ألف سلامة يا خالد باشا و ربنا يشفيك
رقم العضوية : 72
تاريخ التسجيل : 21Apr2007
المشاركات : 5,092
النوع : ذكر
الاقامة : البحرين
السيارة: سوزوكي ماروتي، مصر
السيارة[2]: تويوتا ياريس، البحرين
دراجة بخارية: لا يوجد
الحالة :
اصبت بمرض الأنفلونزا منذ يومين نتيجة سهرة فى الهواء الطلق ، وبرغم اتخاذى للتدابير الأمنية اللازمة من معطف صوفى ثقيل وكوفية وطاقية صوفية لكن يبدو ان موضوع الأنفلونزا لا علاقه له بكل هذا الهراء وانما هو زائر قدرى موسمى على ان اعد العدة لاستقباله، شانه فى ذلك شأن شم النسيم والعيد الكبير ودخول المدارس ، لكن هذا المرض ولطبيعته الموسمية اصبح مرتبط بالكثير من الطقوس والعادات التى سأحاول ان اسجل خواطرى حولها
كل عام تأتى اصابتى بهذا المرضى كنوع من انواع الصفعة على قفاى، فدائما اتخذ كل احتياطات التدفئة و يصاب كل من حولى وانا لا ازال بصحتى مما يدفعنى للثقة الزائدة فى جهازى المناعى وفى اجراءاتى الأمنية ، وهكذا وبعد ان ابدأ فى اخراج لسانى للأخرين قائلا لهم "انا جدع" تأتى تلك الليلة التى يحتقن فيها بلعومى ناقلا ألى رسالة صغيرة من فيروس الأنفلونزا محتواها:" كان غيرك اشطر"
برغم ان الأطباء وصفوا اعراض هذا المرض إلا ان لدى ما اضيفه فى هذا الشأن مما لم يقله الأطباء ، فالأطباء وصفوا الآلام والإحتقان والزكام إلخ، لكن انا دايما بحس بعرض آخر، هو ما يمكن وصفة بحالة من حالات "الونونة" او انى مثلا "عامل دماغ" ، تتمثل حالة من عدم الإتزان اثناء المشى الى جانب شئ من ضغف الإستجابة العصبية للمؤثرات الخارجية، وضعف الإستجابة ده حكاية لوحده ، لأنى لما بآجى الف دماغى يمين او شمال مثلا بحس انى بلف دماغ واحد تانى وان دماغى انا لسة مطرحها، وبعد ثانية او اتنين بحس ان دماغى نفذت الأمر ولفت، كذلك ساعات اهرش او احط ايدى على ضهرى باحس انى بهرش لواحد تانى مش لنفسى وبعد ثانية او اتنين احس ان فيه حد جه هرشلى
اما الطف اعراض هذا المرض فهى ما اسميه "الليلة الكبيرة" وهى عادة ما تكون الليلة الثانية او الثالثة بعد ظهور اول الأعراض، وهذة الليلة عموما تكون الليلة التى ترتفع فيها الحرارة بشدة مما يؤدى الى سلسلة مبتكرة من الكوابيس يتخللها عدد لا نهائى من مرات الأستيقاظ ليلا، الليلة دى انا قضيتها امبارح مع مجموعة مش طبيعية من الأوهام اذكر منها حلم واحد كنت فيه مندوب مصر للمفاوضة مع المندوب السامى البريطانى فى حقوق اضافية تحصل عليها مصر تحت الإحتلال الإنجليزى ، وكان المندوب السامى البريطانى هو الممثل احمد عقل ، اما المفاوضات فكانت تتم فى فصل مدرسة حكومية ، وقس على ذلك كمية ضخمة من التخاريف استمتع بها فى ليلة الأوهام الكبيرة
اما مشكلى مع طاقتى الأنف فحدث عنها ولا حرج، فانا من جيل ما قبل الكلينكس وحتى وصلت للسن التى يصعب فيها اكتساب عادات جديدة كان الكلينكس ده تقليعة بتاعة الناس المرفهة، وبالتالى لم استطع ابدا اكتساب عادة شراء ولا حمل الكلينكس ، وهكذا اجد نفسى فى ورطة كلما ثقلت على وطأه الزكام تستدعى ان ازوغ من اى اجتماع عمل بدعوى الذهاب للحمام، وانا بالفعل اذهب للحمام، لكن لإفراغ طاقتى انفى،التى يكسبهما فيروس الأنفلونزا عنادا لا نهاية له، فإذا تمكنت من تسليك اليمنى انسدت اليسرى واذا فتحت للهواء مجرى فى اليسرى ينغلق فى اليمنى، وهكذا يضيع النهار بأكمله فى زيارات الحمام ومحاولات تسليك انفى حتى اكاد اشعر ان مخى يكاد يسيل من طاقتى انفى تحت وضأة الضغط، مما يجعلنى افوض امرى الى الله واتنفس من فمى ، خصوصا بعد ان يلتهب كل جلدى حول الأنف
مع حالة الصداع والونونة والأنفصال الجزئى عن العالم احاول ان اغوص داخل فسيولوجيا جسمى لأرى بعين الخيال قسم البحث والتطوير R&Dفى مصنع كرات الدم البيضاء فى الجسم، وقد انهمك كل اعضاؤه على تصنيح نموذج اولى Prototype لجسم مضاد يناسب الموديل الجديد من فيروس الأنفلونزا ، اكاد اسمع النقاش الدائر بين اثنين من افراده يقول احدهم للآخر: اخبار الprototype ايه يا دكتور دى إن إيه، ركب على الفيروس وللا لسة، فيرد عليه الآخر قائلا، لأ لسة مش مقابس عليه، فيه تخانات زيادة عايزة تتشال بالمبرد، فيقول الأول ، عايزين ننجز علشان احنا مفضيين خط الأنتاج كله للجسم المضاد دة علشان لازم نسلم الطلبية دى فى خلال 3 ايام،
انتظر انا تسليم طلبية الأجسام المضادة واقضى الأيام الثلاثة ما بين الليمون والباراستيمول ومضاد حيوى لا لزوم له سوى انه يهد حيلى بدون داعى
حتى اصحو ذات يوم لأجد الصداع قد زال وطاقتى الأنف تعملان بكل كفائتهما وعادت رأسى للإحساس بأنها رأسى انا وليست رأس حد تانى، فأعرف ان الأجسام المضادة اشتغلت وتم اعتقال كل افراد الفيروس المهاجم ، فأحمد الله على ما من به على من نعمة الصحة ، واهى مناسبة وعدت ، وربنا يعيده علينا بالخير زى العيد الكبير وموسم دخول المدارس وشم النسيم
ادعوا لى بالشفاء
سبعاوى
_______________________________________________
رقم العضوية : 1267
تاريخ التسجيل : 30Jun2007
المشاركات : 341
النوع : ذكر
الاقامة : مدينة نصر
السيارة: KIA PICANTO 2013
السيارة[2]: SUBARU XV PREMIUM 2016
دراجة بخارية: 00000000
الحالة :
ألف سلامة يا خالد باشا و ربنا يشفيك
رقم العضوية : 1150
تاريخ التسجيل : 24Jun2007
المشاركات : 919
النوع : ذكر
الاقامة : Banha
السيارة: lada
السيارة[2]: 128
دراجة بخارية: لا
الحالة :
خالد باشا سيناريو احداث ينفع فيلم كوميدى
فيرد عليه الآخر قائلا، لأ لسة مش مقابس عليه، فيه تخانات زيادة عايزة تتشال بالمبرد، فيقول الأول ، عايزين ننجز علشان احنا مفضيين خط الأنتاج كله للجسم المضاد دة علشان لازم نسلم الطلبية دى فى خلال 3 ايام، جامده جدا منك
الف الف سلامة عليك
رقم العضوية : 475
تاريخ التسجيل : 05May2007
المشاركات : 8,407
النوع : ذكر
الاقامة : الأسكندرية
السيارة: I30 & Megane estate
السيارة[2]: E36 Coupe 328i
دراجة بخارية: .
الحالة :
الف سلامة يا باشا
الحمد لله[sor2]http://farm3.static.flickr.com/2639/3939929853_4547d6e150.jpg[/sor2]
رقم العضوية : 2999
تاريخ التسجيل : 04Nov2007
المشاركات : 2,472
الاقامة : Beni suef
الحالة :
يا باشا الف سلامه عليك ..
نفس الاعراض بتاعتي لما يجيلي الانفلوانزا ...
انما قلي بقي ... يجيلك السيناريو ده ؟ تبقي نايم و بتحلم انك واقف علي برج عااااالي جداً جداً .. و تشوف مربعات كده في السما جميع الالوان .. و ينزل مربع كبير حجم السما يتطبق عليك و انت واقف علي البرج العالي اللي في الخلاء ده ؟ ولا الاشتغالات دي مابتجيلكش ؟ ههه
رقم العضوية : 635
تاريخ التسجيل : 13May2007
المشاركات : 1,714
الاقامة : الحمد لله مصر
الحالة :
ألف سلامة عليك يا سبعاوى :( ربنا يشفيك. ان شاء الله , شدة و تزول قريبا :) أنت لو عديت "الليلة الكبيرة" ان شاء الله كله هيبقى تمام :)
قال الله تعالى: http://www.kalemat.org/gfx/braket_r.gif وَلَنَبلُوَنّكُم بِشَىءٍ مِنَ الخَوفِ وَالجُوعِ وَنَقصٍ مِنَ الأموَالِ وَالأَنفُسِ وَالثّمَراتِ وَبَشِرِ الصّابِرينَ http://www.kalemat.org/gfx/braket_l.gif[البقرة:155] ويكون هذا الصبر بحبس اللسان عن الشكوى إلى غير الله تعالى، والقلب عن التسخط والجزع.
رقم العضوية : 1375
تاريخ التسجيل : 08Jul2007
المشاركات : 2,957
الحالة :
باشمهندس حتى في خيالات المرض..... ألف سلامة عليك يا باشااكاد اسمع النقاش الدائر بين اثنين من افراده يقول احدهم للآخر: اخبار الprototype ايه يا دكتور دى إن إيه، ركب على الفيروس وللا لسة، فيرد عليه الآخر قائلا، لأ لسة مش مقابس عليه، فيه تخانات زيادة عايزة تتشال بالمبرد، فيقول الأول ، عايزين ننجز علشان احنا مفضيين خط الأنتاج كله للجسم المضاد دة علشان لازم نسلم الطلبية دى فى خلال 3 ايام،
رقم العضوية : 227
تاريخ التسجيل : 26Apr2007
المشاركات : 889
النوع : ذكر
الاقامة : maadi
السيارة: mafish
السيارة[2]: terios
دراجة بخارية: no
الحالة :
مستر سبعاوى
لازم يا باشا تعملك مدونة لانك موهبه ادبيه جبارة (ماشاء الله)
او نعمل هنا قسم خاص ليك يضم كل مواضيعك و ممكن نسميه السبعاويات :) (على فكره انا بتكلم جد جدا)
رقم العضوية : 3512
تاريخ التسجيل : 01Dec2007
المشاركات : 2,280
النوع : ذكر
الاقامة : cairo-shoubra
السيارة: honda civic 2007
السيارة[2]: hyundai matrix 2008
دراجة بخارية: لا يوجد
الحالة :
الف الف سلامه عليك يا استاذ سبعاوى
[img2]http://cdn-img1.imagechef.com/w/110921/sampe24f53992f6e9e21.jpg[/img2]
رقم العضوية : 750
تاريخ التسجيل : 21May2007
المشاركات : 438
النوع : ذكر
الاقامة : مدينة عباد الرحمن بالمعادى
السيارة: لايوجد حاليا
السيارة[2]: لادا 2105 موديل94 - 1200cc
الحالة :
الف سلامة عليك يا ابو السباع :(
المفضلات