لو مش معاك تمن عربيه جديده - يا ترى تشتري قسط ولا مستعمل؟؟!!

السلام عليكم جميعا

أكيد في ناس كتير في نفس حيرتي وأتمنى إن الموضوع ده يقلل من الحيرة دي بعض الشيء ونحاول نساعد بعض على اتخاذ القرار المناسب.

لو أنت إمكانياتك متسمحش انك تجيب عربيه زيرو - يعني المبلغ الي معاك لو حطيته في عربيه تحصلك أزمة اقتصادية وجايز متعرفش تسوق العربيه اصلا:36_1_31:

طيب يا ترى هتشتري عربيه مستعمله وتقعد تدور على حالات نادرة وبره وجوه وترفع العربيات وتكبس مواتير وتخش السوق؟

ولا تدفع مقدمه حلوه وتقسط الباقي؟

يا ريت كل حد يقولنا اسبابه واختياراته وايه افضل نظام بيفضله

وان شاء الله نستفيد من آراء بعض

والله الاختيار صعب.بس انا هقولك وجهة نظرى:

-لو العربية الزيرو عاجبانى اوى ومش هاقدر اتنازل عن الموديل ده.يبقى اجيبها قسط بس ادور على احسن بنك وهابعد عن السيتى بنك عشان غراماته عالية اوى وفوايده عالية كمان

-ممكن لو عندى فلوس فى بنك ومش عاوز افكها,يبقى اخد قرض بضمانها من البنك وبتبقى فايدته اقل بكتير

-طالما فكرت فى القسط يبقى ادور على عربية حنينة.يعنى قطع غيار-صيانة-اكسسورات.وميمنيش الناس راكبة ايه,اد ما يهمنى انا هاقدر على ايه.

لكن انا فى داخلى دايما فكرة بلاش القسط لانه جزء من مالى بيروح كل شهر وابقى شايل همه.

لو انت موظف ..ومرتبك ثابت ....ولو قلنا انك هاتقسط على سنتين مثلا ..لو انت ضامن انك تفضل فى الوظيفة لسنتين ( بدون مشاكل لا قدر الله ) يبقى هاتها تقسيط ..طبعا بعد ما تتتأكد ان باقى المرتب بعد خصم القسط هايكفيك

اما لو شغلك خاص او دخلك مش ثابت ...هات حاجة مستعملة او كسر زيو

انا افضل المستعمل....لان القسط حتي لو الظروف هتسمح الواحد بيحس انو بيتقلب...يعني كل مده يتاخد منك فلوس....انما المستعمل هدفع مره واحده و اخلص

مستعمل.... بس لازم يبقى خلقك واااااااااااااااااسع... و صبوووووووووووور....
و ممكن ربنا يكرمك بحاجة حلوة من أول مرة...
في رعاية الله...

على حسب المبلغ اللى معاك .... يعنى لو معاك فوق ال 50 الف يبقى تجيب زيرو حاجة صغيرة مش لازم عربية 7 متر ولو فى قسط يكون قليل جدا
لو اقل من 50000 يبقى مستعمل وتدور على حالة نضيفة قبل ما تدور على نوع العربية
..................................
بصراحة انا بكره حاجة اسمها تقسيط وبردو بكره حاجة اسمها مستعمل .... انا شايف ان اللى معاك هات بيه عربية زيرو حتى لو سوزوكى ماروتى احسن عندى من انى ادخل فى متاهات التقسيط او مشاكل المستعمل
واى عربية حتوصلك من النقطة أ للنقطة ب سواء بقى ماروتى او بى ام وربنا يوفق الجميع

شكرا جزيلا لوحوش الموقع على المشاركه الجميله دي والآراء الفعالة

اقتباس:

---

المشاركة الأصلية كتبت بواسطة mohamedhmk

شكرا جزيلا لوحوش الموقع على المشاركه الجميله دي والآراء الفعالة

---

ربنا يوفقك

يمكن يكون رأيى مختلف عن بقيه الاراء وده لعده اسباب
ان الزيرو زيرو مهما كانت العواقب على الاقل بيكون الاعطال اقل
ان استعمالك للشىء الجديد بيكون اكثر حفاظا عليه لانك حاسس انك تعبان فى تمنه وهتحافظ عليه
عكس المستعمل ماتعرفش استعمال غيرك عامل ازاى بجانب ان عندى اعتقاد ان محدش بيبيع عربيته الا ولازم يكون فيها عيب وان اللى بيبع للتجديد بدون اى مشاكل فى العربيه القديمه ده بيبقى قليل جداااااااا
لو انت قادر على القسط وعندك دخل ثابت يبقى الزيرو احسن ضمان ليك طالما انك هتبقى مالك امورك وهتختار العربيه اللى نفسك فيها
عكس المستعمل ممكن يكون المتوافر بس هو اللى الاختيار منه عكس الزيرو بيكون انت اللى حر فى اختياراتك
وفى الاخر ربنا يوفقك فى الحيره دى

اقتباس:

---

المشاركة الأصلية كتبت بواسطة ecko120

يمكن يكون رأيى مختلف عن بقيه الاراء وده لعده اسباب
ان الزيرو زيرو مهما كانت العواقب على الاقل بيكون الاعطال اقل
ان استعمالك للشىء الجديد بيكون اكثر حفاظا عليه لانك حاسس انك تعبان فى تمنه وهتحافظ عليه
عكس المستعمل ماتعرفش استعمال غيرك عامل ازاى بجانب ان عندى اعتقاد ان محدش بيبيع عربيته الا ولازم يكون فيها عيب وان اللى بيبع للتجديد بدون اى مشاكل فى العربيه القديمه ده بيبقى قليل جداااااااا
لو انت قادر على القسط وعندك دخل ثابت يبقى الزيرو احسن ضمان ليك طالما انك هتبقى مالك امورك وهتختار العربيه اللى نفسك فيها
عكس المستعمل ممكن يكون المتوافر بس هو اللى الاختيار منه عكس الزيرو بيكون انت اللى حر فى اختياراتك
وفى الاخر ربنا يوفقك فى الحيره دى

---

شكرا جزيلا على النصيحه الجميله دي
ربنا يكرمك ويوفقك

تحياتي ليك

على قد المبلغ اللي معي هجيب مستعمل ولو كان 128 - 127 . القسط بيقطم الظهر ويعول الهم

فعلا زي ما الزميل قال لو معاك فوق 50 الف هات زيرو وقسط الباقي لو اقل من 50 هات مستعمل, وده لأن الفايدة مش هتبقى كبيرة قوي عليك, وهتستفيد من الزيرو وتشتري داغك من التصليح بصراحة وان العربية تطلع زي البطيخة لو جبت مستعمل

اقتباس:

---

المشاركة الأصلية كتبت بواسطة د.محمود صلاح

على قد المبلغ اللي معي هجيب مستعمل ولو كان 128 - 127 . القسط بيقطم الظهر ويعول الهم

---

شكرا يا دكتور على النصيحه
تحياتي

من رايىء المتواضع طبعا سيارة مستعمله لان الزيرو و كمان قسط خسارة كبيرة جدا لان عربيتك مش بتجبلك فلوس بالعكس بتصرف عليها فلوس و فى الاخر خسران خسران يبق ابقى خسران بفلوسى احسن من سيارة قسط و فوايد و قرف و اوراق .
هات كسر زيرو يغنيك بردو عن الزيرو القسط
انا كنت محتار زيك كده بس ربنا وفقنى بعد ما بعت عربيتى الزيرو الكاش بعد الخسارة الكبيرة فى عربية الحمد لله كويسه جدا و حالتها كمان كويسه جدا

المستعمل يبقى احسن

لان التقسيط بيحسسك انك مخنوق و مقيد و غير كده ثمن العربية بالفوايد بيكون عالى و لما تحب تبيع بتخسر خسارة الزيرو و الفوايد الى دفعتها

اقتباس:

---

المشاركة الأصلية كتبت بواسطة golf2010

فعلا زي ما الزميل قال لو معاك فوق 50 الف هات زيرو وقسط الباقي لو اقل من 50 هات مستعمل, وده لأن الفايدة مش هتبقى كبيرة قوي عليك, وهتستفيد من الزيرو وتشتري داغك من التصليح بصراحة وان العربية تطلع زي البطيخة لو جبت مستعمل

---

شكرا جزيلا على المشاركه الجميله
تحياتي

اقتباس:

---

المشاركة الأصلية كتبت بواسطة ahmedsameir

من رايىء المتواضع طبعا سيارة مستعمله لان الزيرو و كمان قسط خسارة كبيرة جدا لان عربيتك مش بتجبلك فلوس بالعكس بتصرف عليها فلوس و فى الاخر خسران خسران يبق ابقى خسران بفلوسى احسن من سيارة قسط و فوايد و قرف و اوراق .
هات كسر زيرو يغنيك بردو عن الزيرو القسط
انا كنت محتار زيك كده بس ربنا وفقنى بعد ما بعت عربيتى الزيرو الكاش بعد الخسارة الكبيرة فى عربية الحمد لله كويسه جدا و حالتها كمان كويسه جدا

---

ألف شكر على المشاركه ورأيك واقعي وانا مقتنع بيه
تحياتي

اقتباس:

---

المشاركة الأصلية كتبت بواسطة eng.m mahran

المستعمل يبقى احسن

لان التقسيط بيحسسك انك مخنوق و مقيد و غير كده ثمن العربية بالفوايد بيكون عالى و لما تحب تبيع بتخسر خسارة الزيرو و الفوايد الى دفعتها

---

شكرا جزيلا يا بشمهندس على الرأي السديد ده
ومنور التوبيك
تحياتي

أنا اشتريت عربيتي بالقسط من خمس سنين، و أقدر أقول لك إن لحد ما دفعت أخر قسط ما كنتش واخد راحتي ولا حاسس إن العربية بتاعتي .. دايماً كان في قلق من حاجة تحصل و ما أعرفش أكمل القسط .. دا غير طبعاً إن لو لا قدر الله حصل أي حاجة للعربية إنت بتكون مزنوق في فلوس التصليح مع القسط .. أنا حالياً بأدور على كسر زيرو، و ربنا يوفق.

اقتباس:

---

المشاركة الأصلية كتبت بواسطة azakareya

أنا اشتريت عربيتي بالقسط من خمس سنين، و أقدر أقول لك إن لحد ما دفعت أخر قسط ما كنتش واخد راحتي ولا حاسس إن العربية بتاعتي .. دايماً كان في قلق من حاجة تحصل و ما أعرفش أكمل القسط .. دا غير طبعاً إن لو لا قدر الله حصل أي حاجة للعربية إنت بتكون مزنوق في فلوس التصليح مع القسط .. أنا حالياً بأدور على كسر زيرو، و ربنا يوفق.

---

شكرا جزيلا على نقل التجربه والمشاركة الفعاله

تحياتي

والله أنا كنت في نفس حيرتك ده لحد ما صلّيت استخارة وتوكلت على الله وجبت عربية بالقسط على 4 سنين, بس إن شاء الله ناوي اخلص فلوسها قبل ال 4 سنين إن شاء الله.

وطبعا تفرق إنت متجوز ولا لأ, وعندك اولويات تانية ولا لأ برده.

تحياتي.

اﻻجانب بيقولوا لو انت غنى اشتري سياره مستعمله ولو مش غنى اشترى زيرو لكن نصيحه مني لو قدامك سياره مستعمله من حد معرفه وثقه توكل على الله غير كده يبقى زيرو

اقتباس:

---

المشاركة الأصلية كتبت بواسطة amr.elsayed

..................................
بصراحة انا بكره حاجة اسمها تقسيط وبردو بكره حاجة اسمها مستعمل .... انا شايف ان اللى معاك هات بيه عربية زيرو حتى لو سوزوكى ماروتى احسن عندى من انى ادخل فى متاهات التقسيط او مشاكل المستعمل
واى عربية حتوصلك من النقطة أ للنقطة ب سواء بقى ماروتى او بى ام وربنا يوفق الجميع

---

هذا هو مختصر رأيي أنا أيضا .. فماروتي زيرو عندي أحسن من أي مستعمل .. والله أعلم.

بالنسبة ليا انا مابحبش الاقساط بتكون متعبة ومرهقة ولازم حسابها كل شهر..يبقي المستعمل افضل فلوسك معاك في اي وقت حبيت فلوسك ترجعلك هتبيع ومش هتخسر كتير عكس الزيرو التقسيط تقييدات كتير من البنوك..الزيرو قطعا افضل كعربية لسه جديدة لكن في رأي انها مثالية لما تكون فلوسها كلها معايا كاش مش قسط..وبالتوفيق ان شاء الله

انا عندى مبدأ ( الواحد لازم ينزه نفسه ) علشان ( الانسان يعيش مرة واحدة ) ببساطة الزيرو لا يعلى عليه وخصوصا لو عربية فخمة ...

اقتباس:

---

المشاركة الأصلية كتبت بواسطة ادهم صبرى 2014

انا عندى مبدأ ( الواحد لازم ينزه نفسه ) علشان ( الانسان يعيش مرة واحدة ) ببساطة الزيرو لا يعلى عليه وخصوصا لو عربية فخمة ...

---

كلام جميل جدا بس لو .. كاش .. والله أعلم.

هات على قد فلوسك سواء زيرو او مستعمل ... اوعى تفكر في القسط .. ده بيجيب الفكر والفقر ..

مشكله المستعمل هناك قاعدة كل ما تكون السيارة غاليه تكون مخاطرها اكبر . مثال يقول ميجان مستعمل ولا اسكودا ولا فيرنا زيرو ودة حصلت مع صديق . اول وهله الميجان حلو . اشترى الميجان ولبس احلى خاذوق فى اصلاحها والكل قاله روح الوكاله . والوكاله تقولك القطعه طلبت ولما تيجى نتصل عليك تيجى تركبها وعطله ومصاريف . فى حين لو اشترى فيرنا زيرو على الاقل خمس سنين ما يروح ورش وكله شغال وريحه العربيه نظيفه . من الاخر الزيرو زيرو يا اخونا وبعدين فى مصر ساعات البيع بسبب مشاكل فى السيارة وصاحبها عايز يخلص منها تلبسها انت

الواحد شاف ناس فى الفلوكس غير الفتيس فى التوكيل وبرضه يقولك باع العربيه بعدها والبس ياباشا