الموضوع: تكنولوجيا المحول الحفاز في بروتون

كالعاده بنتعرف مع بعض علي بعض من التكنولوجيا المستخدمه في عربياتنا البروتون
وهي المحول الحفاز
وزي ما احنا عارفين ان بروتون بتستخدم اعلي التقنيات في عربياتها وده لتقليل نسبه العوادم الضاره وتقليل الانبعاثات الضاره الناتجه عن احتراق البنزين
المحول الحفاز
مكانه في الموتور اول مانفتح الكبوت هنلاقيه في اول الموتور علي طول ودي صورته من فوق وعلي فكره هوا بيكون راكب مباشره علي اوط مخرج مجمع الشكمان بعد وش السلندر مباشره



هوا مش باين هنا عشان الكفر الي علي الفرن
طيب تعالوا نشوف صورته من تحت كده




كده اكيد عرفناه
شكله عادي جدا زي اي علبه شكمان عاديه لاكن شغله والي جواه مختلف تماما
ولو باظ بياثر علي العربيه تاثير سلبي
تعالوا نتعرف عليه من جوه
الاول خلونا نشوف شكله من جوه عشان يبقي سهل الفهم





بس خلوا بالكم ده بايظ مش سليم
السليم مش بيكون فيه الشروخات دي

كده احنا شفنا اي الي جواه طيب تعالوا بقي نتكلم شويه عن تركيبه وطريقه شغله
المحول الحفاز من اسمه نقدر نعرف وظيفته هوا محول يعني بيحول من والي
وتحفيزي يعني فيه حاجه او ماده تحفيزيه لاكمال عمليه التحويل (مش هيتحول زي اللمبي )
المحول الحفاز بيتكون من الداخل من خلليا سداسيه الشكل ضبقه العيون والفتحات وده عشان التاكد من اتمام عمليه التحول لاكبر كميه من غازات العادم
الخلايا دي مطليه بطبقه من معدن او ماده تحفيزيه عشان كده اسمه المحول الحفاز
والماده دي غاليه جداااااااااا وغالبا ما بتكون اما البلاتين طبعا مش بتاع الاسنن
او الروديوم او البلاديوم واقل سعر عرفه للمحول الحفاز 4500 جنيه عشان المواد الي جواه غاليه
طيب طريقه التحويل ازاي
طبعا البنزين كميائيا معروف بي c6h6 يعني 6 زرات كربون و6 زرات هيدروجين
طيب لما البنزين بيتحرق جوه غرفه الحريق بينتج عنه ايه
طبعا احنا نعرف ان اي ماده لما بتتحرق بينتج عن الاحتراق في وجود الاكسجين اول وثاني اكسيد الكربون مصاحب له اكاسيد الماده
والي بينتج من احتراق البنزين
الهيدروجين وعند خروجه من الشكمان بي النسبه المظبوطه وبيتحد مع الاكسجين الي في الجو بينتج عنه بخار ماء طبعا ده ممكن نشوفه اول ماندور العربيه نلاقي العربيه بتنقط مياه من الشكمان لان وفي السوق او بي البلدي كده لما حد بيشوف عربيه بتجيب نقط ماء من الشكمان بيعرف ان الموتور مظبوط
نرجع تاني لنواتج احتراق البنزين
ثاني اكسيد الكربون وده مافهوش مشكله لانه موجود طبيعي في الهواء
اول اكسيد الكربون وده المشكله الكبيره لانه غاز سااااااااااااام
واكسيد المازوت وثاني اكسيد المازوت
هنا يجي دور المحول الحفاز
لان عند خروج غازات العادم من الموتور بقوه اندفاع وحراره عاليه هتلاقي معدن البلاتين او اي من المواد المستخدمه والمواد دي زي ما اتفقنا مواد تحفيزيه فبتقوم المواد دي عند درجه حراره معينه وبكرر درجه حراره معينه بي التفاعل مع الغازات السامه وتحفيزها كميائيا لتتحول الي بخار ماء و ثاني اكسيد الكربون و النتروجين
كده انتهي شعل المعلم
طيب ليه اكدت علي درجه حراره عاليه
لان لازم عمليه التفاعل تتم في درجه حراره عاليه جدا عشان كده تم تركيب المحول الحفاز في بدايه طريق خروج غازات العادم يعني مكانه معرض للتلف اثناء الحوادث لاقدر الله لاكن مش كل يوم الواحد هيدخل في شجره او عربيه قدامه لاكن لازم يركب قريب جدا لاول خروج غازات العادم
وكمان الثرموستات ايوه الثرموستات الي ناس بتشيله من العربيه ده بيخفض درجه حراره التشغيل والي بدورها بتقلل درجه حراره العادم وبكده بتاثر سلبيا عاي المحول الحفاز وبتؤدي الي تلفه علي المدي البعيد
ومن اعراض تلف المحول
زيااااااااده استهلاك البنزين ونخفاض العزم
تعالوا بسرعه نبص علي باقي اجزاء الشكمان من تحت العربيه وفعلا بروتون مش سايبه حاجه للصدفه



زي ماشيفين في الصوره فس سوسته ودي عشان امتصاص الاهتزازات واعطاء مرونه لواسير الشكمان علي فكره البتاعه دي غاليه لاكن مش بتبوظ بسهوله لانها من مواد مقاوه للصدا والتاكل
وبعد السوسته في علبه الشكمان الاولي ودي فلتر مش علبه بمعني الكلمه وفي ناس بتشيلها عشان زياده الصوت وتركيب ديفيل

الصوره الاخيره



الصوره دي من تحت الموتور وبتبين السوسته مع علبه الشكمان الاولي والحمايه الحراريه الي فوق الماسوره عشان الحراره بتاعه الشكمان ماتوصلش لمقصوره الركاب زي ما بيحصل في عربيات تاني
وبعد كده باقي الشكمان من عند الدوران الي شايفينه في حمايه حراريه مضاعفه و في الاخر علبه الشكمان الاخيره ودي علبه بمعني الكلمه علبه تستحق الاحترااااااااام وخلوا بالكوا ياجماعه من المعروف عالميا ان نهايه الشكمان من اخر العربيه بيكون عكس وجود فتحه تنك البنزين تماما
انا خلصت
معلش طولت عليكم شويه

أنا حاسس اني بقيت أحب علي نفسي من كتر ماأنتوا حببتوني في العربية دي
بجد تسلم يارامي أنا بقالي شهر بستفيد منك انت ومحمد عبد العال وبقيت الناس المحترمة دي..وعلي فكرة بقيت اقسام السيارات مافيش تعاون واستفادة كدة..شكرا بجد