pesso بيسأل الناس الطيبيين

**pesso** · 24-06-2010 01:12 AM

اولا مساء الخير عليكم كلكم سواء اللى هيرد وبرده اللى مش هيرد
الموضوع ببساطه طبعا عارفين سيارتى هى نوبيرا 2007 مانيوال والنهارده كنت فى برج العرب ووصلت لقضاء مصلحه فى جهاز المدينه وخلصت فى 10 دقائق ولما طلعت من الجهاز لقيت العجله الاماميه شمال نايمه طبعا مهتمتش لانى معى كمبروسر بيعمل بالكهرباء وعندما فتحت شنطه السياره لاحضاره لم أجده وتذكرت اننى تركته فى سياره أخى وقلت مافيش فايده المكتوب مكتوب وبدأت فى حل العجله وفوجئت بأن الصواميل اللى ماسكه العجله عباره عن نار وأنا بصراحه اول مره أخذ بالى منهم فهل هذا عادى ان تكون بهذه السخونه أم يوجد عيب عندى بالله عليكم تقولولى ولاتتركونى ولا تبخلوا عليا بالمعلومه

**hanycapoo** · 24-06-2010 02:14 AM

عادى مفيش مشكلة ياباشا

**jojowork1** · 24-06-2010 02:23 AM

اعتقد ان في سخونه مقبوله بس لازم هاتسخن عشان احتكاك التيل مع الطنابير واحيانيا لو مش سخنه الميكانكي يقولك في حاجه في الفرامل او التيل عمتا بسيطه امشي مشوار وحط ايدك علي العجلتين لو لقيت السخونه زي بعض يبقي ده الطبيعي واعتقد ان الجو وحده كافي انه يسخن ويحافظ علي حراره اي حاجه دلوقتي

**gazzar91** · 24-06-2010 02:42 AM

المشاركة الأصلية كتبت بواسطة pesso

اولا مساء الخير عليكم كلكم سواء اللى هيرد وبرده اللى مش هيرد
الموضوع ببساطه طبعا عارفين سيارتى هى نوبيرا 2007 مانيوال والنهارده كنت فى برج العرب ووصلت لقضاء مصلحه فى جهاز المدينه وخلصت فى 10 دقائق ولما طلعت من الجهاز لقيت العجله الاماميه شمال نايمه طبعا مهتمتش لانى معى كمبروسر بيعمل بالكهرباء وعندما فتحت شنطه السياره لاحضاره لم أجده وتذكرت اننى تركته فى سياره أخى وقلت مافيش فايده المكتوب مكتوب وبدأت فى حل العجله وفوجئت بأن الصواميل اللى ماسكه العجله عباره عن نار وأنا بصراحه اول مره أخذ بالى منهم فهل هذا عادى ان تكون بهذه السخونه أم يوجد عيب عندى بالله عليكم تقولولى ولاتتركونى ولا تبخلوا عليا بالمعلومه

ياااااااااااااااه فكرتني بأيام ماكنت في التوكيل...
كان في عميل شوية و هيتف عليا علشان مش عاوز أغير التيل إلا لما الـ Brake Assembly كله يبرد و فكيت الجنط بالعافية من سخونته...
الأيام دي حر قوي قوي ....
إنما العربية مافيهاش أي حاجة مش طبيعية...
والله أعلم..
في رعاية الله..

**mohfud** · 24-06-2010 09:35 AM

الدنيا نار وطبيعى الطنابير والتيل يسخن و لكن لكى تحل المشكلة وتفك الجنط أسكب على الطنابير بعض الماء لو كان موجود للتبريد سوف يفك معك فورا بإذن الله
تحياتى لك

**bassem.naguib** · 24-06-2010 10:08 AM

المشاركة الأصلية كتبت بواسطة mohfud

الدنيا نار وطبيعى الطنابير والتيل يسخن و لكن لكى تحل المشكلة وتفك الجنط أسكب على الطنابير بعض الماء لو كان موجود للتبريد سوف يفك معك فورا بإذن الله
تحياتى لك

أعتقد أن كدة غلط .. لأن ممكن الطنابير تقفع وتبوظ .. والله وأعلم