الموضوع: لانسر مكوا 2001

عزيزي
انا معايا مكواة اوتوماتيك بس 2003 واياك ثم اياك بالعبث مع الفتيس ( سعر الاستيراد 4000 جنية ) بص يا سيدي تنظيف الكربراتير مكنش ضروري كان ممكن تجيب فول سيستيم كلينر وتحطه مع البنزين في التنك والعربية فيها ربعها وتسيبها لحد ما اللمبة تنور وكان حينضفلك المواسير والكربراتير كمان وبتكلفة قليله لان تمن العلبة 25 جنية فقط ولان اللعب في الكربراتير ده بالذات بيؤدي الي بلاوي أأقل حاجة اللي حضرتك بتشتكي منها الان
نيجي بقي لموضوع الفتيس طبعا لا يعلي علي موبيل وان حتجيب 4 عبوات صغيرة وتنزل الزيت وهو سخن يعني بعد مشوار لك مثلا وفي العادة زيت الفتيس بيتغير كل 40 الف كيلو بس مشكلة السحب بتاعتك دي كانت تتحل بازازة فولسيستيم كلينر زي ما قلتلك انا بستخدمها وزي الفل معايا والله
جرب كدا واحنا في انتظار النتيجة

حلو اوي موضوع تنظيف الموتور بالفول سيستيم كلينر ده فكرة حلوة وهعملها ان شاء الله. كنت عايز اسال الشباب اللي معاهم مكوة بالمناسبة يعني( بعد اذن صاحب الموضوع طبعا ) ايه الاضرار اللي ممكن تحصل لو حطيت بنزين 80 لان في ناس صحابي معاهم مكوة وكرستالة وبيحطو 80 وبيقولو ماشية زي الفل.