الموضوع: افضل زيت لجيجى ارجو المشاركة من الكل

المشاركة الأصلية كتبت بواسطة mido_soliman

بص يا حودة انا كان نفسى اجيبة بس لما فتحت الكتالوج وبصيت على الرسمة فى صفحة 128 نقريبا لقيت ان ال 5000 معمول للبلاد اللى درجة حرارتها قليلة جدا او الناس اللى مبتسخنش العربية من اساسة الصبح ولو حتى دقيقة فقلقت انة ميكونش يستحمل درجات الحرارة العالية لان الرسمة بتقول انة متوافق من -30 الى 20 درجة مؤية والتاني اللى رقم لزوجتة 20-50 اللى هوة الفيسكو 3000 واخرى درجة حرارتة من -10 الى 50 درجة مئوية فبصراحة احترت وملقتش اجابة وافية من حد علشان كدة قررت انى اجيب ال 3000 واغيرة ان شاء الله فى صيانة ال 5000 لو لقيت تاكيد من حد متخصص على ان زيت ال 5000 هوة الانسب لى
ادى الحكاية وياريت تبص بردة فى الكتالوج يمكن تفهمنى حاجة انا مفهمتهاش
تحياتى

تمام يا معلم بس من اللى أنا قريته عال 5000 إنه 5w-40w وده لو بصيت فالكتالوج هتلاقي ال 20w-40w بيتحمل نفس درجة الحرارة تقريبا ويمكن كمان مناسب لدرجة الحرارة القليلة.

وأفضل برده تسأل في الموضوع ده.

http://www.nilemotors.net/Nile/124594-a.html

تحياتي.

هو حضرتك في موضوع مهندس/محمد التازي قال ان الأنسب هو ال 5000 متهيألي هو قال كده على اساس انها عربية جديدة ويفضلها الزيت التخليقي اللي هو 5000
بس اللي مكتوب في الكتالوج بتاع العربية ان الزيت المناسب درجة لزوجته المفروض 20w-50
وعلبة ال 3000 مكتوب عليها 15w-50 يعني متهيألي يبقى مناسب جدا برضه ، وال 5000 مواصفاته أعلى من ال 3000
فممكن لو حضرتك مشيك كتير وبتغير كتير يبقى ممكن تستخدم ال 5000 اللي بيقعد 25000 كم على حسب كلام مهندس/محمد التازي
لو حضرتك مشيك مش كتير ممكن تستخدم ال 3000 واللي على حسب كلامه بيقعد 15000 كم
لأن على حسب كلام الباشمهندس برضه ان الزيت ممكن يقعد لحد سنتين طالما ماعداش عدد الكيلومترات بتاعته
ده اللي انا فهمته في الموضوع وأكيد الخبراء يفيدوك أحسن مني

تمام الكلام دة وانا فعلا قريتة اللي خلاني اجيب ال ٣٠٠٠ هوة ان الاراء في كذا توبيك اختلفت وفي برضة ناس قالوا ان يفضل للعربية الجديدة بعد اول الف تجيب زيت معدني لحد ال ٥٠٠٠ ولذلك انا استقريت علي ال ٣٠٠٠ لحد صيانة ال ٥٠٠٠ باذن الله وحنزلة واغيرة ب ٥٠٠٠ علي طول ان شاء الرحمن اذا لم يجد جديد للزيوت
تحياتي