الموضوع: لو معايا 50 الى 55 الف اجيب كورولا الملكة ولاعيون

انا معايه مكله بصراحه عربيه رهيبه بسم الله مشاء الله ممتازه انا بتعتى جميع الكماليات يابانى اير باج وابي اس

فعلا العربيه تستحق كل قرش ومفهاش اعطال ومبتروحش لميكانيكى ثبات عااااااااااالى والعربيه فعلا بتعدى السعر ده كمان لو نضيفه اوى وخلى بالك محدش بيفرط فى العربيه ديه بسهوله والكل الى معاه العربيه مبيبعهاش الا لو فيها عيب او هلكها خالص بس عربيه تستحمل كل الى بيتعمل فيها عفشه كويسه تكييف ممتاز كل الى تتمانه واكتر و قطع غيارها متوفره وسعرها معقول و معمره

الملكة ممتازة .. بس للأسف محدش بيسيبها إلا لو فيها مشكلة

أنا واحد صاحبي بيدور على واحدة لو حد قدامه

المشاركة الأصلية كتبت بواسطة seadaelbeda

يعنى العيون فيها مشاكل ولا ايه؟؟؟؟؟؟؟؟؟؟

لا مفيش حاجه تيوتا عملتها وحشه بس العربيه شكلها مش حلو خالص ومش عاطفى ناس كانت بتقول انها مش ثابته بس بصراحه انا مجربتهاش بس المكله افضل منها فى كل حاجه فى الشكل والصالون وكل حاجه

وعلى فكره تقريبا نفس الا ساسيات بس قطع غيار الملكه اكتر وبياعه وسوقها حلو والله العربيه ديه شوفتت واحده ب 60 الف فى السوق والله العربيه كان متلم عليها 7 وكانوا بيفصلوا مع الراجل وكانوا هيضربوا بعض عليها والموديل ده احسن موديل كورولا نزل لاغيت دلوقتى

وتانى مره بقول محدش بيبعها حالتها حلوه الا نادر جدا فخلى بالك قبل ما تجيب عربيه اكشف عليها من الاسلاك لاغيت الماتور وجربها

وميغركش لو لاقيت عربيه ب 45 الف ولا حاجه هتلاقيها فيها مشاكل كتير

الملكة الملكة الملكة
بس تكون موديل من 95 ل 97 و حاول تجيبها بازاز كهربا و كماليات على قد ما تقدر و باذن الله مش هاتندم و ما فيش فرق بينها و بين العيون بس دايما الملكة بتكسب العيون و زى كل الاخوة ما قالوا خلى بالك و انت بتشترى العربية ممتازة تكييف و ثبات و تحميل و اقتصاد و كل اللى نفسك فيه و ربنا يوفقك فى وحدة حلوة

انا عربيتى كل الكماليات اير باج وايبى اس