لا 60% فقط لإعتبارات إقتصادية زي سعر قطع الغيار وتكاليف الصيانة وسعر إعادة البيع والإنتشار.
واسباب اخرى زي النعومة والشد والعزم
تحياتي
عرض للطباعة
صباح الخير يا هندسة
انا برشح لحضرتك اللوجان لشوية اسباب كدة
انا شغال فى مجال تصنيع السيارات فى مصر من حوالى 5 سنين و لا اثق بتاتا فى اى تقفيل مصرى
انا من حلوان (المعصرة تحديدا) اكيد عارف المطبات عندنا و فى الحدايق و شارع الكابلات و التقسيم و جميع مناطق حلوان عاملين ازاى الحمد لله باللوجان انا باخد المطب و لعربية محملة 5 افراد و سعات 6 بوش العربية عمرى ما اخدت مطب بالورب كدة زى طبعا اللانوس و الفيرنا
عيوب العربية معروفة و معترف بيها من التوكيل و اصلاحها سهل جدا
عضة فى الغيار الخلفى (الى هو مش عندى اصلا من ساعت ما اشتريت العربية) بيعملوها لو اتصلت و روحتلهم دة لو عندك اصلا
سخونة فى الكونسول و عند دواسة البنزين و بيتركب عازل
بمناسبة العازل انا شفت عربيات كتير جدا بتطلع من غير العوازل نتيجة بطىء التوريد للخامات و سرعة الانتاج و دة شىء عادى جدا لانة بيركب فى مراكز الخدمة بعدين
العربية سحبها بعد اول الف كيلو رائع و بيقولوا هتتحسن بعد ال 3 تلاف كيلو و دة طبيعى جدا
العربية واسعة جدا من جوة انا عندى صاحبى 195 سم و لازم طبعا يخرج معايا كل مرة و بيسيب عربيتة الى مش هاقول على نوعها عشان بيكون قرفان جدا من ملامسة راسة لسقف العربية و بيرجب معايا كمان مش جنبى لا ورا و بيكون مبسوط جدا
العربية فى مصر يعنى ارتفاع و ثبات عشان المطبات و السفر و دة لكتر الحوادث
و حاجة مهمة انا لسة خابط تاكسى 504 قطع عليا الطريق فجأة بي الحمد للة كنت انا ماسى براحة
انا طبقتلة الصاج بتاع الرفرف الخلفى بتاعة و انا الحمد لله عندى بس شرخ فى الكصدام الفيبر و مش ملحوظ
هو جرى مرضيش يقف عشان شاف العربية جديدة خاف يدفعلى حاجة نزل بس عالعربية و مشى على طول
انا طولت عليك جدا
المهم انك تهتم بحاجات الى معظم الناس مش بتدور عليها و هى الامان و الثبات و ارتفاع العربية و الميكانيكا
و لما تشترى و انت مش هتفكر تبيع مش هيهمك سعر اعادة البيع و مش هيهمك سعر قطع الغيار أمن على العربية و ريح نفسك قبل حتى ما ترخص
و حكاية توكيل محترم و غير محترم
الى بيكون محترم و غير محترم هو الناس مش التوكيلات بصفة عامة
انت هتتعامل مع اكتر من مركز خدمة فى اى نوع عربية تشتريها و الى تلاقية معاملتة كويسة اتعامل معاة على طول
و برضو عاوز اقولك حماية المستهلك مش بيعتقوا حد قاعدين مستنيين غلطة لاى توكيل او مستورد او حتى اى محل او كشك
متقلقشى
انا ساكن زى ما قولتلك فى المعصرة و راكن فى جراج
فية تقريبا كل العربيات عربيتى اللوجان و لانوس و فيرنا و 516 و برووتون ممكن تيجى تشوفهم كلهم جنب بعض
او انزل السوق يوم الجمعة و اتفرج بنفسك و خد فكرة
عشان انا طبعا هاشكر فى عربيتى اللوجى !!!!!!!!!
طولتت عليك بس فكر كويس و شوف احتاجك اية من العربية
على فكرة بعد ال 3000 كيلو العربية بقت حاجة تانية من جميع النواحي بسم الله ما شاء الله
انا بعمل بيها 100 كيلو يوميا رايح جاي مع التكييف، ولا تحس انك كنت سايق
بالنسبة لأخونا العزيز اللى بيتكلم عن النعومة، اللوجان ناعمة وعفشتها أنعم من أي عربية في فئتها
بما فيهم الفيرنا واللانوس.
الفيرنا تفوقها الوحيد فى الموتور فقط لا غير، وده عيب وميزة.
اللوجان تكسب بكل أمانة.
صباح النور يا باشمهندس
كتر خيرك على الرد المسفيض فى التفاصيل
أنا ساكن فى مايو يعني أبعد شوية وانت عارف مطبات الأاتوستراد وحلوان و .... و....
لو سمحت ممكن أعرف العربية معاك بقالها أد ايه
ايه رأيك فى الناس بتقوله عن أعطال سيارات الرينو المتكررة
وشكرا لاهتمامك وربنا يباركلك فى سيارتك ويعطيك خيرها ويمنع عنك شرها
مهندس عمر
انا معايا العربية من 19.04.2010
اية هى اعطال رينو ولا حضرتك تقصد العيوب
عشان تقريبا مفيش عربية بدون عيوب
و العيوب زى ماقلتلك
عضة فى الغيار الخلفى (الى هو مش عندى اصلا من ساعت ما اشتريت العربية) بيعملوها لو اتصلت و روحتلهم دة لو عندك اصلا
سخونة فى الكونسول و عند دواسة البنزين و بيتركب عازل
انصح حضرتك تسال كويس و ادى الموضوع شوية وقت عشان مش تندم خصوصا انك عاوز عربية تقعد معاك شوية يعنى مش هتشترى و تبيع و كدة
اقرأ و اسمع و قارن
هو حضرتك مهندس اية بالظبط
فى حاجة عايز افهمها فى فترة الضمان مفيش مشكلة طيب بعد ما يخلص تصليحها فى التوكيل اكيد هيكون خراب...وفى حاجة قلانى كمان هنا فى مصر العربيات بتتخبط و هى واقفة يعنى المراية اللى ب 800 جنيه دى ممكن تتكسر منى كده وهى واقفة..اي رايكو
الى عاوز رفاهيه يدفع
690 جنيه ده سعر المرايا الكهرباء مش العاديه العاديه تقريبا تمنها النص
ممكن تقارن السعر بسعر الانوس فى التوكيل بعد نزول العربيه ب 12 سنه وشوف الفرق كام
لو سمجت لو عارف المعلومات ديه تفيدنا بيها عشان الموضوع لازم يكون نسبه وتناسب يعنى غاليه بالنسبه لأيه
رايي حاجة من اتنين لوجان او فيرنا
ده بقى يتوقف على ظروفك واستخدامك للعربية بمعنى :
لو انت بتحب السحب والقوة عالطريق و التكييف التلاجة يبقى الفيرنا و كمان توكيلها وقطع غيارها كويسه بس لو العربية هتمشي معاك على طول 5 راكب او حمولة تقيلة مع المطبات عندنا يبقى مش هتنفعك ...كمان واحد صاحبي معاه بيقل ان فراملها مش قد كده.
اما اللوجان معرفش عنها كتير بس اللي اعرفهم معاهم من سنة و مشتكوش منها لغايت دلوقتي
أولا : أنا عملي مهندس أجهزة طبية وحيوية (تخصص أجهزة موجات فوق صوتية ورنين مغناطيسي)
ثانيا: أنا أول مرة اشتري عربية حتى لسة باطلع الرخصة يعني حديث العهد بالسيارات وكل الكلام مجرد اراء الأقارب والاصدقاء والسادة أعضاء المنتدى الأفاضل.
ثالثا: أنا فعلا باعمل نصيحتك وباخد وقت فى التفكير براحتي حتى على الأقل أكون كملت المبلغ المطلوب
وشكرا كثيرا على مشاركاتك ويا ريت لو فى عندك أي جديد أو اي خبرات مع اللوجي ، لا تبخل علينا