الموضوع: Porsche Panamera vs Mercedes E63 AMG

هي خطوه كويسه جدا بالنسبه لبورش لانهم اول مره يطلعوا عربيه سيدان

المشاركة الأصلية كتبت بواسطة horas3000

حلو طالما انت متفق معايا انها بنفس سعر ال s يبقي الموضوع كده خلص
لان السعر من اهم العوامل في اختيار العربية و بكده ال cls تبقي بعيدة عن مرمي البانيميرا تماما

و يا زعيم انا مقلتش ان البانيميرا حلوه.
انا قلت انها في الواقع احلي من الصور و ده حقيقة اتفق عليها الجميع برضة
و لعلمك في بداية التصميم العربية كانت احلي من كده لكن لما رئيس الشركة ركب النموذج الاولي و لقي راسة خابطة في السقف و هو قاعد في الخلف لانه طويل قال للمصممين يتصرفوا و يعدلوا التصميم بحيث ان الكراسي الخلفية تسع لناس بالغين و ذو اطوال عالية و ده اللي حصل و طبعا كان ليه تاثير كبير علي الشكل العام زي ما هو باين و ده نقطه تحسب لهم من وجهة نظري.
و عندك الاستون مارتن رابيد تحفة فنيه لكن لما ركبت ورا ركبي رشقت في صدري و فقايا كان لامس السقف في وضعية غير مريحة علي الاطلاق و معنديش استعداد اجربها تاني ابدا و انا طولي 182 يعني مش فارع الطول يبقي ايه اللازمة ان الواحد يجيبها و يسيب ال db9 مثلا طالما الكراسي الخلفية تحصيل حاصل و لا اهو اسمك راكب سيدان و السلام
طبعا الكلام ده لا بنطبق علي البانيميرا ابدا بالعكس العربية مريحة فعلا و تتسع للي اطول مني كمان


شخصيا انا شايف ان البانيميرا شكلها مكعبر فعلا لكن معنديش اي مانع من اقتنائها و بفضلها عن باقي منافسينها خصوصا و ان الانتريون بتاعها هايل و معوض الشكل الخارجي و ده بالنسبة لي الاهم لاني اغلب وقتي بكون جوه العربية كمان الاداء هيعوضك عن كل ده
و حتي عربيتي لا تعتبر من اجمل السيارات و نفس الكلام اللي كان بيتقال علي البانيميرا اتقال علي الكايين لكن و بعدين العربية حققت رقم قياسي في المبيعات و انقذت الشركة من الافلاس و البانيميرا كذلك مبيعاتها في 2010 تخطت الكايين و ما زال الاقبال عليها مستمر. و انا لما بروح التوكيل و ادخل المعرض الاقبال كله علي الكايين و البانيميرا و يا عيني ال 911 و الكاريرا تلاقيهم فاضيين تماما و محدش واقف حواليهم

و علي فكرة برضة انا والدي معاه مرسيدس يعني انا مش متحيز ولا بحب البورش بزيادة انا بقول راي اللي انا مقتنع بيه بس مش كل المواضيع طبعا ;)

تمام يا باشا هى فعلا بتتقارن بالاس كسيدان كبيره فخمه , بس برده لا يمنع ان تصميمها وشخصيتها الرياضيه حطها غصب عنها فى منافسه مباشره مع ال cls

الباناميرا لا جدال فى وسط العربيات الكوبيه دى كلها الاكثر فخامه وراحه من ورا وده واضح جدا من ريفيوهات باقى العربيات فى نفس الفئه فعلا وحتى كمان جيناتها كبورشه واضحه قوى فى اداءها ومفيش حد اختبرها ومتكلمش على انها فى الاحساس زى اى بورشه ودى حاجه كبيره تتحسب للعربيه انما مش عارف بجد مش متقبل شكلها نهائى

الرابيد عربيه تتحط فى متحف انما من ايام ما كان اوتوكار جربها فى دبى وكان باين عليها قوى انها ضيقه جدا من ورا , ومتفق معاك ان ال db9 ك gt برقبتها

انا برده على فكره كنت مش حابب الكايين فى بدايه ايامها بس لفكره ان بورشه تعمل اوف رودر وتقبلتها لما عرفت اداءها يمكن مع الوقت اتقبل الباناميرا :) , ربنا يكرمك بيها قريب يا باشا