فى رأيكم أيهما يتحمل المشقة : سيفيك أم فوكاس ؟

**veriano** · 18-02-2008 10:22 PM

محتاج للنصيحة
أنا متردد مع انى سأستلم السيفيك قريبا
هل السيفيك مناسبة لى أم الفورد الفوكاس (استيشن) ؟ لأن هذه السيارة سيارة للأسرة و العمل أيضا و عملى يعتمد على التحرك فى القاهرة كلها بما فيها من شوارع مملوءة بالمطبات و أحبانا تكون السيارة بها 4-5 أفراد و كما تعلمون الكل يشكو انخفاض مستوى السيفيك
مع العلم أن الفورد الاستيشن ألمانى المانى و ليست ألمانى أسبانى
برجاء النصيحة بسرعة
شكرا

**mohamed ibiza** · 19-02-2008 01:15 AM

سيفيك حلوة عربية كويسة جدا لكن من خلال تجربة مع الياباني اللي هي كورولا 91 قريبة جدا من سيفيك و ابيزا 94 الماني اسباني سيبك من الاسباني اللي فيها الالماني في الموتور و العفشة و الفتيس و الشاسية والدي هو اللي اشتراهم هو في رايه ان ابيزا تفوقت علي كورولا الالماني ملوش حل حمولة عن كورولا كتير و فوكاس اكيد عمرها الافتراضي اطول من سيفيك الالماني اطول عمر ممكن تحصل عليه لكل حتة في العربية ده رايي و عن تجربة

Ibiiiiiiiiiiiiiiiiiiiiiiiiiiiiiiiiiiiiiiiiiiiiizzz zzzzzzzzzzzzzzzzzzzzzzzzzzzzaaaaaaaaaaaaaaa For Ever

**fahd_628** · 19-02-2008 01:57 AM

السيفيك تحفة بس حتخلى بالك من المطبات و الفوكاس كمان تحفة انا بصراحة مش عارف اقولك انهى احسن علشان كل واحدة فيها ميزة و عيب يعنى الفوكاس متورها صغير شوية عليها و يعيب السيفيك الأرتفاع عن الأرض بس انت شوف انهى احسنلك و توكل على الله و لية متفكرش فى الميجان ال Estate زى الفوكاس ستيشن عربية تحححححححححححححفة بجد و عالية عن الأرض و فرنساوى فرنساوى بس الشكل حيتغير على 2009 او 2010 انا لو مكانك حجيب الميجان ستيشن

**HNaga** · 19-02-2008 01:37 PM

الفورد المانى المانى؟؟؟؟

**وائل عطية** · 19-02-2008 01:42 PM

والله وبدون تحيز مع إني بحب السيفيك جداً ..بس الفوكاس تكسب ..عربية هايلة فعلاً
دا ترشيحي بناءً على تجربة ليست بالطويلة مع الفوكاس
ولكن يبقى أن تختار وفقاً لاحتياجاتك وما ترتاح نفسياً إليه

**Hassan Khalil** · 20-02-2008 11:37 AM

مش حافتي في الفوكاس ..
بس كان ليا تجارب قديمة مع الاسكورت .. هي اقل في الاداء شوية من معظم الياباني ..لكن في مسألة التحمل ... اعتقد انها تتفوق علي كل السيارات اليابانية ..
الاختيار راجع ليك في الاخر ..و لكن ضع في اعتبارك انتشار السيارة و قطع الغيار و الصيانة و التوكيل .
و بالتوفيق

**ahmedateya** · 20-02-2008 11:41 AM

التحمل موضوع نسبي يعني لو بتتكلم على عفشة و اساسيات يبقى الفوكاس و لو بتتكلم عن مواتير و فتيس و كهربا و كل ماهو تحت الكبوت يبقى اكيد الهوندا

**CosmicOne** · 21-02-2008 09:12 AM

i think Civic will last longer than Focus
just check something like JD power & you will see the first places in reliabilty always for japanesse cars like Toyota & honda.

**m7md_hany2** · 21-02-2008 10:04 PM

المشاركة الأصلية كتبت بواسطة ahmedateya

التحمل موضوع نسبي يعني لو بتتكلم على عفشة و اساسيات يبقى الفوكاس و لو بتتكلم عن مواتير و فتيس و كهربا و كل ماهو تحت الكبوت يبقى اكيد الهوندا

تمام الكلام ده مع أني بعشق السيفيك جدا و من أكتر العربيات اللي بحب أسوقها بس أعتقد أن الفوكاس هتكون أريحلك في موضوع التحميل و المطبات ..... غير أن في حاجة فعلا مزعجة في السيفك و هي : أن الأكصدام لو طالع مطب عالي شوية هيحك .... لو بتنضفها من تحت في بنزينة ... بتحك و هيا طالعة و نازلة عن تجربة بس عامة هي ممتازة و قوية بسم الله ما شاء الله

**Hassanelrafe** · 11-05-2008 10:25 PM

انا وجهه نظري زي فهد
ميجان ستيشن تكسب بجد و عن تجربه سنوات مع رينو
قطع غيارها في نفس مستوي الهوندا سيفيك و ارخص و كمان توكيل محترم فعلا

روح جرب العربيه و اتفرج عليها و قارن و طمني

ربنا يوفقك للخير

اخوك حسن الرافعي - من اسكندريه