- نعم مفيش مشكلة خالص
- نعم في الضرورة القصوى
- نعم بس ماتكونش لوحدها
- لأ طبعاً
عرض للطباعة
- نعم مفيش مشكلة خالص
- نعم في الضرورة القصوى
- نعم بس ماتكونش لوحدها
- لأ طبعاً
اة مفيش كشكلة خالص
بس المشكلة بقي اني هخاف علي العربية يسقوها اساسا من زحمة القاهرة
هو الموضوع ده حساس جداً لكثير من الناس فأنا حبيت اعرف ايه رد فعلكم تجاهه وايه هية المضايقات اللي ممكن تتعرضلها المرأة او الفتاة اثناء القيادة في شوارع القاهرة.احياناً انا بحس ان اي عربية بتكون سايقاها واحدة دايماً بتكون مخبطة مش علشان الستات مابيعرفوش يسوقوا ولكن ممكن تكون من كتر المضايقات اللي بيتعرضوا ليها وانهم مش هايعرفوا يردوا.
نعم في الضرورة القصوى
و ايه المشكله؟؟
عادي جدا
عندك حق يا اشتاذ حازم هي من المفروض انها عادي جداً ومافيهاش مشكلة. اللي انا اقصده هو شوارع القاهرة واخلاق السائقين مع اي بنت راكبة عربية. بصراحة الواحد ميقبلش ابداً ان اخته او زوجته يتحطه في المواقف اللي بيشوفها في الشارع او يتقالهم الالفاظ اللي بتتقال من السائقين
ماهي هتتعرض لنفس التصرفات دي و أسوأ لو ركبت المواصلات العامة.. حتى لو المكيف.. و حتى لو قاعدة على كرسي جيب الشباك باحترامها.. برضه بتتعرض للتحرش :(
اما عن التاكسي فالنساء برضه بيتعرضن لأنواع من البهدلة و البلطجة بتخلي الواحدة مش عايزة تخرج من بيتها :mad:
المشكلة ان حتى الزوج او الأخ اللي اخته بتروح جامعة او بتشتغل و مش موافق على قيادتها العربية ما يقدرش يعمل لها حاجة عشان يحل لها مشكلتها مع المواصلات العامة و التاكسيات عشان دي مش مشكلة وسيلة المواصلات نفسها على أد ما هي مشكلة سلوك الناس و منظومة امنية.. يعني لو الواحدة خارجة من بيتها و وسواء سايقة عربيتها او راكبة في وسيلة مواصلات و متأكدة ان اللي هايتحرش بيها هاياخد جزاءه لو استنجدت بظابط او امين شرطة، كانت الدنيا هاتبقى اسهل بكتير.. انما فقدان الأمن في الشارع المصري حوله لغابة أقل ما فيه اللي بيحصل للواحدة و هي في عربيتها.. على الأقل فيه ناس معندهاش أخلاق و لا دين انما ممكن يخافوا انها ممكن تكون ليها قريب جامد في الداخلية تقوم تاخد رقم عربيته و تبلغ عنه قريبها.. انما المسكينة اللي في الأتوبيس او حتى في التاكسي دي مين ياخد لها حقها؟ :(
اوافق لانهه ارحم من بهدلة المواصلات بس تكون حريصة ومتحفذة دائما لان الاغبياء كتير
أنا رأيي الشخصي إن
الستات و الرجالة المحترمة يقعدوا في البيت و محدش منهم يطلع يسوق في وسط الملاهي المصرية
للحفاظ على حرقة الأعصاب
و للحفاظ على السيارة
و توفير في البنزين
--------------------------------
كل يوم برجع البيت و أنا حاسس إن أنا هاموت من البهايم في الشارع
حــــــــــــــــــــــــ ـــاجــــــــة تـــــــــقــــــــرف
حسبي الله و نعم الوكيل في الشعب و الحكومة
الشعب بقى حاجة صعبة جدا جدا جدا
فوضى ثم فوضى ثم فوضى ثم همجية ثم غباء في غباء ثم تخلف و جهل و عبط و استهبال واستعباط
نفسي أركب على العربية أد 100 صاروخ
و كل حمار يعمل حركة غبية من قدامي أروح مديله صاروخ و يغور في ستين داهية
أنا قربت أدخل مستشفى المجانين بسبب السواقة في القاهرة و في مصر عموما
يارب عديها على خــــــــــــــــير قبل ما أموت بالحسرة أو في حادثة عربية في مصر أو ينتهي بي الحال في الخانكة
انا ماعنديش مانع لوهى تعرف تسوق فالزحمة
لا طبعا، أولا حفاظا عليها و ثانيا لأنى بصراحة ربنا محبش أكون سبب فى حرقة دم ناس كتير من اللى سواقة الستات بتحرق دمهم و أنا اولهم الحمد لله مظبط نظام حياتنا على الأساس ده و مع ان ده بييجى على حساب راحتى بس مش مهم.
يا توت والله انا خايف عليك وخايف منكاقتباس:
يوم برجع البيت و أنا حاسس إن أنا هاموت من البهايم في الشارع
حــــــــــــــــــــــــ ـــاجــــــــة تـــــــــقــــــــرف
حسبي الله و نعم الوكيل في الشعب و الحكومة
الشعب بقى حاجة صعبة جدا جدا جدا
فوضى ثم فوضى ثم فوضى ثم همجية ثم غباء في غباء ثم تخلف و جهل و عبط و استهبال واستعباط
نفسي أركب على العربية أد 100 صاروخ
و كل حمار يعمل حركة غبية من قدامي أروح مديله صاروخ و يغور في ستين داهية
أنا قربت أدخل مستشفى المجانين بسبب السواقة في القاهرة و في مصر عموما
يارب عديها على خــــــــــــــــير قبل ما أموت بالحسرة أو في حادثة عربية في مصر أو ينتهي بي الحال في الخانكة
انت بقيت عامل زي القنبله الموقوته
محدش عارف ها تنفجر امتى
يا عم حاول تشوف اي حاجه خلوه حواليك
اقولك
خد اجازه
وروح شرم غير جو اسبوع ولا حاجه
انا خايف يجي يوم اسمع انك دخلت المنتدى بحزام ناسف
او انك واقف فوق البرج بتتفاوض مع الداخليه ومفخخ الجين 2
أجابتى بنعم او لا معناها انى موافق على على السؤال اصلا
وانا بصراحة مش موافق عليه من الأساس، لأن انا ممكن وجود سيارات بتسوقها ستات فى الشارع يناسب مزاجى او لا لكنى لا املك الحق فى انى امنع حد من قيادة السيارات او اى نشاط بشرى آخر لا هو عيب ولا حرام ، فكما اننى ليست لى اية سلطة على شقيقى مثلا تخول لى ان امنعه من قيادة سيارته فالحال لا يتختلف بالنسبة لشقيقتى ، وكما انه من غير المنطقى ان امنع زوجتى من استعمال الثلاجة المنزلية او الفرن او اية وسيلة من وسائل تسهيل الحياه فليس لى ان امنعها من استخدام سيارتها لتسهيل قضاء امورها، وإلا كان على من البداية ان ابحث عن زوجة تقبل بأن احبسها فى المنزل ولا اسمح لها بالنزول للشارع او العمل ، فمن غير المنطقى ان اتفاقى مع زوجتى قبل الزواج يتضمن عدم اعتراضى على خروجها من المنزل لكن يشمل اعتراضا على وسيلة من وسائل تسهيل امورها فى الطريق
اما لو خدنا الأمر من ناحيته العملية فسنجد انه رغم ان معظم السيدات (بتلوش) وقيادتهم للسيارات تسبب الرعب لمن حولهم -وانا منهم - لكن تمكن السيدة من قيادة سيارتهم يعنى اهتمام اكثر بأمر اطفالها ومدارسهم ونزهاتهم واطبائهم ....الخ مما يوفر الوقت والمجهود للزوج للسعى لكسب الزرق بدلا من تحميله بأمر تلتهم وقته ولا تحتاج سوى لمن يجيد قيادة سيارة
وبالتالى فبرغم اننى معترض على منطق السؤال من الأساس ...لكننى مع قيادة السيدة للسيارة حتى ولو اقتضى الأمر ان اتحمل بعض عدم الإجادة من اخواتى السيدات فى الطريق
هى طبعا الموضوع بيقف على حاجات كتير منها
مدى الزحمة
متحكمة فى السواقة ولا اية
الملبس
تحمل المسئولية
الظروف
بس انا مش حابب سواقة الستات
الحقيقة ان انا برده مكنتش احب انها تسوق
بس دلوقتى لقيتها فى اوقات كتير مضطرة تنزل بالولد لوحدهم وانا فى الشغل مثلا
وبيتبهدلوا اخر بهدلة فى التاكسيات والقرف
فابتديت اعلمها تسوق
بس لغاية دلوقتى قلقان ومش عارف اخليها تسوق لوحدها لان انتم عارفين سواقة الستات
وفى نفس الوقت التخلف ده
الحل بقى ان الواحد يجيب عربية بسواق بس طبعا اللى يقدر بقى
هو في الضروره القصوى
لاكن في اى وقت تاخد العربيه لا عشان حرقه الدم بتاعت الناس من سواقت الستات
لو سواقتها كويسة اختار لا مانع لانها هترحمها في المواصلات بس لو راكب معاها انا اللي هسوق عشان فعلا السواقة في مصر في كثير م الاوقات حرقة دم
لو سواقتها نص كم يبقى للضرورة القصوى عشان ماتذيش حد او تعرض نفسها لاي مضايقات
عادى جدااااااااااااا
لو عربيتي جديدة مستحيل تاخدها حتى في الظروف القصوى عشان أنا مش لاقي العربية في الشارع عشان تخبطها يمين وشمال
أما لو عربيتها تاخدها عادي وتخبط فيها براحتها بس أهم حاجة تمشي والشبابيك مقفولة عشان أما تيجي تغلط متسمعش الشتايم من سواقين الميكوباص والتكاسي
الأخت الفاضلة ذكرت موضوع من أهم المواضيع اللى بتشغل بالى دلوقتى
اللى هوا التحرش بالنساء
فعلا كل ما الكلمه ده بتتذكر يتانبنى حالة من الحزن والاسف على الحالة اللى وصل ليها الشعب المصرى
من تدنى للاخلاق وغياب للوازع الدينى
فى ظل غياب الوعي الدينى والثقافى وحالة الهمجية والجهل المتفشيه فى الشعب المصرى وانتشار المخدرات
وعدم اهتمام الشرطه باى حاجة الا ببعض الامور التى لا يجوز التحدث عنها علانا
يبقى خروج المراه لوحدها امر يتجوب الحذر منه مش هقول ممنوع
لكن ياجماعه فى ظل ظروف زى كده مين يامن على مراته او بنته او امه انها تخرج لوحدها
انا لسه كنت بقرا الحوادث
تصور ياجماعه حادثه بشعه واحدة مسنه عندها 55 سنه ومشلوله
3 مدمنى مخدرات فيهم واحد جارها يدخلوا عليها الشقه ويحاولوا يغتصبوها ويسرقوا الشقه
والست للاسف توفيت
لا حول ولا قوة الا بالله
أكيد العربية أحسن من أى مواصلات تانية ... وخصوصا لو بتشتغل
اوافق طبعا
والدتي هي اللي علمتني السواقه اصلا
of course no, as we see in Cairo steerts alot of bad behaviours
شوفوا يا جماعة
رغم ان زوجتي قاعدة في البيت مش بتشتغل لكن الظروف بتطرها تنزل احيانا بالاطفال
وبتركب تاكسيات -ورغم ان سواقين التاكسيات لما بيلاقوا واحدة ست بيفرضوا رايهم ويدفوعها اكتر من الطبيعي
وانا بقولها ادفعي تجنبا لنفسك من كلام مش كويس ممكن تسمعة مع مراعاة بعض الاحتياطات زي انها تدفع بعد ما تنزل
وماتعديش من قدامه ابدا وتكون مجهزة الاجرة المناسبة منعا للطمع
المهم بس انا ناوي لو مراتي هاتدخل في دايرة توصيل الاطفال وكدة يبقى هاجيبلها عربية صغيرة لاني مش ممكن اخاطر بعربيتي واسيبهالها
وهاعلمها السواقة كويس جدا جدا وقبل كل شيء اكون مطمن ان ردود افعالها سريعة باني اعلمها فيديو جيم كتير
وتكون اعصابها هادية مهمه حصل
--------
موقف على الهامش
بركن عند بيتي امبارح وبلف العربية في الشارع ومنور نور الانتظار وواحد ست راكبة 127 جاية كابسة عليا مش صابرة اني الف العربية ولك مارجع خطوة تكبس عليا
قولتلها طب مانتسي كدة مش هاتعدي ولا انا هاعرف الف
اصبري ودي برضه مفيش فايدة اول ما جيب ورا تكبس
قولتلها هوا انتي مش مستوعبة انك مش هاتعرفي تعدي(وهيا ست معدية ال 45سنة)
قامت متنرفزة عليا وقعدت تبرطم وقامت شادة الهاند بريك في وسط الشارع قال يعني بتهددني
قمت كاسر العربية بطريقة معينة قفلت طريقها وسيبتها محبوسة وناديت على البواب خد الشنط وقولتلة غطي العربية
وسيبتها في وسط الشارع تبرطم براحتها وقولت للبواب غطي العربية
دي سمعت كدة اتجننت لان معناه انها هاترجع الشارع كله بضهرها
واكيد طبعا على واحدة ست مستحيل ترجع بضهرها
طبعا كان تهديد بس وقولت للبواب سيبها دقيقتين واركن العربية صح
سواقة ستات بقى
و أنا معاكم ....:)اقتباس:
يا عم سبعاوى تقريبا فى 99 % من الموضوعات الاقى رأيك متطابق مع رأيى و بتوفر على المداخلة .. ممكن بعد كده توقع كما يلى :
سبعاوى + الكترومان او : مع تحيات سبعاوى و شركاه ..!!!
بس بصراحة الواحد لو يطول مايسقش أصلا في مصر يبقى أحسن ..... :mad:
في استاذة عندنا في الكلية كانت بتيجي ببيتلز قديمة بسواق.... ما فهمتهاش غير بعدين:rolleyes:
ايه يا جماعة موضوع سواقة ستات دة ؟؟؟ لأ بجد ظلمينا اوى يعني بجد حرام عليكو اوى
و بعدين انا لسة عاملة vote لتوقيعك خلاص هسحبوو p:
انا اصلا كنت داخلة عشان حاجة تانية خالص . على موضوع التاكسي دة . انتو مشفتووش بيحصل ايه في التاكسي و سواقين التاكسي انا قبل ما اسوق من 6 سنين كدة كان كل تحركاتى بالتاكسي و دروس ثانوية عامة كلها بالتاكسي و بجد ربنا سترها معاياه ساعتها .. ركبت مع واحد حشاش و لقيته داخل على كبرى طره و مغير السكة و ماشي مبرشم و انا بقوله دة مش الطريق و دة ولا يرد . من خوفي قلتله لو مرجعتش هنط من التاكسي و فتحت الباب و كنت بجد هنط . هية موتة ولا اكتر !!! رجهت البيت منهارة و مش عارفة اقف على رجلى و من ساعتها و انا مركبتووش تانى ابدااااااااااااا . دة غير التجاوزات الاخلاقية اللى صحابى حكولى عليها
نعم مفيش مشكلة خالص
و الله معاكي حق حتى الستات اللي مبيعرفوش يسوقوا مش بيهددوا حياتك زاي الشباب الحلو بتاع الغرز و التخميس و تقفيل العداد ده غير سواقين إلماكروباظ و التكسة :rolleyes:اقتباس:
ايه يا جماعة موضوع سواقة ستات دة ؟؟؟ لأ بجد ظلمينا اوى يعني بجد حرام عليكو اوى
مع احترامي لاعتراض حضرتك يا استاذسبعاوي ولكن ليس هذا هو منطق السؤال اني امنع زوجتي من القيادة علشان هي بتعرف او ما بتعرفشي او حرام. لأ طبعاً قيادة المرأة مش حرام ولا عيب بالعكس دي اكرم ليها من بهدلة المواصلات والتاكسيات
ولكن منطق السؤال في المنع خوفاً من التعرض للأذى والشتائم اللي كلنا عارفينها واللي مش هتقدر ترد عليها بحكم حياء وادب البنت المصرية.
في الزمن الغريب ده
في مصر الحلوة دي
واخلاق ناسها دول
اسف لا يمكن
الفرق فى الخبرة مش فى البنت ولا الولد
يعنى فى بنات بتسوق احسن من الولاد انا بيتهيالى لو بتعرف تسوق كويس يبقا فييين المشكلة؟
البنات اولى ان يكون معاها العربية ...لأسباب كتير اوى اوى كلنا عارفنها و لو خايف على العربية منها . ...يبقى اولى انك تخاف عليها .
+100000000اقتباس:
البنات اولى ان يكون معاها العربية ...لأسباب كتير اوى اوى كلنا عارفنها و لو خايف على العربية منها . ...يبقى اولى انك تخاف عليها
شكراً يا استاذ سعداوي على مرورك. بس والله حضرتك عارف لو الخارج القاهرة مش هقول خارج مصر مكنتش هسأل السؤال ده خالص لأن فعلاً في بنات كتير مش كتير اوي يعني بتسوق احسن من اجدعها شاب ولكن الوضع والاخلاق في القاهرة هي التي تثير الأسئلة من النوع ده واكيد جوة كل واحد منا شعور تجاه الموقف ده خاصة انك مش هاتكون مع زوجتك في الموقف ده وممكن تكون في شغلك شايل هم كبير اوي انها ركبة عربية وماشية في وسط ناس تجردت من الأخلاق اكتر ما هاتكون شايل هم هي بتعرف تسوق ولا لأ وهتخبط العربية ولا لأ مع ان ده هايحصل اكيد عاجلاً ام اجلاً