دعوة للمتضررين من أبوالفتوح و سياراته و خصوصا الأم11

**ahmeddarhos** · 23-06-2010 12:37 AM

مساء الفل يا شباب....
طبعا فاكرين الحوارات و الخناقات اللى كانت هنا على المنتدى بين ملاك الأم11 .. و أنا كنت واحد من المتضررين من العربية .. و عملنا مقابلات و محضر فى أبورواش و قدمت شكوى فى حماية المستهلك...
فى النهاية حددوا لينا معاد نروح فيه أبورواش علشان يحلوا مشاكل العربية...
اللى حصل معايا شخصيا كان اهتمام غير عادى.. و أنا رايح فى الطريق الصبح واحدة من أبوالفتوح كلمتنى بمنتهى الشياكة و بتأكد ان معادى هناك بعد ساعة..
أول ما وصلت دخلونى لمكتب مهندس اسمه محمد عادل و هو راجل قمة فى الذوق و الأدب.. المهم قلتله على المشاكل و نزل جرب العربية معاى و رجعنا....
عند استلام العربية نزل تانى بنفسه جربها معاى و اتكلمنا كتير و كانت دى ملاحظاتى..
كان عندى فى العربية 3 مشاكل :
1- سكة فى الموتور.. و الراجل قال تانى ان الموتور مصمم على بنزين 93 و دى مشكلة مالهاش حل... و كان واضح جدا فى كلامه .. و لما سألته هل فى خطورة على الموتور على المدى البعيد قال لأ و كان غير مقنع بالمرة..

2- صوت التزييق اللى فى العفشة .. ماعرفوش يعرفوا سببه ايه و فضل زى ما هو ...

3- طوت رجرجة الأزاز.. و ده الوحيد اللى اتصلح شوية ..
و كانت النمفاجأة انه ماطلعش من الأزاز.. ده كان سببه الكاوتش اللى محوط الباب و كان بيعمل صوت احتكاك مع جسم العربية فى المطبات.. و عاجوة انهم حطوا عليه بودرة تلك...!! تصوروا...
و قال لى لازم تعمل البودرة دى بقماشه كل اسبوع علشان الكاوتش يخشن شوية و ما يعملش صوت..
و على الرغم من هيافة الفكرة بس الشهادة لله الصوت قل بنسبة 70%

الخلاصة أنا غير راضى أو مقتنع باللى حصل أنا و ناس تانيه معاى و احنا كلمنا الفترة اللى فاتت محامين كتير و هنرفع قضية على أبوالفتوح قريب جدا ..

الموضوع ده يا شباب مش للمناقشة.. الموضوع ده أنا عامله علشان لو حد متضرر زينا و يحب ينضم لينا أهلا و سهلا
و يكلمنى على الرقم ده 0103719436
د / أحمد حسين

**emad7759** · 24-06-2010 07:38 PM

ايه خلاص كل اللى متضرر يت راحو فين خلاص الكل ماشكله اتحلت

يريت اللى يخش ويشارك يكون جاد لان ان شاء لله هيكون فيه مقابله تانيه

**ahmeddarhos** · 24-06-2010 07:47 PM

الحمد لله بقينا أربعة...
نسيت أوضح يا جماعة ان المحامى هياخد مننا فلوس بسيطة .. ده نظير اجراءات رفع القضايا و النشر بالصحف و الذى منه ... لكن أتعابه الحقيقية هياخدها فى صورة نسبة من التعويض...
القضايا مش هتفرق اذا كانت مرفوعة من أربعة أو من عشرة .. بس عملت الموضوع ده علشان لو حد متضرر من التوكيل و مش عارف ياخد حقه نقدر نساعده..
و الله الموفق

**tananybasha** · 25-06-2010 12:30 AM

هو موتور fsi عشان احط بنزين 95

**evram** · 27-06-2010 08:07 AM

و الي عندو مشاكل بسيطة زي الدينمو الفرامل المساعدين بس في ال 516 يعمل اية

**emad7759** · 27-06-2010 05:33 PM

المشاركة الأصلية كتبت بواسطة evram

و الي عندو مشاكل بسيطة زي الدينمو الفرامل المساعدين بس في ال 516 يعمل اية

اشتكيهم فى حمايه المستهلك ولله عربيتى المره اللى وقفت فيها على الدعامه الاكسدام الامامى ماجت

ولاعربيتى خلصت الا لما اشتكيت فى حمايه المستهلك

ولو لم يتم حل المشاكل اللى عندك تعلا ورفع دعوى عليهم

**OSHA** · 27-06-2010 07:01 PM

مسلء الخير يا د احمد انا اشرف من الغردقه احتا اتكلمنا قبل كده وانا بحاول اكلمك بس تلفونك كان من يومين دايما مشغول وانا عشان ظروف شغلى فى الغردقه والسياحه والتزمدات بتاعت الشغل دايما ماشى من غير محمول بس انا عايز انضم معاكم واساهم فى المحامى عشان السكه برضه موجوده فى عربيتى حضرتك ممكن تكتبلى رساله وتبعتها وانا بدورى هحاول اكلمك اليوم الساعه 10:00 شكرا لاهتمامك

**ahmeddarhos** · 27-06-2010 08:32 PM

المشاركة الأصلية كتبت بواسطة osha

مسلء الخير يا د احمد انا اشرف من الغردقه احتا اتكلمنا قبل كده وانا بحاول اكلمك بس تلفونك كان من يومين دايما مشغول وانا عشان ظروف شغلى فى الغردقه والسياحه والتزمدات بتاعت الشغل دايما ماشى من غير محمول بس انا عايز انضم معاكم واساهم فى المحامى عشان السكه برضه موجوده فى عربيتى حضرتك ممكن تكتبلى رساله وتبعتها وانا بدورى هحاول اكلمك اليوم الساعه 10:00 شكرا لاهتمامك

مساء الفل يا ا/ أشرف.. يا رب تكون بخير...
انا اسف .. و منتظر مكالمة حضرتك...
المطلوب انك هتعمل توكيل للمحامى خاص بادارة السيارة
و التوكيل ده لا يشمل البيع... و هندفع كل واحد مبلغ بسيط
لزوم اجراءات التقاضى ... و المحامى أتعابه هتكون على هيئة نسبة من التعويض.....