كما يبدو من العنوان
أريد شراء 4 إطارات جديدة غير " النسر " و لا أعلم أفضل نوع ما هو ؟ و كم يبلغ سعره ؟ و ما هو مقاسه ؟
و هل كلما زاد عرض الإطار زاد ثبات السيارة ؟
و هل ينفع شراء و تركيب إطار مقاس 15" أم لازم 14" ؟
عرض للطباعة
كما يبدو من العنوان
أريد شراء 4 إطارات جديدة غير " النسر " و لا أعلم أفضل نوع ما هو ؟ و كم يبلغ سعره ؟ و ما هو مقاسه ؟
و هل كلما زاد عرض الإطار زاد ثبات السيارة ؟
و هل ينفع شراء و تركيب إطار مقاس 15" أم لازم 14" ؟
كاوتش 15 او 14 حيبقى تقيل على العربيه او العفشه لانك حتغير الجنوط كمان ل 14 او 15
وبالنسبه للكاوتش ال 128 الكومهو وا ل gt هما الى سعرهم متوسط وكويسين وفى حدود ال 200 اقل او ازيد حاجه بسيطه جدا
اعلى من كده يبقى هات البريدجستون
والجنوط ابعد عن الصينى وهات الاندونيسى او المليزى
ويستحست تدور على واحد استعمال بتاع لانوس او اى حاجه يكون اصلى لو انت عاوز حاجه نضيفه وسعرها حنين
شكرا عزيزى على المعلومات القيمة
و لكن يعنى إيه تقيل على العفشة ... هل معنى ذلك ثبات أكثر على الطريق
و ما هو المقاس
و بالنسبة لجنوط اللانوس .." أصلى" يعنى إللى بتنزل بيهم من التوكيل ؟
--
معلش طولت عليك بس أنا ما عنديش خلفية خالص
--
فين ممكن ألاقى الجنوط الأصلية مش صينى ؟
و الكاوتش كمان من فين ؟
ركب جنوط 13 وكاوتش 185\60 وهيدي العربية ثبات كويس
تقيل على العفشه ملهاش غير معنى واحد يا باشا وانها حتبهدل العفشه وتقلل من عمر الشاسيه الى هو بيفتح لوحده اساسا
لو عاوزز ثبات يبقى هبط العربيه وهاتلها يايات اسبور ودى حتديك ثبات جميل او فيه ناس بتقص اليايات الاصليه
والجنوط هاته من بتوع الاستيراد حتلاقى عندهم جنوط اصلى استعمال خارج فى حدود 600 لو 13
لكن طبعا لو انت عاوز الجديد ابعد عن الصينى تمااااااااما
والحوار الكاوتش والجنوط لو جديد حيبقى اكتر من 2000 جنيه شويه بسيطه
ولو الجنوط مستعمل والكاوتش جديد يبقى فى حدود 1600 تقريبا
ونصيحه منى بلاش تحط جنط غير ال 13 فى ال128 والا كل الناس كانت عملت كده لو فيه فايده
لكن اضراره اكتر من فوائده
لو بتدور على الثبات هبط العربيه 3 او 4 سمم حيفرقو معاك كتير
شكرا لك يا عزيزى للمرة الثانية على المعلومات القيمة
و لكن إسمحلى أسأل آخر سؤال
أخويا عنده جنوط لانوس أصلية من التوكيل لم تستخدم لإنه غيرها بأخرى
هل هذه الجنوط تنفعلى ؟
الجنط يا باشا متزودش عن 14 بوصة علشان العفشة بتاعة ال128 اللي تجنن
و العرض 165 او 170 علشان ميحكش معاك في الرفرف (عن تجربة)
و في الجنط بتاع الفيات اونو تربو و ده 14 بوصة و ديه صورتو و ممكن تسأل عليه في بورسعيد http://www.wheelz.co.za/images/129ea...e4f03c52_1.jpg و سعره في حدود 400 جنيه تقريبا
بعون الله و توفيقه
جبت كاوتش كومهو 24/2010 - 175/65 كورى
على نفس الجنط بتاعها مقاس 13
و لكن السؤال هنا
بعد تركيب الكاوتش الجديد عند ممدوح غطاطى و الترصيص
- لاحظت تقل غير طبيعى فى طارة الدركسيون .. هل هذا طبيعى أم ماذا فى الأمر ؟
- شكل الكاوتش الجديد مريح أو نايم شوية و لكن عند التأكد فى بنزينة شل فى شارع الهرم بجانب محطة الخزان الراجل قالى .. الكاوتش سليم و جديد و أصلى و لازم يبقى على 28 فى الصيف و 30 فى الشتاء ... هل الشكل ده للكاوتش سليم ؟ .. لإن الكاوتش إللى كان راكب فيها كان نسر 165/60 و لما بيتملى هوا كان بيبقا على سيفه ده غير مرونة و نعومة فى حركة الدركسيون
بعض الأصدقاء أشار عليا بتفضية الهواء تماما و مليه نيتروجين على 30 .. فهل هذا صحيح ؟
و شكرا لكم
هل من إجابة ؟