استفسار عن عضوية نادي الترسانه

**moudy88** · 23-06-2010 08:22 PM

السلام عليكم ورحمة الله وبركاته ..عندي استفسار مهم جدا عن عضويه والدي في نادي الترسانه
انا والدي كان عامل عضويه في نادي الترسانه سنة 88 (يعني من عمري ) وبعدين سافرنا السعوديه وانشغلنا ونسينا العضويه والنادي وبعدين دلوقتي وانا بدور في حاجات قديمه لقيت الكارنيه القديم بتاع العضويه من سنه 88
السؤال دلوقت هل ممكن نجدد العضويه بتاعت والدي بعد مرور 22 سنه بدون تجديد ؟؟ وايه الاجرائات اللي ممكن تتعمل ؟
ولا كده العضويه اتلغت ؟
وهل ينفع اجدد عن والدي لان والدي بره مصر حاليا ومش هايرجع الفتره دي
ارجو الافاده لان خبرتي في النوادي اقل من الصفر
وشكرا مقدما

**ahit** · 23-06-2010 10:41 PM

أعتقد الفترة طويلة جدا و بالتالى العضوية ممكن تكون سقطت
ممكن حضرتك تسألهم فى التليفون
و إن شاء الله خير

**أبو إياد** · 24-06-2010 12:23 AM

موضوع انك تجدد بدل والدك ده مافيش فيه اى مشاكل
انما موضوع المده ده مش متاكد منه
انا مثلا كان ممكن مجددش الاشتراك لمده سنتين او تلاته وبعدها بدفع المتاخرات ويتجدد عادى انما 22 سنه مش عارف
وعلى فكره انا عضويتى باردو فى الترسانه

**dramir1** · 24-06-2010 03:33 AM

tel number is
33462457

**aliabutaleb** · 24-06-2010 11:27 AM

المشاركة الأصلية كتبت بواسطة أبو حمزة

فيه قانون جديد تم إقراره بيخللي عضوية النوادي تسقط لو لو يتم التجديد لمدة 5 سنوات
وفي القانون برضة غرامة مبلغ زي 150 جنيه في حالة عدم حضور الجمعية العمومية والتصويت في انتخابات النادي
وكان فيه نص برضة بيمنع توريث العضوية للابن أو الابنة اللي بلغوا الـ 21 سنة

الكلام ده كله شفوي من موظف في النادي اللي انا عضو فيه، مش متأكد أوي من صحته بس أظن إنه صادق، هاحاول أدور على نص القانون وأحطه هنا للإفادة.

**أبو إياد** · 24-06-2010 12:45 PM

مش مهم كارينه الوالد المهم رقم العضويه لانكوا كلكوا تابعين ليه وبنفس الرقم
المشكله ان المفروض اول ما الابناء تنتهى من الدراسه تعمل فصل للعضويه وتكون مستقله ولو متعملتش بيدفع غرامات من تاريخ التخرج لغايه الوقت الحالى عن كل سنه
ودلوقتى النادى بصراحه يستاهل لانه اتجدد بشكل كلى واتعمل فيه حمام سباحه اوليمبى بالاضافه للاتنين القدام
والافضل انك تروح للاداره وتتابع الموضوع والاستفسارات افضل من التليفون