الزملاء اللي لسه ما شاركوش...
ممكن حد يشارك ويحكيلنا عن تجربته؟؟؟
عرض للطباعة
الزملاء اللي لسه ما شاركوش...
ممكن حد يشارك ويحكيلنا عن تجربته؟؟؟
السلام عليكم ورحمة الله و بركاته
والدي الحاج ربنا يديله الصحة و طول العمر بدأ من الصفر و معاه الحاجة واتبهدلوا في الغربة سنين لحد ما قدروا يوفروا لي و لإخواني (احنا ما شاء الله خمسة) الحياة الكريمة في المستوى المتوسط.
كنت طالب مجتهد في الثانوية العامة و حصلت عليها من السعوديه بمجموع أفتكر كان 98% و بعد المعادلة المصرية وصل 96% تقريبا وكنت محتار اروح انهو كلية ..ما أنا شايف حال الدكاترة في العيلة لا يسر عدو ولا حبيب و كمان المهندسين ..فأقترح عليا أخويا الكبير أقتراح جميل هو وابن عمتي..انا فاكر انهم قالولي في كليه فاتحه جديد اسمها السياحة و الفنادق ..وبعد عدة مداولات و خد و هات مع الحج و الحاجة (كانت خايفة لأطلع سفرجي:) مع احترامي لكل السفرجية) توكلت على الله والتحقت بكلية السياحة و الفنادق جامعة الأسكندرية.
في الأجازة الصيفية الأولى كان لدى خالي في بورسعيد تجارة جديده على مصر في ذلك الوقت و هي تجارة قطع الغيار للسيارات المستعمله من استيراد الخارج (المدبوح) والموضوع كان مسمع جامد في مصر و كانت الناس كلها بتيجي تشتري لعربياتها من بورسعيد ..المهم البضاعة اللي عند خالي في المحل شطبت و كان مضطر أنه يسافر المانيا يجيب بضاعة تانية ..وفي نفس الوقت مش عايز يقفل المحل لأنه لسه في بقايا بضاعة ممكن تتباع طبعا وطلب مني أن أقف في المحل لعلمه انني غاوي عربيات من صغري فكانت فرصه اني اتعلم شغل قطع الغيار وفي نفس الوقت عملت قرشين حلوين.
بعد كدة في أجازة سنه تانية سافرت مع زملائي للعمل بفندق عايدة الساحل الشمالي وكان لسه في مرحلو الإفتتاح و كان برضه صيف جميل.
بعد التخرج التحقت بفندق هلنان بورسعيد شهرين للتدريب و بعدين الناس عجبهم شغلي فطلبوا مني ان أكمل معاهم الى موعد التجنيد وقد كان و بعد الجيش سافرت مباشرة الى شرم الشيخ لأعمل مع دفعتي في فندق هناك و ابتديت موظف استقبال بسيط و لكن الدخل كان عالى الحقيقة و كنت عايز اشتري عربية بأي شكل و كنت مغرم ب Bmw 316 موديل 84 كوبيه و لما الحاج عرف طلب من الحاجه انها تدور لي على عروسه علشان ما بعزقش فلوسي و عنها كانو 8 عرايس لحد ربنا ما سهلها من 3 سنين بس مع نمرة 9..;) ..و في الأثناء ربنا كان بيكرم بترقيه هنا و ترقيه هناك لحد - الحمد لله - ما بقيت مساعد مدير عام.
أرجو اني ما كنتش غلس في السرد و السلام:)
بعض الناس تعيش قصص كفاح بسبب تربية أولياء أمورهم و أقصد بالكفاح هنا هو تعليم الأولاد الإعتماد على النفس
بدأت و أنا صغير منذ سن التاسعة الادخار حيث أنني عشقت الزهور و الحدائق و بما أن منزل والدي كان بع حديقة كبيرة فكانت مكان تمضية وقتي و ممارسة هوايتي في متابعة الزرع و النباتات .... و بدأت أشتري من مصروفي الصغير زهور و نباتات حتى أعطاني أبي جزء من الحديقة لنباتاتي الخاصة
و من هنا تعلمت كيفية الادخار و أهميته
أنا بدأت أحترف الشغل من سنة أولى ثانوي و كان في محل تجاري تابع لخالي حيث أني أحببت أن أعتمد على نفسي و في نفس الوقت أن أن أحصل على مبلغ مالي من عملي الخاص .... و خالي هذا أحب عملي جدا حيث أنني أحب النظام قوي قوي و أحب إذا بدأت عمل أن أنهيه كما يجب .
المهم .... عملت معه في فترة الصيف كاملا و طبعا حوشت قرشين كويسين و الحمد لله و الأفضل من المال هو الخبرة الحياتية عندما تتعامل مع ناس مختلفة بعقول مختلفة و تدرك أن الناس مختلفون كثيرا عن بعضهم البعض و ليس الكل طيب و أيضا ليس الكل شرير .
المهم جاء ثاني مرة أعمل و كان في شركة تجارية تعمل في أجهزة الحاسب الآلي و الترجمة و بما أنني كنت أعشق اللغة الإنجليزية فكنت أقوم بترجمة بعض الكتالوجات و المستندات لصالح الشركة و طبعا بما أنني كنت طالب في الجامعة فكان الأجر بسيط جدا و ده كان أيام الدوس و اللوجو و بعدين ويندوز 311
المهم أكثر استفادة هي خبرة العمل و ليس المال .
و بعدين جاء عالم الويندوز 95 و الذي كان نقلة كبيرة جدا في موضوع الحواسب الآلية و بما أنني كانت لدي بعض الخبرة في هذا المجال فقمت بالعمل في صيانة و تصليح أجهزة الحاسب الآلي و أيضا نسخ الأسطوانات حيث أن أجهزة نسخ الأسطوانات هذه الأيام كانت مرتفعة الثمن و أيضا ثمن الاسطوانات ... المهم كونت مبلغ مالي كويس جدا من هذا العمل لمدة لا تقل عن 6 سنوات ...
و بعدين أنتشر الموضوع و أصبح كل من هب و دب و كل اللي مش فاهمين اي حاجة في البطيخ يشتغلوا في الموضوع ده .فلم يعجبني الحال و تركته
و بعدين ربنا كرمني و سافرت بره مصر في دول عدة منها فرنسا و أسبانيا و أنجلترا و أيرلندا .... و لكن أستقرت في انجلترا و كانت أفضل فترات حياتي على الاطلاق ....... حيث العمل و أحترام قيمته و أيضا أحترام الذات .
..........
أنا شكلي رغيت كتتتــــــــــــــير قوي
انا يا سيدي ... مولود و عشت اول نص عمري في سويسرا .. منت يومياُ مع ابويا في الشغل .. و كان عندنا ورشه بتاعه فك و تجزئه العربيات بجميع انواعها .. و ده علشان تنزل قطع غيار (شغل علي مياه بيضاء .. حاجه استيراد سويسرا حاله نمره واحد و العربيه كلها كانت ماشيه و متحركه و عارفين حالات المكن و العربيات بتاعتنا .. حاجه مضمونه يعني) .. يبقي اكتسبت الخبره بتاع العربيات .. (دماغ متكلفه بقي بتاعه الهامبرجر و الايس تي و الجاتوه .. و في نفس الوقت مخ شغال في العربيات ..) .. جيت مصر .. قبل ما نيجي خززننا (من تخزين) شويه بضاعه و كده .. و قلنا يا هادي .. نفتح قطع غيار و نشتغل .. المكان : بورسعيد .. الزمان : احنا بلا فخر ابويا و عمامي كانو من اوائل اللي اشتغلوا في بورسعيد .. بعد ما قفلوا جمارك السيارات و كده .. و نقلوا علي قطع الغيار ...
رحت اشتغلت هناك شويه (بنك الاسكان هماره 46 محل رقم 5 .. قدام الجنينه .. و لسه مفتوح و شغال برضه بس عمي اللي مشغله حالياً لانه اصلاً بتاعه هععع) .. و جبت البضاعه و قعدت في بني سويف .. اتعاملت مع الشعب من اول الزبال (نو اوفينس يا جدعان) لحد الوزير (بلا فخر) .. و اشتغلت .. و اتعاملت .. و المشكله بقي ..
البلد مافهاش ثقه ! محدش بيثق في حد .. و بالتالي .. كله عاوز ينهب و يجري ! ..
اتعاملت مع الرتب جميعاً .. و مع الشعب .. شويه شويه .. جالي مامور الضرايب دخل علي طمع .. و انا ماشي بنظام البكاء علي راس الميت .. و انتو طبعاً عارفين الليله .. هب هب راح جايبني تحت ضرسه .. و قفلت البيبان و قعدت في البيت .. علماً بان انا حالياً بادرس تجاره .. 21 سنه .. و الكلام ده كله حصل في خلال ال 10 سنوات الماضيه .. يعني جيت مصر و انا عندي 11 سنه .. و اتعاملت مع الشعب من و انا صغير .. و كان الله في عون المحسنين ..
حالياً انا اتحايلت علي المعلم الكبير عشان افتح الدكان باسمي انا المره دي .. رفض المعلم ...
و اهه .. اديني قاعد لما نشوف ايه الحكايه ...
انا مش متابع الموضوع من الاول
اسف جدا
بس انا فعلا كنت بعمل وانا طالب في ثانوية عامة
بس من المنزل عن طريق الانترنت .
18 سنة .
كنت بصمم مواقع و اشتغلت في شركة هولندية ( تصميم برامج ) www.daansystems.com
و فعلا في برنامج مشهور حاليا بس قدم شوية
اسمه 1337Player
انا قمت بالاشراف علييه و تصميم شكله و تجربته
ميزته انه بيشغل كل انواع الفيديو و حجمه لا يزيد عن 250 كيلوبايت
www.daansystesm.com/1337player
( الموقع ايضا من تصميمي )
بس الكلام ده من 4 - 5 سنين
وانا حاليا توقفت عن العمل كمصصم واجهات برامج و مواقع .
لانشغالي بشغلي حاليا ( مهندس معماري )
وللأسف كنت ماديا باخد فلوس اكتر و انا قاعد في البيت عن مابشتغل كمهندس معماري حاليا :)
و بفكر ارجع تاني لهوايتي الرئيسية
وهي تصميم واجهات مالتيميديا
حتى اني شاركات في تصميم و عمل بعد الالعاب ثلاثية الابعاد مع بعض اصدقائي الاوروبيين بس للاسف المجال ده مقفول في مصر وملوش اي مستقبل .
ارجوا اني اكون افدتكم و مطولتش عليكم .
حكايات رائعة وموضوع جميل فتحه الانسان الجميل الزميل الدكتور احمد بارك الله فيك وجعل كل عمل قمت به محتسبا فى ميزان حسناتك وقصة كفاح رائعة ونفس التقدير والدعاء والاعجاب للاستاذ المهندس كريم منير والاستاذ الفاضل محمد عبد الجواد ولايمكننى ان انسى بلدياتى الاستاذ حازم خضر والاستاذ حماده عزو وبالمناسبه يااستاذ حماده انا شفت من فترة بسيطة اعلان كبير فى شارع سعيد اوعمر بن عبد العزيز -مش متاكد قوى -عن مشروع باسم حمادة عزو فياترى هل دا له علاقة بمشروعك لو صح قوللى علشان اكون زبونك ---وطبعا هتعمل لى الخصم المتين ههههه
ربنا يوفقكم جميعا
يا عم (Xpert) انا قلتلك انت ليك تجربة هاتفيدنا وقلتلي انا غلطان
أديك طلعت معلم أد الدنيا ورجل أعمال لا تنقصه خبرة
أما بالنسبة للكاشات ف دي أمرها سهل..
ربنا يوسع علينا وعليك يا باشا
شكرا للمشاركة وابقى خدنا تحت جناحك لما تكبر في السوق (مش هاخد أكتر من جنوط سبور ساعتها) :)
المهم تكرمنا ساعتها :)
سلام يا صديق