ها يحصل اية لو مليت القربة بتاعة الريداتير على الاخر

**aymanmaly** · 25-06-2010 11:21 AM

المشاركة الأصلية كتبت بواسطة smsm_nabawy

شكراً ليك يا فندم على التوضيح ،، بس مش فاهم الجزء بتاع تنفيس الهو ، و كمان أنا ليا واحد أريبي أتحرق من مية الرادياتسر ،، أو بمعنى أصح "أتسلق" عشان كده دايماً بتعامل مع القربة و بخاف أقرب للريدياتير إلا لما تكون العربية باردة بمعنى الكلمة يعني بقالها يوم بايتة مش دايرة

حضرتك لما ببتخلص ملى المياة بتقفل غطاء الرايدير كويس
تسخن العربية لغاية لما المروحة تشتغل
تفتح الغطاء بالراحة جدا لغاية لما تبداء تسمع صوت تنفيس هواء ( زي صوت فتح زجاجة حاجة ساقعة بلاستيك )
لما يخلص الصوت تقفل الغطاء كويس
لو بتخاف يبقى روح بنزينة و اى عامل هايعملك الخطوات دى و ادية جنية

و ركز معاة و بعد كدة اعملها انت

**wael6** · 12-05-2011 11:15 PM

السلام عليكم
اجيب ميه مقطره منين
وايه افصل نوع ميه خضرا
وهل ميه خضرا بس
اقصد كل الكميه ولا جزء والباقي ميه عاديه
وشكرا

**aymanmaly** · 13-05-2011 12:00 AM

المياة المقطرة من البنزينة او من محلات كماليات السيارات
المياة الخضراء
ارشح لحضرتك موبيل (موجودة فى اي بنزينة موبيل )
خلى بالك اغلب المياة الخضراء الموجودة فى السوق مضروبة فخليك من بنزينة موبيل محترمة
بتاع موبيل جركن 1 لتر او 4 لتر ولا يخفف بل يوضع مباشرة
بالتوفيق فى القرار السليم

**kashtoot** · 13-05-2011 12:12 AM

المشاركة الأصلية كتبت بواسطة aymanmaly

المساحة الفاضية للقربة علشان الهواء لو مليتها على الاخر الهواء مالوش مكان يتحرك و بالتالى المياة هاتغلى و تضغط على غطاء القربة و يحصل تسريب فى دورة المياة

الله ينور عليك

**wael6** · 13-05-2011 12:20 AM

المشاركة الأصلية كتبت بواسطة aymanmaly

المياة المقطرة من البنزينة او من محلات كماليات السيارات
المياة الخضراء
ارشح لحضرتك موبيل (موجودة فى اي بنزينة موبيل )
خلى بالك اغلب المياة الخضراء الموجودة فى السوق مضروبة فخليك من بنزينة موبيل محترمة
بتاع موبيل جركن 1 لتر او 4 لتر ولا يخفف بل يوضع مباشرة
بالتوفيق فى القرار السليم

شكرا جزيلا

العربيه اكسيل 1500 مو 95 وكنت مسلك الريداتير من شهرين ومظبطه بس النهارده كنت بعمل شغل فى الكربراتير
والميكانيكي فضي الميه من الموتور

هو الموتور والريداتير والقربه بياخدوا ميه خضرا اد ايه كميه

وبعد كده لما تنقص القربه مثلا او حصل اى ظرف وعاوز ازود مياه ازود مياه خضرا برده ولا مياه عاديه ؟
وكمان فى عند بتاع الريداتيرات مياه خضرا اللتر ب 10 ج والاربعه لتر على بعض ب 30 ج تقريبا

وبيقولى دول مركزين ولازم يتخفوا بميه ميتحطوش كلهم ؟

متابع للاهمية

**aymanmaly** · 13-05-2011 10:12 AM

المشاركة الأصلية كتبت بواسطة wael6

شكرا جزيلا

العربيه اكسيل 1500 مو 95 وكنت مسلك الريداتير من شهرين ومظبطه بس النهارده كنت بعمل شغل فى الكربراتير
والميكانيكي فضي الميه من الموتور

هو الموتور والريداتير والقربه بياخدوا ميه خضرا اد ايه كميه

وبعد كده لما تنقص القربه مثلا او حصل اى ظرف وعاوز ازود مياه ازود مياه خضرا برده ولا مياه عاديه ؟
وكمان فى عند بتاع الريداتيرات مياه خضرا اللتر ب 10 ج والاربعه لتر على بعض ب 30 ج تقريبا

وبيقولى دول مركزين ولازم يتخفوا بميه ميتحطوش كلهم ؟

متابع للاهمية

بالنسبة للاكسيل اظن انها يتأخذ من 4 الى 5 لتر ( بس يا ريت تنتظر ملاك العربية لانى لا اعلم على وجة التحديد )
لما تنقص افضل انك تخلى معاك زجاجة مياة من نفس النوع الى انت هاتحطة تزود بيها
الى موجود فى السوق فى الغالب بيكون مضروب فانصح حضرتك كما نصحتك فى المشاركة السابقة ارشح لحضرتك موبيل (موجودة فى اي بنزينة موبيل )
بالتوفيق فى القرار السليم

**aymanmaly** · 13-05-2011 10:13 AM

المشاركة الأصلية كتبت بواسطة kashtoot

الله ينور عليك

ربنا يبارك فيك

**dr.hazem** · 13-05-2011 10:45 AM

هو بس عايز اقول حاجه بخصوص نوع الميه الخضرا

انا كنت بستخدم نوع اسباني وكان ممتاز جدا

نزلت كارفور ولقيت نوع مصري (نوعين لنفس الشركه)
شركة اتكو للصناعات
الشركه دي بتعمل منتجات كتير جدا للعربيات
الجركن بتاعهم تركيز الماده الفعاله فيه 40%
تمن ال 5 لتر 19 جنيه
انا جربتهم بعد ما نصحني بشمهندس سبعاوي
النتيجه غير عاديه

بجد يا جماعه الميه دي نضيفه جدا
انا قلت هيا على قد تمنها ولو معجبنيش اداءها هفضيها تاني وارجع للنوع الاسباني

واستنتجت حاجه
ان صناعاتنا الوطنيه في بعض الحاجات مينفعش نقلل من قدرها
والميه الخضرا دي مش سر
دي ميه مقطره مضاف ليها مادة الايثلين جلايكول بتراكيزو مختلفه وعليها لون...
وبرضو جربتلهم الرابيدو فلاش اللي بينظف الريديتر وكان ممتاز جدا
من منتجات الشركه كمان ماده بتحطها عالتفويله بتنظف الكربيراتير وخراطيم البنزين
مية مساحات
حاجات كتير واسعارها مميزه
مش هنخسر حاجه لو جربناها...

تحياتي