خلاصة الصوت معايا

**ahms10** · 24-06-2010 04:19 PM

السلام عليكم

انا معايا عربية لانسر 2006 حبيت بس انقل تجربتى عشان الناس تستفيد بيها لانى دايما بشوف خلاف فى نقاط كثيرة وعايز احاول على قد ما اقدر احسم الموضوع دا

اولا :الكاسيت بايونير 6050up جرافيك
ثانيا :السماعات الخلفية jbl امريكى اصلى متقفلة فى الصين لا تقارن باى سماعة فى السوق هيا 350 وات لاكن 100rms اجدع سماعة فيكى يا بلد 80 rms الى هيا الدبل بيز

كنت عملت موضوع قبل كدة لما جبت السماعت دى من دبى واتكلمت فى كل حاجة عنها وطبعا صوتها ممتاز بس نتيجة لكدة ظهرت عندى مشكلة مبقاش فية صوت ادام خصوصا انى ادام سماعات العربية الاصلية والخلفية الjbl مركبلهم جى ام كينود 350 وعاملة على النص بالظبط ولا اخلى الفيدر كلة ادام يضعف الوصت جامد ورا واحس انى الصوت بدا يبقة مش حلو وصوت البيز فى السماعت الى ادام غبى قلت حرام انا دفعت كل دا مجتش على القليل الى فاضل وراحت جبت سماعات ادام للبيبان وكان الاخيار هوا sony componant speakers 260w 60rms وهيا اعلى من الجى بى ال الكمبيوننت والكينود والالبين بس اكيد اقل فى الجودة واقدر اقول انها فعلا سماعت قذرة ومش محترمة بس دا جة فى صالحى جدا جدا جدا يعنى لو انت معتمد عليها لوحدها هترميها تانى يوم لانها ضعيفة جدا ولاكن دا جة مصلحة لانها معاها تويترات منفصلة بتدى صوت حلو وعالى وفى نفس الوقت مش مبالغ فى سكسكة تكاسى لا صوت نقى وحلو والبيز ضعيف جدا جدا بس مش مخروخش ودى الميزة قمت حليت الموضوع دا ازاى رحت عامل فيدر فى الكاسيت 7 قدام وخليت الجى ام 1.00 واحد وسنة صغيرة كدة الوصت بقة جامد جدا ومتوزع حلو اوى بقيت تسمع صوت بيز جامد جدا من ورا وصوت نقى نضيف جاى من حواليك كانك عندك صب ويمكن احسن كمان
دى خلاصة راى فى سونى بردوا الى اختلف عليها ناس كتير اوى فى المندتى وكلة قال سماعات زفت الوصت بالزات مش كل حاجة قوية تبقة حلوة لازم نظام متوازن وانا كان جة معايا صدفة بس لازم اى حد يخلى بالوا من الموضوع دا

**ahmed322** · 25-06-2010 04:18 AM

gooooooooooooooooooooooooood

**meetooz** · 25-06-2010 04:20 AM

انت جبت sony componant من مصر ؟ فين و بكام ؟؟
السماعات دى مش احسن لها gm 450 لقيت منها هنا و بفكر فيها مع componant و مش عارف ايه احسن gm ؟

**KoDaK_Gti** · 25-06-2010 10:36 AM

على فكرة الكومبوننت لازم تتوصل على امب علشان تتكيف منها كويس وليها تقفيلة معينة فى الباب
احنا بنركب بمسمارين وخلاص وده مش صح

YouTube - Sony Xplod 6.5" Component Door Speakers

**loshabih** · 25-06-2010 03:03 PM

المشاركة الأصلية كتبت بواسطة kodak_gti

على فكرة الكومبوننت لازم تتوصل على امب علشان تتكيف منها كويس وليها تقفيلة معينة فى الباب
احنا بنركب بمسمارين وخلاص وده مش صح

youtube - sony xplod 6.5" component door speakers

فعلا الكمبوننت ليها طريقه معينه عشان تكيفك ولازملها امب فعلا طبعا زي ماستاذ حسام قال

**ahms10** · 26-06-2010 12:03 AM

السماعات انا جايبها من مصر عادى وكانت ب 400 جنية
الفكرة فى موضوع توصيلها بالجى ام انى الراجل وهوا بيركب قلى مفيش سماعة مدورة تستحمل تتركب على جى ام ولو وصلت على واطى ماشى بس اول ما تعلى هتخروش قلتلة طيب نجرب دخلنى فى موضوع ملوش نهاية انا دلوقتى مركب امب 350 كينود على السماعات الجى بى ال الى لازم تجيب امب تانى للسماعات التانية قولت لا فاكس مش عارف بقة فين الصح يا ريت يا استاذ حسام تقلى اعمل اة بس انا مش عايز ادفع 450 جنية تانى واجيب جى ام تانى هل ينفع اوصلها على نفس الجى ام الى عندى واة مدى صحة الكلام دا انى مفيش سماتعة مدورة تستحمل وازاى اعمل التجهيزةة دى للسماعة اصلى انا عندى فعلا مركب السماعة ب3 مسامير بس كمان مش اربعة زى الاصلية عشان اصغر شوية وفعلا بحس ساعات انها بتحك فى الباب عشان مش متسبتة كويس بس هل لو عملت تجهيزة كدة الباب هيركب اصلى الباب فى حز على قد السماعة يا ريت يا استاذ حسام تزبطنى فى الموضوع دا يبقة كتر الف خيرك
سلام عليكم

**KoDaK_Gti** · 26-06-2010 11:51 AM

بص علشان تظبط السماعة كويس لازم تركبلها امبلفاير وتركبلها علايات وهتلعب فى فرش الباب عند بتاع فايبر علشان يظبطهالك
ده لو السماعة مش راكبة مستريح عندك زى ما بتقول

**ahms10** · 26-06-2010 12:10 PM

تمام يا باشا انا مقتنع بكلامك تمام بس هل ممكن اوصل السماعات السونى الى عندى على نفس الامب الى عندى ال350 وانا موصل علية السماعات الى ورا الى هيا ال jbl 350w 100rms هل ينفع اوصلا السونى كمان مع الامب ولا اة دى اول حاجة تانيى حاجة اجيب العلايات دى منين وهيبقة او ظيطفتها لانى فعلا شوفت فيديوهات كتير على اليوتيوب كلة مركب العلايات اعتقد عشان متعملش وش وزن من الباب وكمان تضخم الصوت ولا اة فعلا السماعات الاصلية كان ليها وراها زى جيب للسماعة كدة الجديد طبعا ملوش وانا عايز اعمل حاجة صح فا يا ريت تقلى اعمل اة بالظبط انا وراك فى يا باشا فى كل الى تقول علية

**KoDaK_Gti** · 26-06-2010 01:52 PM

مينفعش توصل على نفس الامب
هتحتاج امب تانى

والعلايات بتركب علشان تمسك السماعة كويس لان السماعة دى المغناطيس الخلفى بتاعها كبير عن سماعات الفابريقة
فممكن تلاقيه زانق فى صاج الباب او لما تنزل الازاز للاخر بيزنق فى السماعة

علشان كدده بيركبو العلايات دى بحيث تطرد السماعة لبره الباب شوية وتمنع المشاكل دى وتبقة ماسكة كويس
ومش شرط تجيب امبلفاير زيرو شوف حاجة يوزد