بسم الله
اتمني الجميع يكون بخير ان شاء الله
الموضوع يتلخص في الاتي :
لما بكون ماشي بسرعه و حد راكب علي الكنبه لو خدت مطب هوا اسمع صوت الكاوتش بيحك في حاجه المهم سالت قالولي دي يا المساعدين يا السوست و بالتالي لما افك هكشف علي الاتنين و في الغالب الاتنين هيتغيروا
الموضوع دا ظهر لما عرضت الكاوتش هوا كان 195 و انا ركبت 205
الفكره بقي هل اركب نفس العفشه بتاعت العربيه و الا اجيب حاجه رياضيه " مركب جنط 16 " و دي ابعاد الكاوتش 205-45-16
في حد قالي ركب عفشه العربيه عادي بس انا بصراحه حاسس اني لو ركبتها ممكن تبقي كويسه في الاول بس و بعد كدا ترجع تاني
ايه افضل انواع مساعدين و سوست ؟ و بكام
انا سمعت ان المونرو حلو بس بيقولوا بيدب جامد
هل في مقاسات معينه و انا بسال علي المساعدين و الا كله واحد انا مش عارف مع العلم اني هغير قدام و ورا
رجاء النصيحه و ياريت الاسعار
شكرا و اسف علي الاطاله