اطلاق الجين 2 موديل 2008 فى تايلاند

**Ghamrawy** · 18-02-2008 02:37 PM

تم اطلاق الموديل الجديد من الجين 2 بالمحرك الجديد بتكنولوجيا CPS و ده كان فى ديسمبر 2007 و اعتقد كده ان الموديل الجديد اللى حاينزل مصر حايكون CPS برضه ،اما موضوع تاخيره فى مصر و عدم الوضوح من جانب الوكيل عز العرب فامش عارف الواحد يفترض نظرية المؤامرة و يقول ان التاخير و التعتيم ده علشان تصريف موديلات 2007 و لا علشان اشاعة التخفيضات الجمركية المتوقعة ؟ على العموم اللينك ده فيه الخبر اللى قولت عليه
paultan.org/archives/2007/12/01/facelifted-proton-gen2-with-cps-launched-in-thailand/

**obec-car** · 18-02-2008 02:58 PM

لااظن ان الي نازلة عندنا cps لان الاستاذ حبيب مدير المبيعات قالي مفيش اي تغير و ال cps هتنزل على اخر السنة ( و الله اعلى و اعلم )

**fahd_628** · 18-02-2008 06:13 PM

ان شاء الله تنزل بال Cps

**Migo123** · 18-02-2008 06:30 PM

جامده قوي
نفسي فيها
بس خايف منها

**fahd_628** · 18-02-2008 07:10 PM

بس خايف منها

ممكن تقولنا حضرتك خايف من اية :) ؟

**meramor81** · 18-02-2008 10:06 PM

كنت عاوزة اعرف يافهد ايه هو الcps

**fahd_628** · 18-02-2008 11:55 PM

ال CPS هوة اختصار لكلمة Cam Profile Switching system و دية تكنولوجيا زى ال vtech لهوندا و بصراحة معنديش معلومة ازاى بتشتغل لو حد عندة معلومة زيادة ياريت يضيفها و هوة دة المحرك الجديد لبروتون و حيكون 127 حصان و عزم 150 و الكامبرو العادى منغير CPS 110 حصان و عزم 148 و على فكرة ال Torque curve اتحسن جامد جدا فى الCPS و بقى افضل بكتيير من الكامبرو العادى

**Ghamrawy** · 19-02-2008 01:12 PM

لو نزلوا الكامبرو العادى حاتبقى دى تالت سنة من غير اى تغيير و اظن ان المبيعات مش حاتبقى عالية اوى ل\لك اعتقد ان الموتور الجديد هو اللى حاينزل ان شاء الله طبعا

**Migo123** · 19-02-2008 01:14 PM

تقولنا حضرتك خايف من اية :)

بصراحه مواصفات وشكل العربيه جمعت كل ما احلم به في سياره

لكن خايف من الجودة .. بس كده

الموضوع اتناقش كتيير
ومش قاصد افتحه تاني

بس هو ده التعليق اللي جه في دماغي لما شفت الموضوع

**m_elkhishin** · 19-02-2008 02:06 PM

طريقة عمل ال cps ,v-tech or vvt هي كالآتي

توزيع الهورس باور و العزم على عدد اللفات بيتأثر بشكل أساسي بالكام بروفايل. يعني تلاقي مثلا عربيات بتاخد أعلى عزم عند لفات واطية فبالتالي تقدر تسوقها بسهولة داخل المدينة لكن لو جيت تتسارع بيها بشدة متساعداكش.. وعربيات تانية متعرفش تجري بيها غير لو قرصت عليها جامد ولو مشيت بالراحة متسحبش معاك

العربية الأولى بتعديل بسيط جدا تقدر تخليها زي التانية والعكس صحيح وده عن طريق انك تغير تقسيمة الكامة بما يطلق عليه تقديم الكامة أو تأخيرها
فلو مثلا بتاخد أعلىعزم عند 2500 ممكن لو قدمت الكام يبقى عند 3000 أو 3500 وبالتالي حيدي تسارع عالي وسرعة قصوى أعلى بس على حساب المشي على السرعات البطيقة لأنك لازم تحافظ على ان موتورك يبقى ماشي على لفات عالية

في ال CPS وخلافه اتغلبو على الجزئية دي بانهم خلو تقديم وتأخير الكامة يتم بشكل أوتوماتيكي وبالتالي لو ماشي على سرعات منخفضة الموتور حيظبط نفسه على كام بروفايل يديلك أقصى عزم عند لفات موتور منخفضة
ولو شديت جامد وحبيت تتسارع بسرعة حيظبط نفسه على كام بروفايل يديلك أعلى عزم عند لفات عالية و بالتالي تستفيد بكامل طاقة المحرك عند لفات موتور مختلفة
النظام ده عامل كدة زيvacum advance اللي كان بأخر كهربة العربية لما تكبس بنزين جامد في السيارات القديمة.. مع اختلاف الغرض و النظام طبعا

الموضوع: اطلاق الجين 2 موديل 2008 فى تايلاند

LinkBack

أدوات الموضوع

عرض

-

-

-

-

-

-

المواضيع المتشابهه

أستلمت الجين 2 2008

الجين 2 موديلات 2008 بها Ebd

استفسار بخصوص الجين 2 موديل 2008

مرسيــدس C200 موديل 2008 أم BMW 320 موديل 2008 ؟

تويوتا ياريس 2008 فى تايلاند

الكلمات الدلالية لهذا الموضوع

المفضلات

المفضلات

ضوابط المشاركة