للخبراء فقط!!!عن العفشه

**weta** · 23-06-2010 01:02 AM

ماهو الفرق بين العفشه الزيت والعفشه الغاز? وايهما اقوي في الاستحمال وعمر الطويل وايهما اكثر ثبات علي الطريق . وهل وجود عيوب ام لا?

**mido_1311** · 23-06-2010 02:02 AM

متابع بأهتمام

**sameh127** · 26-06-2010 03:05 AM

انت اكيد بتقصد المساعدين الزيت و المساعدين الغاز(يعني غاز بيزق زيت)
المساعدين الغاز انعم من المساعدين الزيت فى المطبات و بتستحمل مطبات جامدة
المساعد الزيت بيتحرك و يقف عند الفتحة اللى وقف عليها (سواء فى مطب او فتحته و قفلته بإيدك)
المساعد الغاز دائما فاتح نفسه و لما تقفله بيفتح تاني (ده بيخلى العربية تصد المطب بشكل انعم و بيرفع العربية تاني)بس خطورته مع السرعات و مطبات الهواء بيعوم العربية جامد لأنه بيرفع العربية بسبب الغاز المضغوط داخله،ده بالإضافة الى الرفع اللى اساسا موجود بسبب الهواء اللى زاد اسفل العربية فى مطب الهواء(بسبب العالى و الواطي فى الأسفلت على مساحة كبيرة)
بس عمرالمساعدين الغاز الإفتراضي اقل من العمر الإفتراضي للمساعدين الزيت .
كفاءة و سرعة استجابة المساعد الغاز بتتأثر كثيرا مع درجة حرارة الجو و المساعد نفسه
لو حضرتك بتجرى بالعربية سرعات عالية و عايز الأداء العالى و الثبات فى المنحنيات و الفرامل الجامدة على الأسفلت ،يبقى خرَج المساعدين الغاز من تفكيرك تماما لأنهم بيحركوا جسم العربية كثيرا و بيرفعوا العربية جامد مع المطبات و بيلعَبوا جسم العربية فوق و تحت مع مطبات الهواء والعربية بتجرى.
المساعد الغاز ممكن يكون حلو للعربيات اللى بتجرى فى الرملة او الوعر بسرعة عالية (عربيات4x4) والتى لاتشترط فيها قمة الثبات بس يشترط تحمل صدمة مطب جامد و بأقل ضوضاء داخل الصالون وبأقل هبد فى العفشة(اللى هى اساسا خدمة شاقة) ومش مهم ساعتها ان جسم العربية يميل جامد فى اي اتجاه(يمين/يسار - للأمام/للخلف) .

يوجد نوع اخر من المساعدين و هو ليس مساعد بل هو عبارة عن قربة غاز/هواء مضغوطة و لايوجد معها ياي فى التعليق والتعليق بيعتمد على اخماد المطب بالكامل على القربية المضغوطة فقط. والقربة يوجد منها انواع مضغوطة بضغط ثابت و نوع اخر يمكنك من التحكم فى ضغط القربة مؤديا للتحكم( فى ارتفاع العربية عن سطح الأرض - حساسية استجابة التعليق للمطبات)
و القرب عمرها الإفتراضي نسبيا مش طويل قوي و خصوصا مع المشي كتير فى شوارع غير ممهدة و مليئة بالمطبات الصناعية والبالوعات ،بس حلاوتها فى السفر بتخلى العربية ناعمة و ممكن تسبب صداع لبعض الركاب بسبب كثرة الإهتزاز لأعلى و اسفل فى الطرق السريعة بسبب شكل الطريق (عالى و واطي).وحتبقى القرب حلوة لو ماشي فى طريق سريع مفرود على المسطرة (لاعالى ولاواطي)

**gazzar91** · 26-06-2010 03:53 AM

المشاركة الأصلية كتبت بواسطة sameh127

انت اكيد بتقصد المساعدين الزيت و المساعدين الغاز(يعني غاز بيزق زيت)
المساعدين الغاز انعم من المساعدين الزيت فى المطبات و بتستحمل مطبات جامدة
المساعد الزيت بيتحرك و يقف عند الفتحة اللى وقف عليها (سواء فى مطب او فتحته و قفلته بإيدك)
المساعد الغاز دائما فاتح نفسه و لما تقفله بيفتح تاني (ده بيخلى العربية تصد المطب بشكل انعم و بيرفع العربية تاني)بس خطورته مع السرعات و مطبات الهواء بيعوم العربية جامد لأنه بيرفع العربية بسبب الغاز المضغوط داخله،ده بالإضافة الى الرفع اللى اساسا موجود بسبب الهواء اللى زاد اسفل العربية فى مطب الهواء(بسبب العالى و الواطي فى الأسفلت على مساحة كبيرة)
بس عمرالمساعدين الغاز الإفتراضي اقل من العمر الإفتراضي للمساعدين الزيت .
كفاءة و سرعة استجابة المساعد الغاز بتتأثر كثيرا مع درجة حرارة الجو و المساعد نفسه
لو حضرتك بتجرى بالعربية سرعات عالية و عايز الأداء العالى و الثبات فى المنحنيات و الفرامل الجامدة على الأسفلت ،يبقى خرَج المساعدين الغاز من تفكيرك تماما لأنهم بيحركوا جسم العربية كثيرا و بيرفعوا العربية جامد مع المطبات و بيلعَبوا جسم العربية فوق و تحت مع مطبات الهواء والعربية بتجرى.
المساعد الغاز ممكن يكون حلو للعربيات اللى بتجرى فى الرملة او الوعر بسرعة عالية (عربيات4x4) والتى لاتشترط فيها قمة الثبات بس يشترط تحمل صدمة مطب جامد و بأقل ضوضاء داخل الصالون وبأقل هبد فى العفشة(اللى هى اساسا خدمة شاقة) ومش مهم ساعتها ان جسم العربية يميل جامد فى اي اتجاه(يمين/يسار - للأمام/للخلف) .

يوجد نوع اخر من المساعدين و هو ليس مساعد بل هو عبارة عن قربة غاز/هواء مضغوطة و لايوجد معها ياي فى التعليق والتعليق بيعتمد على اخماد المطب بالكامل على القربية المضغوطة فقط. والقربة يوجد منها انواع مضغوطة بضغط ثابت و نوع اخر يمكنك من التحكم فى ضغط القربة مؤديا للتحكم( فى ارتفاع العربية عن سطح الأرض - حساسية استجابة التعليق للمطبات)
و القرب عمرها الإفتراضي نسبيا مش طويل قوي و خصوصا مع المشي كتير فى شوارع غير ممهدة و مليئة بالمطبات الصناعية والبالوعات ،بس حلاوتها فى السفر بتخلى العربية ناعمة و ممكن تسبب صداع لبعض الركاب بسبب كثرة الإهتزاز لأعلى و اسفل فى الطرق السريعة بسبب شكل الطريق (عالى و واطي).وحتبقى القرب حلوة لو ماشي فى طريق سريع مفرود على المسطرة (لاعالى ولاواطي)

جزاك الله خير على الشرح الوافي..
في رعاية الله...