اخوانى الافاضل
اخوكم الغلبان مش فاهم حاجة فى العربيات و فكرت و رسيت على الفيرنا و بقالى شهر بفكر و بشوف عربيات
المهم وصلت لعربية تمام موجودة فى صالة بتبيع سيارات جديدة و دى المستعملة الوحيدة اللى عندهم
المهم قولت للراجل ايه النظام و هاخدها و اطلع التوكيل يكشفو عليها الراجل قالى روح و اطمن حقق قلت فى سرى و الله الراجل عداه العيب
المهم فى اخر الكلام الراجل بيقولى انا مبحبش اخد حاجة من اللى موجودة فى العربية الراجل صاحب العربية غير العمة ب 1500 جنية علشان يزود الهورس باور بتاعت العربية (و مفهمتش هنا العمة يعنى ايه و بتاعت الموتور ولا الشكمان ولا بتاثر فى ايه ولا بتتغير ترويش ولا القديمة بايظة )
و بينى و بنكم اى مبقتش فاهم حاجة هو كدة الموتور ملعوب فيه ؟ ولا د عادى ولا حد بيروش ولا ارجع القديم ولا اخلع من العربية و بلاش وجع دماغ
انا اساسا عاوز عربية من مشكوك فيها

و انا راجع فى السكة قلت مفيش حد هايقدنى غير رجالة نايل موتورز
يا ريت حد يقلى ايه موضوع العمة دى و د بتتغير بالساهل ولا بتاثر على الموتور ولا ايه النظام و اكمل موضوع الشرا ولا اخلى بالى على القرشين و اكمل تدوير برة ؟

شكرا جزيلا و ربنا ما يوقعكم فى الحيرة اللى انا فيها بصراحة انا خايف انى انا اللى البس العمة (هم يضحك و هم يبكى )