بعد تغير البطارية للانسر 1300a السيارة عند الوقوف بها فى الاشارة تبطل

**alispc** · 26-06-2010 01:16 AM

الاخوة الاعزاء والمهندس طارق برجاء المساعدة فى هذا الموضوع بعد تغير البطارية للانسر 1300a 2007السيارة عند الوقوف بها فى الاشارة على الوضع d تبطل يوجد فى الكتيب الخاص بها انه عند تغير البطارية يتم اتباع خطوات معينة تم عمل هذة الخطوات بس حاسس ان الامبير الخاص بالسيارة فى حالة ان السيارة واقفة كان فى الاول رابع شرطة اما الان ممكن ينزل الى ثانى او ثالث شرطة ويرجع يعلى مرة تانى والف شكر

**alispc** · 26-06-2010 01:57 AM

لا يوجد اى تعليق

**mr_vampire** · 26-06-2010 02:02 AM

متهيالي المشكلة بسيطة ان شاء الله لو روحت لاي ميكانيكي يظبطلك الهواء بتاعة العربية بمعني انه يشد الاكسيراتير شوية عشان مترعش ومتبطلش فروح لميانيكي واساله وياريت تعرفنا بالنتيجة عشان الكل يستفيد

**alispc** · 26-06-2010 02:11 AM

شكرا على الرد ان شاء الله سوف اذهب الى مركز المامون فى الاسكندرية للسؤال عن هذة المشكلة
نوع البطارية ACdelco

**مصراوي جدا** · 26-06-2010 11:17 AM

اهلا يا استاذ علي
هو المفروض بعد تغيير البطارية انك بتدور العربية وتسيبها دايرة لوحدها لمدة ربع ساعة مبتعملش فيها اي حاجة وخلال الفترة دي الكمبيوتر بيعيد تظبيط كل العربية تاني

فاذا كنت عملت الموضوع ده ولسه مش مظبوطة يبقى الأفضل فعلا توديها للمأمون يكشفوا عليها اما اذا كنت معملتوش فاعتقد انه هيحل المشكلة
وبالتوفيق

**M.Nasr** · 26-06-2010 09:39 PM

انا غيرت البطارية من اسبوع جبت Ac Delco 70 Amper وقعدت اول يوم مش مظبوطة وبتبطل فى الوقوف ولما سبتها على N لمدة ربع ساعة اتظبطت ورجعت تانى كل شى طبيعى
بس السؤال هنا هل انا غلطت لما جبتها 70 امبير؟ لأن اللى كانت جاية بيها 55 هل ده بيأثر على الدينامو وكهربة العربية ؟

**mr_vampire** · 27-06-2010 03:10 AM

هو متهيالي كدة هي كتير علي الدينامو من ناحية ان رمي الدينامو او شحنه ممكن يبقي لحد 55 امبير بس فكدة هي 70 يبقي مش هتتشحن كويس وده اكيد هيقلل من عمرها الافتراضي فروح لكهربائي خليه يقيسلك رمي او شحن الدينامو كام واساله عن البطارية هي جافة ولا سائلة ؟؟؟؟؟؟؟؟؟ وسهرها كام لو سمحت عشان ناوي اجيب ان شاء الله

**M.Nasr** · 28-06-2010 12:00 AM

انا رحت لواحد بتاع بطاريات قالى الشحن كويس وسألته على موضوع ال 70 امبير قالى عادى اتركب كتير فى اللانسر
بس بردو لسه مش مطمن وبعدين هو الجهاز اللى معاه بيقيس الفولت مش بيقيس الامبير لازم عشان يقيس الامبير يكون موصله فى الدايرة على التوالى مش على التوازى

**mr_vampire** · 28-06-2010 02:48 AM

ماهو ده اللي بتكلم فيه خلي واحد كهربائي يقيسلك رمي الدينامو كام بالظبط عشان البطارية لسة جديدة. مقولتليش حضرتك جايبها بكام وهي جافة ولا سائلة ؟

-

الموضوع: بعد تغير البطارية للانسر 1300a السيارة عند الوقوف بها فى الاشارة تبطل

LinkBack

أدوات الموضوع

عرض

-

-

-

المواضيع المتشابهه

تغير البطارية القديمة بأخرى جديدة .

ايه الى بيتم بعد تغير البطارية فى الميجان 2 لضبط كود الكاسيت و زجا الابواب؟؟

البطارية الجافة وحرارة السيارة

بخصوص سقف السيارة المتحرك للانسر 1998

الكلمات الدلالية لهذا الموضوع

المفضلات

المفضلات

ضوابط المشاركة