سياره تستحق الاحترام بصراحه - انا من عشاق بروتون اصلا
مبروك عليك الاخت الصغيره فى عائله الاسد الماليزى - بروتون فعلا اسد بمعنى الكلمه
رقم العضوية : 58522
تاريخ التسجيل : 09Jan2010
المشاركات : 727
النوع : ذكر
الاقامة : cairo
السيارة: R . LOGAN 2010
السيارة[2]: SAGA 2010 m/t black
دراجة بخارية: لا
الحالة :
طبعا الكل داخل يقول اية يعنى فية اية لدة كلة
اقولكم انتم لو كنتم معايا انهاردة كنتم عملتم اكتر منى
حصل اية باة النهاردة
الى حصل كالاتى:
امبارح روحت عملت صيانة 1000 ودى هبقة اكلم عليها بعدين مش وقتها
انهاردة بقة صحيت الصبح بدرى ونويت العزم اطلع على الساحل (مارينا) طبعا بالعربية السااااجااااا
بدات الرحلة ماشى طبعا على الدائرى والدنيا كانت تمام ثم المحور والدنيا كانت بردة تمام وكنت ماشى على 90-100 يعنى مبعديش وكنت انا وخطبتى وواحد صحبى المهم دخلت الصحراوى وعند عز العرب دخلت اقولهم بس على شوية ملاحظات على الصيانة وهناك قبلت ايمووووووووون مع انة كان لسة معايا امبارح بس كان وحشنى والله وبما انى بتفائل بوشة كان معايا خطيبتى وقولتلة بالحرف اليوم دة هيعدى بيييييييييييس
المهم طلعت خدت صحبى من كارفور نزل يشوف حاجة المهم (صاحبى دة معاة عربية تانية موديل حديث بدون ذكر اسماء (مش 128 يا ايمن معلش اصلة كان متحدانى انها مش هتقدر تسافر اكمنها 1300 وكان مرهنى ع 100 جنية لو مرتحناش ولا مرة هخدها ولو العربية الحرارة عدت 3 شرط هديلة 100 جنية)(بيبنى وبينكم انا قلبى كان فى رجلى وقلت ربنا يستر الواحد بيكح تراب الايام دى هيدفع 100 جنية منين بس انا والله كنت واسق فى ساجتى وصممت اسافر بيها اسالو حتى ايمن لان العربية كانت هتبات فى التوكيل عملت البدع عشان اسافر بيها)
وكان طالع معايا وعمال يقول يارتنى كنت طلعت بعاربيتى احنا مش هنوصل انهاردة اكمنى ماشى على مهلى بينى وبينكم انا خاااااااااايف الناس هنا من كلامها حسستنى انى لو جبت 120 بالعربية هتتقلب بية )
المهم طلعت ع الصراوى واخينا دة عمال ينبر المهم اتغسط(معرفش بتتكتب ازاى) قولت فسرى ام الردار ع امة وطيرت(متتريقوش هتعرفوا دلوقتى انا لية قولت كدة)
بدات اسحب 105 وارجع تانى 100 بعد كدة 110 وارجع تانى 100 بعد كدة 120 وارجع تانى 100 قولتلة شوفت ادينا مشين ع 120 دحك باستفذاذ وقالى هوة انت جايب عربية زيرو عشان لما تجيب 120 تفرح اوى كدة و اعد يدحك علية خطبتى الدم جرى فعروقى وقلتلة وحيات امك والله لتشوف اما خليتك تندم ع اليوم الى اشتريت فية عربيتك الكارو دى
وبادت رحلة اكتشاااااف سااااااااااااااااااجتى فعلا العالم الى بتتكلم فى كل مكان دى والله مهى فاهمة اى حاجة وخلتنى انا يا صاحب العربية ومعايا وواثق فيها خايف اعدى 120 ع الماتور والسحب وباقى الفتى انتو عرفينو مبالك بقة واحد داخل يقرا موضوع جديد وبيفكر فيها
المهم
بدات اسحب 125 وارجع ثم 130 وعلى طريق العالمين سحبت .
قولو انتو كدة انا جبت كام مع تكيف شغال والى بيقول بياثر جامد ع السحب وبتجيب 100 بالعفية يشفلو شيز لونج يعد علية وياجر طبيب نفسانى يخلصة من العقد دى
145 ولسة اصبروا بس صاحبى كان مش مصدق واعد يدحك قال حضر ال100 جنية عشان شرط الحرارة هطنت من عندك دلوقتى عشان الجو كان ولعة 42
المهم وصلنا
وانا هناك جالى تليفون انى لازم اكون فى القاهرة كمان ساعتين فيما اقل فسرى ياااااااااااللللللللللههه هههههههوووووووووووىىىىىىى ىىىىى دنا كنت وصلت فى 3 ساعات
بصيت للعربية وقلتلها ورينا بقة العزم وعرفيهم انتى مين وتولكت ع الله ومشيت قولت انا هسبت رجلى ع 130 وربنا يستر بقة
مشيت 130 وسبت رجلى المهم اعدت اكلم مع خطبتى وسرحت قالتلى انت ماشى ع كام يا محمد !
ابص الاقى كااااااام بالتكيف برضو والجو كان ولعتين زاااااااائد رييييح والله رييييييييييح كانت غير طبيعية بتيجى من ع شمالى
برضو غلط
150 ولا حسيت باى حاجة قولت حلو انا بقة اشوف اية الى هيحصل لما اكمل وكملت 160 والدنيا بييييس 170 والدنيا بييييس بس الى مكنش بيييييييس ان خطبتى كانت بتلطم جنبى وعمالة تقول روحت درييم دريم بارك يا بابا لية بقة
الى يعرف الطريق دة ومشى علية هيعرف فيها حوالى 5 مطبات حوا تحس ان العربية بتطيييييييييييير بس مش زى الاعلان بتاع صاحبى لا دى فعلا بطير بس برتجع زى ماهى ولا سنة يمين ولا سنة شمال والله ع ما اقول شهيد قولت كفاية كدة انا اجرب حاجة تاية واشوف بيها الثبات (رغم كل العوامل التكيف و الريح الى لو كنت راكب عربية .....ز كانت طارت على 100 بس مش زى لا طارت على الرمل الى ع الناحية اليمين )
جبت 100 ومرة واحدة الدريكسيون (كان صاعبان علية) يمين وشمال يمين وشمال بسرعة انهى تتقلب مش عايزة طب نجرب على 110 برضو مش عايزة طب 120 برضة مش عايزة لا مزوتش حسيت العربية بتقولى والله حلال الى ادفع فية كفاية كدة حرام
برضو مش متاكد دخلت ع الصحراوى طبعا 140 منا خلاص مش هنزل عن كدة بعد كدة وغرز بقة يا معلم ع 120 برضو مش عايزة تتقلب قولت فسرى الله يسامح الى قال ع العربية دى كلمة وكانت ظلم وغيرت فكر ناس كتير
انا بس حبيت انقلكم التجربة عشان الناس تعرف فين الحقيقة والله العظيم دة حصل وانا لا شغال فى عز العرب ولا طايقهم اساسا بس عشان ابقى عملت الى يبلية علية ضميرى والاسفلت يشهد
صحيح نسيت اقولكم ان مريحتش ولا مرة والحرارة مزدتش عن 3شرط رغم الجو 42 والتكيف
اة صحيح معدل استهلاك البنزين 6 لتر كل 100 كيلو بالتكييييييييف
معلش اخر حاجة
نسيت اقولكم انى لما نزلت اعدت ابوس العربية بوس الناس اعدت تقول اية المجنون دة وانا فسرى بقول
ساااااااااااااااجاااااااا ااااااااااا ساااااااااااااااااااجاااا ااااااااااااااااااااااااا ااااا اووووووووووووة اوووووووووووووووة
شكرا ولو فى اى حاجة ان تحت امركم
واسف جدا ع الاطالة
الى فين يا مصريين
الى فين يا مصر
رقم العضوية : 4501
تاريخ التسجيل : 19Jan2008
المشاركات : 1,967
النوع : ذكر
الاقامة : Cairo
السيارة: Lancia Dedra - Nissan Sunny
السيارة[2]: Favorite - Tempra
دراجة بخارية: لا
الحالة :
سياره تستحق الاحترام بصراحه - انا من عشاق بروتون اصلا
مبروك عليك الاخت الصغيره فى عائله الاسد الماليزى - بروتون فعلا اسد بمعنى الكلمه
رقم العضوية : 34719
تاريخ التسجيل : 06Mar2009
المشاركات : 231
النوع : ذكر
الاقامة : cairo
السيارة: proton gen2
السيارة[2]: fiat128
الحالة :
هههههههههههه ربنا يبركلك فيها
لا تقل من أين أبدأ ..طاعة الله البداية
رقم العضوية : 43052
تاريخ التسجيل : 01Jul2009
المشاركات : 2,009
النوع : ذكر
الاقامة : Sheikh Zayed
السيارة: (Lanos '07 (Sold
السيارة[2]: GEN.2 M/T 2010
دراجة بخارية: N/A
الحالة :
الف مبروك يا معلم و عقبالي لما اعمل صيانة الألف علي خير ان شاء الله.
رقم العضوية : 44030
تاريخ التسجيل : 26Jul2009
المشاركات : 107
النوع : ذكر
الاقامة : Mansoura
السيارة: ربنا يسهل
السيارة[2]: Proton Gen2 2007
الحالة :
تسلم ايدك على التقرير
ربنا يحفظهالك من كل شر يارب ويباركلك فيها
ومتهيألي اي حد ممكن يتكلم عن اي عيب في عربيات بروتون الا الثبات دي محدش يقدر ينطق فيها
انا قبل ماجيب جينا واحد صاحبي كان بيقولي ياعم دي ماليزي يعني لاهتلاقي ثبات ولا اي نيلة
بعد كده تصادف انه كان جاي معايا سفرية وكنا قافلين الازاز و مش حاسين بالسرعة ولقيته بيقوللي انت ماشي بالراحة كده ليه قلتله تعالى بص عالعداد ولما بص اتفاجأ لأنه شاف العداد على 170 والعربية و كأنها ماشية على 90
رقم العضوية : 71995
تاريخ التسجيل : 31May2010
المشاركات : 545
النوع : ذكر
الاقامة : cairo-mansora
السيارة: none
السيارة[2]: toyota crolla
الحالة :
معاك حق والله تبوسها و تعمل اكتر من كدا كمان ......كو ان عربيه 1300 تتجيب السرعات دي و بالتكيف و في الحر دا من غير م الحراره تعلي ف دا يدل علي انها عربيه كفااااااءه ربنا يحفظهالك يا رب
رقم العضوية : 66978
تاريخ التسجيل : 04Apr2010
المشاركات : 1,266
النوع : ذكر
الاقامة : Nasr City
السيارة: None
السيارة[2]: None
الحالة :
بسم الله ماشاء الله ربنا يحفظهالك ويكفيك شر الطريق.......
I don't know the key to success, but the key to failure is trying to please everybody
رقم العضوية : 66957
تاريخ التسجيل : 04Apr2010
المشاركات : 604
النوع : ذكر
الاقامة : cairo
السيارة: Brilliance FRV 2012
السيارة[2]: fiat 124
دراجة بخارية: no
الحالة :
lمبروك على الصيانة وربنا يباركلك فى العربية مقولتش عملت ايه فى الرهان بتاع صاحبك ولا كان ايه احساسة وانتو راجعين وانت مشقلب الطريق بالشكل ده
رقم العضوية : 13841
تاريخ التسجيل : 29Jun2008
المشاركات : 2,036
النوع : ذكر
الاقامة : المعادى
السيارة: برسونا / Gen 2
السيارة[2]: ريتمو / سويفت
الحالة :
ماشاء الله ربنا يباركلك فيها
الضمير لا يمنعك من ارتكاب الخطأ و لكنه يمنعك فقط من الاستمتاع به أثناء ارتكابه
[img2]http://img246.imageshack.us/img246/9382/tawkee3c.jpg[/img2]
رقم العضوية : 35823
تاريخ التسجيل : 17Mar2009
المشاركات : 2,251
النوع : ذكر
الاقامة : Mansoura
السيارة: Civic 2008 ,Lanos99
السيارة[2]: Rio 2013 ,Lancer 99
دراجة بخارية: Not Yet
الحالة :
هيا كويس إنها عملت كده بس معتش تعملها كتير يعنى ده إنت تقريبا برضه تعتبر لسا بتلين
المفضلات