الانترا 2005 مكواه 2001 سيراتو 2006

**ahmed_khalil** · 22-06-2010 10:53 PM

انا بقارن بين الانترا 2005 مكواه 2001 سيراتو 2006
يا ريت يا جماعه اللى يقول اختياره يقول مبنى على ايه و ايه اللى ماخالاهوش يختار الاتنين التانين
شكرااااا مقدما لكل اللى هايردوا بس دى هاتبقى اول عربيه شخصيه للواحد فا انا محتاااااار جدااا

**Eslam.Elrefaey** · 22-06-2010 11:03 PM

بجد الثلاثة أحسن من بعض بس إنت تحدد حاجات كتير هما الى هيفنشولك المقارنة دى يعنى عندك الماتور الانترا تكسب وبعدها السيراتو لأنهم 1600 وبعد كده المكواه
عندك الشكل طبعا أذواق مع أنى بحب المكواه أكتر
الكماليات الانترا والسيراتو كماليتهم أحلى كتير من المكواه الى معلش أخرها زجاج كهرباء وتكيف وفى معلومة كمان المكواه كربيراتير أما الاثنين التانين إنجيكشن
التوكيل وقطع الغيار الانترا غالية والسيراتو عندى فى المنصورة مش منتشرة خالص أما المكواه أكيد منتشرة
نيجى للسعر المكواه تقريبا أكتر عربية ماسكة سعرها بس ده حتى الآن أما الانترا سعرها أقاعد بينزل جامد وممكن تلاقى حاجات نظيفة فى الخامسينات كمان ده عكس المكواه خالص
متعه القياده بجد هاتلقيها فى السيراتو وبعديها الانترا بحس إنهم عربيات نظيفة أوى وفى ناس كتير ومنهم أنا بنقول إن الانترا عربية مخدتش حقها خالص وقتها لأنها عربية جميلة جدا وأنا شايف إنها أحسنهم بس المكواه أحسن كتوفير وكده أما الانتر بالنسبة ليا تكسب شوف إنت محتاج من العربية إيه وإنت هتعرف تختار صح وده أهم حاجة كل الكلام الى أنا قولتو ده رأى الشخصى ممكن ميعجبش حد خالص بس ده رأيى

**ahmed_khalil** · 22-06-2010 11:11 PM

المشاركة الأصلية كتبت بواسطة eslam.elrefaey

بجد الثلاثة أحسن من بعض بس إنت تحدد حاجات كتير هما الى هيفنشولك المقارنة دى يعنى عندك الماتور الانترا تكسب وبعدها السيراتو لأنهم 1600 وبعد كده المكواه
عندك الشكل طبعا أذواق مع أنى بحب المكواه أكتر
الكماليات الانترا والسيراتو كماليتهم أحلى كتير من المكواه الى معلش أخرها زجاج كهرباء وتكيف وفى معلومة كمان المكواه كربيراتير أما الاثنين التانين إنجيكشن
التوكيل وقطع الغيار الانترا غالية والسيراتو عندى فى المنصورة مش منتشرة خالص أما المكواه أكيد منتشرة
نيجى للسعر المكواه تقريبا أكتر عربية ماسكة سعرها بس ده حتى الآن أما الانترا سعرها أقاعد بينزل جامد وممكن تلاقى حاجات نظيفة فى الخامسينات كمان ده عكس المكواه خالص
متعه القياده بجد هاتلقيها فى السيراتو وبعديها الانترا بحس إنهم عربيات نظيفة أوى وفى ناس كتير ومنهم أنا بنقول إن الانترا عربية مخدتش حقها خالص وقتها لأنها عربية جميلة جدا وأنا شايف إنها أحسنهم بس المكواه أحسن كتوفير وكده أما الانتر بالنسبة ليا تكسب شوف إنت محتاج من العربية إيه وإنت هتعرف تختار صح وده أهم حاجة كل الكلام الى أنا قولتو ده رأى الشخصى ممكن ميعجبش حد خالص بس ده رأيى

شكراااااااااااااااااااااا يا باشا على الرد الوافى ده ربنا يكرمك
انا فعلا ابتديت استبعد المكواه لانى سمعت ان فيه بعض قطع الغيار غاليه و 1300
الالنترا تابلوه شكله وحش و مش عارف غاليه ولا رخيصه و نفس المر للسيراتو فى موضوع قطع الغيار

**M.ABDEEN** · 23-06-2010 09:11 AM

بص يا باشا طبعا انت استبعديت المكواة علشان 1300 مفيش مشكلة بس هي عربية كويسة
نخش على الالنترا تسارع رهيب مع وزن اقل للسيارة وثبات معقول لكن عربية حلوة جدا ومنتشرة شوية
السيراتو تسارع جامد لكن في البداية مش زي الالنترا لان وزن العربية اتقل شوية من الالنترا مع ثبات كويس وصالون واسع لكن سعر قطع الغيار لصالح الالنترا والتوكيل لصالح السيراتو

**ahmed_khalil** · 23-06-2010 06:07 PM

المشاركة الأصلية كتبت بواسطة m.abdeen

بص يا باشا طبعا انت استبعديت المكواة علشان 1300 مفيش مشكلة بس هي عربية كويسة
نخش على الالنترا تسارع رهيب مع وزن اقل للسيارة وثبات معقول لكن عربية حلوة جدا ومنتشرة شوية
السيراتو تسارع جامد لكن في البداية مش زي الالنترا لان وزن العربية اتقل شوية من الالنترا مع ثبات كويس وصالون واسع لكن سعر قطع الغيار لصالح الالنترا والتوكيل لصالح السيراتو

يا باشا ربنا يكرمك
و شكراا انك رديت فى الموضوعيين

**golf2010** · 23-06-2010 10:43 PM

اتوكل على الله وهات النترا عشان اعادة البيع وقلة الأعطال لأن اللانسر سنة ولا اتنين وهتبدأ تصلح.
الإلنترا شبابي قوي وشكلها احل من السيراتو, وموتور قوي جداً.