اولا اشكر ربنا على النعمة اللى انا فيها الحمد لله
ثانيا اشكر كل الاعضاء اللى ساعدونى بالمعلومات ومبخلوش عليا
نبتدى ......
هو فى كدة فى الدنيا يا جماعة كل اللى بيشكر فى العربية ديه ظلمها ..... لأن العربية تستاهل اكتر بكتير
العربية ابهرتنى برغم انى لسة بلين معدتش ار بى ام 2 ورغم كدة سحب وقوة ملهاش مثيل وكل دة مع التكييف


انا عربيتى m11 كحلى اشترتها من ابو الفتوح المعادى
والحمد لله وربنا يسترها مفيش اى عيوب اطلاقاً
العربيه اوبشنز رهيب ايه ده
حاجات بتشتغل اوتو
سوند سيستم جميل
وحدة كمبيوتر
ده غير الفرامل
والماتور العفى جدا جدا
العزل فوق الممتاز
الشنطه و الكبوت (تقال جدا جدا)
التكييف التلاجة ووحدة التسقيع فى التابلوه
كل ده وطبعا التصميم الايطالى الرهيب ده انا اخدتلى ميت عين من كتر بص الناس ربنا يسترها
العفشة تقييمها جيد يعنى نشفة شوية بس انا شايف ان بعد التليين هتبقى جيد جدا (بس مش هتوصل للممتاز)
اما بقى عزم الماتور شديد جدا لدرجة انى مشغل التكييف فى الجو الحر ده وبنقل على rpb 2 وبوصل لسرعة 85 على الرابع


معلش الصور بأذن الله بعد رحلة مطروح الاسبوع اللى جاى
العربية عاملة 100 كيلو بس وربنا يسترها معانا
ده رئيى الشخصى فى العربية ارجو اللا يتعارض مع حد
الاختلاف فى الرأى لا يفسد للود قضية
أخيرا وليس آخراً العربية دى افضل من كل العربيات اللى فى فئتها واكتر
ولولا اختلاف الاذواق لبارت السلع