه راجعون
أعوذ بالله من المنظر ده .... ربنا يرحمهم أجمعين ويرحمنا من افتكاسات حكومتنا .... حد يعمل مطب على كوبري يا ........؟؟!!
اكمل النقاط على مزاجك .
مصر بلد العجـــــــــــــــــــــ ـــــــــــــــــــــــــ ـــــــــــــــــــــــــ ــــــــائب
ربنا يرحمهم جميعا ويصبر اهلهم
ويعوض الناس دي خير ان شاء الله
حسبي الله ونعم الوكيل
اخونا فى كلام كتير غلط معلش احب اصلحة
انا من سكان المعادى وشغلى فى مدينة نصر وعايش على الاوتستراد ده وياما قولت والله العظيم ان خطر موت الجرى على الطريق ده من غير حفظ لانة بشع بجد
http://www.nilemotors.net/Nile/142903-a-3.html (حادثه بالاوتوستراد !!)
اولا من مدينة نصر بيقابلك 3 كبارى لحد صقر قريش وبالترتيب كده كوبرى الدويقة وبعدها كوبرى الاباجية اللى بينزل على السيدة عائشة وده اخطر 100 مرة من كوبرى التونسى وخليك دايما فى اقصى الشمال
وتالت كوبرى هو كوبرى التونسى وده فى مطبات هوا للصبح وتطلع من الشمال مع السور الحديدى لحد فوق وبعدين توسطن نفسك فى حارة النص بعيد على المطبات الهوا
انا كنت معدى علية قبل الحاذثة ب 4 ساعات مفيش مطب صناعى علية خاااااااااااااااااااااااا ااااااااااااالص
مش عارف مين جاب الكلام ده خالص
لو راجع بليل اوى على الساعة 2 كده بشوف جنون سرعة فى قمة الاستهتار والتسيب والبشاعة والتقرير بيقول 180 وده اكيد اللى حصل فعلا وحسبى الله ونعم الوكيل فى اللى سايق لانة المفروض كمان مسئول عن البشر اللى معاه واخر تقرير دلوقتى بيقول ان اللى سايق ولد فى سن 15 او 16 سنة!!!! (لسة مش اكيد)
يوم الحادثة احد زميلى بعتلى رسالة الساعة 4 الفجر بقولى ابعد عن الاوتستراد الصبح عشان فى حادثة مروعة علية والصبح نزلت قبل معادى ب ربع الساعة ومشيت لحد بنزينة وطنية ولقيت الطريق يوم الحشر فعلا وعلى اد مقدر هربت لطلعة الدائرى لمدينة نصر
وانا راجع قولت امشى اوتستراد وابص فى اية على الساعة 5 امبارح كده ولقت الدنيا واقفة لحد مطلع المقطم شرطة كتير وبيبعد النقل والاجرة يطلعة طلعة المقطم وينزل من بعد السلاب كده
انا كملت عادى ولقتهم بيعملوا المطبات فعلا بس ده اتعملت وانا على الكوبرى لية بقى عشان مش عايزين حد يجرى عن 40 عشان فى خطر كبير على الكوبرى ولحد دلوقتى فى لجنة بتشوف اية الجديد
يعنى المطبات معمولة وقتية لحد ما يشوفوا هيعملوا اية بس برضة ممكن يسبوها بعد كده ده عادى جدا
ربنا يسترها علينا وعليكوا دايما
ونصيحة اخ يا اخونا يا اخونا بلاااااااااش جرى على الاوتستراد حفاظا على ارواحك وارواح الاخرين
وهما يعنى المرور مش عارف يراقب السرعات
يقوم يريح نفسه ويعمل مطبات اهى اسهل ليهم علشان ميشتغلوش
مع ان الحل كوموسطبل بموتوسيكل يمشى برادار على الطريق باستمرا
بس الجو حر عليهم
ربنا ينتقم منهم
اله يحرقهم زى ما حرقوا الناس
انا كملت عادى ولقتهم بيعملوا المطبات فعلا بس ده اتعملت وانا على الكوبرى لية بقى عشان مش عايزين حد يجرى عن 40 عشان فى خطر كبير على الكوبرى ولحد دلوقتى فى لجنة بتشوف اية الجديد
يعنى المطبات معمولة وقتية لحد ما يشوفوا هيعملوا اية بس برضة ممكن يسبوها بعد كده ده عادى جدا
ربنا يسترها علينا وعليكوا دايما
الله يفتح عليك، من المؤكد أن المطبات الصناعية على الكوبرى وضعت لكى تقلل الأحمال الديناميكية العالية على جسم الكوبرى و التى تنتج من السرعات العالية للسير و بالطبع منع سير النقل على كوبرى يؤكد هذا.
يبدو أنه سيتم التحقق من آمان الكوبرى فى الأيام القادمة لبدء عملية صيانة أو تدعيم كبيرة على جسم الكوبرى.
بيقى انت اكيد فى مصر
باين عليهم شافوا مشاركتك اللى فاتت
كان لازم تفكرهم يعنى؟
ContactCars | متضرروا حريق التونسي يهددون بقطع "الأوتوستراد"
مطب الهوا هو عدم انتظام فى سطح الطريق... يعنى بيبقى فيه حتة واطية فى الطريق ممتدة على مساقة 3 الى 4 متر مثلا و زاوية الانحناء فيها تدريجية شوية
مطب الهوا مش حتحس بية و انت ماشى بسرعة معقولة... يعنى 50 الى 60... عند سرعات عاية زى 100 و 120 عينك حتشوف تاثير المطب... عند 180 الى 200 عينك ما تشوف الا النور...
اللى بيحصل ان العربية و هى ماشية بسرعتها و تدخل على مطب الهوا بتسقط لتحت فى النص الاولانى... دة بيضغط سوست العربية... و بعد الانضغاط لازم ارتداد... مع الارتداد بتكون العربية بالفعل فى النص التانى من المطب و بدات تطلع لفوق فعلا... حط تاثير ارتداد السوست مع معامل رفع جسم العربية نتيجة عدم انتظام سطح الطريق الناتج حيكون طيران العربية من على سطح الطريق... طيران بجد يعنى العجل ممكن ميبقاش لامس الاسفلت
الموضوع بيبقى خضة مرعبة للسواق لان الطيران و الهبوط احساس يخوف و بيسحب القلب زى العاب دريم بارك الخطيرة... بس طبعا انت مش متوقع احساس زى دة و انت سايق... و برضة الخطورة لحد هنا مش ظاهرة
الخطورة بتبان لو كان القصة دى بتحصل و انت بتحود... طيران العربية و عدم ملامستها للاسفلت حيخليها تكمل فى خط مستقيم و الدركسيون مش حيستجيب لاى حاجة لان العجل اللى بيحود مش ماسك فى الارض اصلا... هنا السواق بيتخض و ممكن يحود زيادة فى الهوا فا اول ما العربية تلمس الارض تحود بعنف و تلف او تتقلب... و ممكن ترشق فى عربية او اكتر جنبها
طبعا مش شرط ان الطريق هو اللى يكون بيحود... ممكن انت اللى تكون بتحود فى غرزة او خلافة و تدخل فى المطب و تخرج منة على سقف العربية... و غالبا دة اللى كان بيحصل عل ىالمحور قبل ما يتصلح لان الفواصل اللى كانت بتعمل مشاكل كانت فى حتت الطريق فيها مستقيم... لو انت ماشى 80 و فى خط مستقيم ولا حيفرق معاك حاة... لكن لو ماشى 140 و بتاخد غرزة... كل سنة و انت طيب
كوبرى التونسى مصمم على النظرية الهندسية "يا بخت من وقف مطبين هوا فى الحلال" بس هما عملوا بتاع 5 او 6 مطبات مش 2... الكوبرى عبارة عن سلسلة من مطبات الهوا يفصلها الفاصل المعدنى اللى بالعرض... و كمان الكوبرى بيحود يمين (لو انت جاى من المعادى الى منشية ناصر) بالتالى هو بطبيعتة تركيبة خطيرة و مصدر للحوادث اللى بتوضح بشكل عملى خطورة ظاهرة مطبات الهوا
فى اعتقادى ان السيراتو و هى على سرعة عالية كدة و فى الملف اخدجت اول مطب هوا و عومت و فى السرعة دى محدش حيعرف يعمل حاجة عشان يسيطر عليها... خصوصا ان الكوبرى كلة مطبات مش حتى مطب واحد و تنزل بعد كدة فى حتة سليمة... طبعا العربية خرجت عن السيطرة و باندفاعها الكبير نتيجة سرعتها وقعت من على الكوبرى... حرق المنطقة مش ذنب العربية... دا ذنب اللى مخزن انابيب بوتاجاز فى كشك خشب
MMamdouh
مطب فوق الكوبري........دا اختراع مصري خاااااالص و مخلص..الازم نجيب و كالات الانباء العالميه تصورو و تعملو وثائقي كمان
السلام عليكم
ربنا يرحم الجميع برحمته الواسعة ويسترها معانا
ياجماعة الموضوع أعمق من كده بكتير ، مش مجرد عربية وحادثة وحريق
الموضوع موضوعنا احنا
احنا بقى عندنا حالة من الاستهتار واللا مبالاة بشكل غير مسبوق
والشارع المصرى بقى فيه حالة انفلات لم تحدث من قبل ، كل اللى عايز يعمل حاجة بيعملها ، فى الشارع والبيت والمحلات والاسواق
أصبح شعر الجميع " أنا ومن بعدى الطوفان "
ياجماعة الوضع كده بقى خطير
لابد لنا من وقفة
لابد من عودة المصريين كما كانوا
مينفعش كل واحد فينا يقول وانا مالى
وللاسف التغيير المطلوب مش زى اللى هما عايزينه
التغيير مطلوب فينا احنا الاول
التغيير مطلوب فى سلوكياتنا
التغيير مطلوب فى علاقتنا ببعض
أين الود والتراحم والشهامة والمروءة
للاسف سلوكياتنا جميعا اصبحت تحتاج لوقفة
تعالوا نجاسب أنفسنا أولاً ، ونغير من أنفسنا أولاً
عندئذ نستطيع أن نفرض التغيير الذى نريد
بدون ذلك ................. لا أمـــــــــــــــــــــــ ــــــــــــــــــل
يا جدعان ازاى مطب على كوبرى ايه العبقريه دى
المكان هناك كانه قنبلة ذرية نسفت المكان ، و كمية ا لدمار كبيرة ، فى نفس الوقت هناك اقاويل و اشاعات بان الحكومة تركت المكان علشان يولع و تاخرت فى اطفاءه علشان يبقى النقل اجبارى و مع انى شايف المكان نفسه كسوق هو مكان عشوائى
و غير ادمى لكنه فى حد ذاته كان مصدر دخل اساسى لعدد كبير جدا جدا جدا من الاشخاص بدءا من التجار الدائمين و التجار المتجولين و مصدر استفادة للمتعاملين و فعلا كل دول هم حاليا فقدوا مصدر دخلهم الاساسى و عقبال ما الحكومة لما تكرم و تنقلهم المكان الجديد البعيد فى اطراف مدينة 15 مايو لن يجدوا ما يصرفوا منه يعنى بالبلدى موت و خراب ديار خصوصا ان الحكومة و الشرطة منعت اى شخص من ممارسة اى نشاط تجارى فى المنطقة و طوقوا المنطقة بطريقة لم يقوموا بها مع اكثر المناطق اجراما او شهرة ببيع المخدرات مثلا
ربنا معاهم و يهون عليهم
وايه الجديد يعني , الحكومة هتفضل منتظره حدوث الحوادث والكوارث والمصائب كده للابد سواء بالنسبة لكباري او مناطق عشوائيه او طرق غير صالحه للاستخدام الادمي او ماء شرب مصدره من صرف صحي وغيره وغيره , يعني الي خلى اهم كوبري في جمهوريه مصر العربيه يا بيتم فيه اعمال صيانه ولا يحزنون وحصله بالفعل " هبوط " وعطل الدنيا وبقت كارثه وانا شخصيا كنت هلبس على الكوبري في اليوم ده لولا ان مكالمة تليفونيه حذرتني منه , الاهمال في كل حته زي السرطان
احنا لحد اليوم بناعى مش عارفين نروح شغلنا ولا عارفين نروح بليل وحاجة وحشة خالص بصراحة
بنحاول نهرب طول الاسبوع اللى فات عن طريق الدائرى وقرفة او طلعة المقطم من عند السلاب والنزول نزلة الاوتستراد اللى قبل كوبرى الدويقة
والنهاردة برضة مع بداية الاسبوع نفس الحوار وشكل الموضوع هيطول ومفيش حل
لا حول ولا قوة الا بالله
انا بحزن لما بيحصل الحوادث دى فى بلدى
الكوبرى ده كارثة و معروف لكل اللى بيمشي على الطريق ده و عمرى ما هنسى انى كنت هموت عليه
كنت بنقل حاجات لشقتى و كان معايا اتنين و الساعة كانت حوالى 9 ونص بالليل. طبعا انا عارف مكان مطبات الهوا دى كويس لانى اخدتها قبل كده. المهم فى التلت الاخير من الكوبرى اخدت اليمين و كنت ماشي حوالى 60 كم/س و و على اخر الكوبرى اسمع احلى فرمله جايه من ورايا و الحمد لله ان مكنش فى حد على شمالى والله معرف ازاى بصيت فالمراية اليمين و ونقلت للحارة الشمال و لاقيت العربية اللى بتفرمل بقيت جنبى على اليمين و وشها فى نص عربيتى. واللى كان سايق شاب و جنبه طفل صغير.
و من ساعتها و انا مش بزود على 80 كم/س باى حال من الاحوال سواء على الاتوستراد او الكورنيش حتى لو ماشي لوحدى فالطريق
للأسف مشكلة مصر مش حكومة او مسئوليين انما هى فى وجهة نظرى مشكلة ثقافة عامة مبنية على الجهل الشديد
طول عمرى بسأل هى الحكومة دى شعب جه احتلنا من بره؟!!!!!!!!!!!! وبيعمل فينا كده ليه؟