الموضوع: الياريس غليت ؟؟؟؟؟؟

أينعم يا فندم الياريس غليت تاني!!!
نزل على الخبر كالصاعقة وإتصلت بمدير فرع الداون تاون إسكندرية وإتأكدت إنها عليت وبقت ب 84900 للمانيوال النص كماليات!
يعني 2000 جنية في شهر ومتوقع المزيد

ولكن ملحوظة مهمة

الزيادة على العربيات اللي لسة جاية في السكة ولسة لم تتجمرك ولكن إللي حاجز قبل كدة وعربيتة من الدفعة إللي فاتت فلم تزيد حتي ولو لم يستلمها لظروف ترخيص وخلافه.

حاليا لا يوجد ياريس في المعارض وإن وجد ب 86000 كحد ادني وإللي يعرف حد بيبيع ب 84000 ياريت يقولي!

وعلى فكرة الكورولا كمان زادت 3 الاف جنية

كما يقول مدير المعرض الزيادة راجعة لان الين إرتفع مقارنة بالدولار

ولمن رايي الشخصي " لما كل العربيات غليت لية تويوتا ما تغلاش هيا كمان" وهل تويوتا حتسم بإن عربياتها تتباع ارخص من منافسيها الكوري او الماليزي؟ طبعا لأ........... طب لية كانت العربية ارخص 3000 جنية من كام شهر؟ علشان يخلوا الناس تشتري بسعر تنافسي والعربية تنتشر وتتجرب ولما تثبت كفاءة وتتطلب يحطوا السعر إللي هما عاوزينه..... مسالة عرض وطلب؟ عزائي الوحيد إن تويوتا عربيات قيمتها فيها يعني مش بتشتري حاجة اي كلام بسعر عالي ولكن بتشتري حاجة محترمة بسعر عالي حبتين!
وعجبي

بالمناسبة ..... برجاء من السادة المشرفين نقل الموضوع لمنتدى تويوتا

وشكرا

المشاركة الأصلية كتبت بواسطة Hanan

بس كدة حرام ما فيش عربية بتعلى بالشكل دة . يخنى مش ممكن ترخص .
صراحة انا كان نفسى فيها بس من غيظى مش هجبها.
بس يا تري اية البديل المناسب اللى محسش انهم مفتريين

البديل ....هو السيريون الجديدة 1.5 واوتوماتيك و2 ايرباج + CD Audio مدمج شكلة تحفة..+ ABS+ سنتر وسبورت باكيدج (جنوط سبور وسبويلر) وكل دة بـ 90 الف ...ايلي مايجيبوش ياريس كاملة مانيوال..

كلام sharky مظبوط وهو دة إللي حاصل.... يعني لما تحط الياريس جنب الكورولا الجديدة مش حتلاقي فرق كبييييير جدا في الحجم إللي يخليك تدفع اكتر من 40000 الف جنية فرق وده إللي مخليهم مش عارفين يبيعوا الكورولا الجديدة وخصوصا المانيوال لان الناس كلها رايحه على الياريس لانها حققت المعادلة الصعبة..... اوسع من الانسر وموتور كورولا 2007 ومعدا إستهلاك بنزين غير طبيعي وكمان قطع غيارها رخصت..... فللاسف الياريس بقت بتنافس أختها الكبيرة الكورولا..... وكمان حاجة الناس بتحطها في إعتبارها وهي إن الكورولا تقفيل جنوب افريقيا بينما الياريس تقفيل بلدها حتي ولو كانت الخامات المستخدمة مصنعة في دول الاخري ولكن معايير الجودة لليابان. يا جماعة كفاية الكاوتش المحترم وشوفوا سعرة لوحدة كام مقارنة بكاوتش الفرنا ولا الافيو ولا ولا......

يعني الاوبترا نطت بقت ب 90000 في نص كلمة والافيو غليت والجن تو حتغلى يبقى العيب مش في تويوتا ولو إن دة مش مبرر لإتباع سياسات الغير الملتوية.

انا كنت بكلم مسؤل المبيعات في تويوتا وقالي هي شكلها كدة حترجع لاول سعر نزلت بيه في مصر86000(نص كماليات) وما كانش علية إقبال مقارنة بالاسعار السائدة وقتها !