رأى شخصى - مهندس ميكانيكا انتاج و تصميم
اقتباس:
المشاركة الأصلية كتبت بواسطة eng_amrnabil
السلام عليكم ورحمة الله وبركاته ،،،
الأخوة والأخوات أعضاء منتدى نايل موتورز الكرام
أرجو منكم المساعدة فى اختيار سيارة من السيارات التالية (شيفروليه لانوس ، هيونداي فيرنا ، رينو لوجان ، اسبيرانزا a516 ) مع ذكر السبب. وكذكلك جودة الوكيل
مع العلم هذه أول سيارة اشتريها ولست من هواة التغيير المتكرر وكذلك لسه متعلم القيادة جديد
مع مراعاة أن مشوار الشغل اليومي 40 كم ذهاب و 40 كم عودة وأيضا أسكن فى حلوان (الطرق والمطبات حدث ولا حرج)
فى انتظار ردودكم فى أقرب وقت
صباح الخير يا هندسة
انا برشح لحضرتك اللوجان لشوية اسباب كدة
انا شغال فى مجال تصنيع السيارات فى مصر من حوالى 5 سنين و لا اثق بتاتا فى اى تقفيل مصرى
انا من حلوان (المعصرة تحديدا) اكيد عارف المطبات عندنا و فى الحدايق و شارع الكابلات و التقسيم و جميع مناطق حلوان عاملين ازاى الحمد لله باللوجان انا باخد المطب و لعربية محملة 5 افراد و سعات 6 بوش العربية عمرى ما اخدت مطب بالورب كدة زى طبعا اللانوس و الفيرنا
عيوب العربية معروفة و معترف بيها من التوكيل و اصلاحها سهل جدا
عضة فى الغيار الخلفى (الى هو مش عندى اصلا من ساعت ما اشتريت العربية) بيعملوها لو اتصلت و روحتلهم دة لو عندك اصلا
سخونة فى الكونسول و عند دواسة البنزين و بيتركب عازل
بمناسبة العازل انا شفت عربيات كتير جدا بتطلع من غير العوازل نتيجة بطىء التوريد للخامات و سرعة الانتاج و دة شىء عادى جدا لانة بيركب فى مراكز الخدمة بعدين
العربية سحبها بعد اول الف كيلو رائع و بيقولوا هتتحسن بعد ال 3 تلاف كيلو و دة طبيعى جدا
العربية واسعة جدا من جوة انا عندى صاحبى 195 سم و لازم طبعا يخرج معايا كل مرة و بيسيب عربيتة الى مش هاقول على نوعها عشان بيكون قرفان جدا من ملامسة راسة لسقف العربية و بيرجب معايا كمان مش جنبى لا ورا و بيكون مبسوط جدا
العربية فى مصر يعنى ارتفاع و ثبات عشان المطبات و السفر و دة لكتر الحوادث
و حاجة مهمة انا لسة خابط تاكسى 504 قطع عليا الطريق فجأة بي الحمد للة كنت انا ماسى براحة
انا طبقتلة الصاج بتاع الرفرف الخلفى بتاعة و انا الحمد لله عندى بس شرخ فى الكصدام الفيبر و مش ملحوظ
هو جرى مرضيش يقف عشان شاف العربية جديدة خاف يدفعلى حاجة نزل بس عالعربية و مشى على طول
انا طولت عليك جدا
المهم انك تهتم بحاجات الى معظم الناس مش بتدور عليها و هى الامان و الثبات و ارتفاع العربية و الميكانيكا
و لما تشترى و انت مش هتفكر تبيع مش هيهمك سعر اعادة البيع و مش هيهمك سعر قطع الغيار أمن على العربية و ريح نفسك قبل حتى ما ترخص
و حكاية توكيل محترم و غير محترم
الى بيكون محترم و غير محترم هو الناس مش التوكيلات بصفة عامة
انت هتتعامل مع اكتر من مركز خدمة فى اى نوع عربية تشتريها و الى تلاقية معاملتة كويسة اتعامل معاة على طول
و برضو عاوز اقولك حماية المستهلك مش بيعتقوا حد قاعدين مستنيين غلطة لاى توكيل او مستورد او حتى اى محل او كشك
متقلقشى
انا ساكن زى ما قولتلك فى المعصرة و راكن فى جراج
فية تقريبا كل العربيات عربيتى اللوجان و لانوس و فيرنا و 516 و برووتون ممكن تيجى تشوفهم كلهم جنب بعض
او انزل السوق يوم الجمعة و اتفرج بنفسك و خد فكرة
عشان انا طبعا هاشكر فى عربيتى اللوجى !!!!!!!!!
طولتت عليك بس فكر كويس و شوف احتاجك اية من العربية