الموضوع: تجربتي مع فلتر k&n

طيب فل قوي.. علشان أنا عاوز أركب الـ Stock replacement بتاع K&N ... حضرتك ركبت أنهو Kit ؟؟؟
في رعاية الله...و ألف ألف مبروك

gazzar91 بك ممكن حضرتك توضح سؤالك لإن اخوك لسه جديد فى المجال ده

المشاركة الأصلية كتبت بواسطة ma_almula

gazzar91 بك ممكن حضرتك توضح سؤالك لإن اخوك لسه جديد فى المجال ده

مش قصدي أتفزلك ولا حاجة بس هو كل منتج بيبقى ليه رقم... بس كده
و ياريت كمان لو تصورهولنا...
في رعاية الله...

لا يا باشا حاشا لله مش مسألة فزلكه لكن انا فعلاً جديد تماماً على مواضيع تظابيط السيارات وممكن اكون عامل حاجه فى العربيه وانا مش عارف اي معلومات كافيه عنها فأعزروني , وعلى فكره كان ده الحاجز ما بيني وبين المشاركه فى فعاليات المنتدى قبل كده (قلة الخبره) لكن قررت انى مش هأظل -بيجر _ على طول يستقبل ولا يرسل , وبإذن الله بمساعدتك ومساعدة باقى الزملاء ممكن اوصل للمعرفه اللى انا بسعى إليها فى المجال الممتع ده .
لكن دائماً ستظل مشلكه - انا فى السعوديه - مش فى مصر يعنى معظم المعلومات اللى هأعرفها او هأحاول انفذها هتكون صعبه شويه .
بجانب حاجه انا لاحظتها (فرق السعر الجبااااااااااااااااااااا اااااااااااااااااار) بين مصر والسعوديه
اما تعن الصور فقريب جداً بإذن الله تعالى وممكن منها حضرتك وانا نوصل لإجابة السؤال

كلنا في نايل موتورز تحت أمرك.... وعلى فكرة أنا برضه جديد مش خبير.... بس كنت ناوي أركب فلتر K&N اللي بيركب من غير ما أشيل عمة الهوا بتاعة الفابريكة... إسمه Stock replacement.....
و أنا في إنتظار الصور...
في رعاية الله..

مبروك الف مبروووووووك

الله يبارك فيكم وعليكم يا شباب
اما للأخ العزيز gazzar فانا الأول شيلت فقط غطاء الفلتر والفلتر الأصلى(جسم الفلتر المستطيل) وإحتفظت بباقى الفلتر البلاستيك وحطيت الفلتر الجديد مكانه وكان ماشي حاله ، لإنه بياخد هوا من مدخل الهوا الطبيعي من تحت الفلتر ، لكن فى الوقت ده لما كنت بدوس واشد على العربيه كنت بحس قوى ان العربيه زى ما يكون حاجه تقيله هبطت الشنطه والعربيه شدت يعنى بمعنى ادق بتحس بفرق مباشر وعلى فكره الحجم مش موثر يعنى كانت مستوعباه كويس ؛ وبعدها شلت باقى الفلتر القديم وبقى فيه فراغ محترم فى يمين الكبوت وكان ممكن اركب الفلتر فيه لكن علشان انا فى السعوديه وإنك تحاول توصف كلمة كوع او شيئ من هذا القبيل هيجيلك ضغط وسكر فأكتفيت بوصله مباشره وحطيت الفلتر على كرسي الماكينه وطبعاً الصور بإذن الله هتوضح إللى انا مش عارف اوضحه وهأحاول ارفعها قريب جداً بمشيئة الرحمن وبقت دلوقتى الشده محسوسه لكن ناعمه والصوت بقى افضل.
وبجد ومن غير حلفان بتشد جنب عربيات ما شاء الله ربنا يحفظها لأصحابها وعلى الأقل بتدى إحساس إنك مختلف عن اللى حواليك يعنى انت مش مجرد واحد من الكل دا انا واحد فى الكل