ربنا يكرمك ويقويكى ويبارك لك فى طفلك
وياريت تحاولى تنظمى وقتك من الآن لأنك هتنشغلى أكتر فى حال قدوم أطفال آخرين بإذن الله
عرض للطباعة
ربنا يكرمك ويقويكى ويبارك لك فى طفلك
وياريت تحاولى تنظمى وقتك من الآن لأنك هتنشغلى أكتر فى حال قدوم أطفال آخرين بإذن الله
بجد ما شاء الله بهرتوني
انا مكنتش فاكرة كدة خالص .. و بجد طمنتوني ان على الاقل حتي لو مفيش شغل و البلد واقفة بس مال شاء الله محدش قاعد حاطط ايدو على خدو
انا عندي 22 سنة و بعتبر لسه ماليش تجارب و خبرات في الموضوع دة عشان لسة متخرجة من هندسة قسم كيمياء و لسة كمان مشتغلتش في مجالى بس مخنوقة جدا من موضوع انى لسة باخد مصروفي من مامتى و مش عارفة حتى استقل بعيد عنها بس مقعدتش حاطة ايدي على خدي
و رحت اشتغلت فترة في Berlitz و كنت english instructor مامتي مكانتش موافقة بس قاعدة البيت خنقتني و بغض النظر عن العائد المادى انا حسيت انه على الاقل اتعرفت على ناس و شفت التعامل و ان شاء الله لما تجيلى فرصة الشغل في مجالى هبقي داخلة على الاقل هايبة الموقف
بعدين وقفت شغل في Berlitz و رحت اشتغلت في مدرسة جوز اختي و كانت international و كنت بدرس برضه math و chemistry بس بجد فلوسها كانت مغرية جدااااااا و رحت دبى و دلعت نفسي و بجد احلى الحاجات اللى الواحد بيشتريها بفلوسه اللى تعبان فيها
ان كمان معرفش ازاى يبقي واحد شحط كبير و لسه بياخد مصروفه ان كان متقدملى واحد اهله ما شاء الله اغنيا جدا و هو محترم و من بره مظهره بيقول انه شخص كويس و كان معاه نيو شيروكي و ان كان عندة 20 سنة و فرحانة بالعربية ههههههههه
و عندهم فيلا في الشيخ زايد و هو عنده فيلته هناك برضه .... ساعة لما مامتى قالتلى عليه كنت عارفه انه شغال مع والده في شركتهم و كدة ..سألتها طيب خريج ايه قالتلى اداب تاريخ و لسة متخرج !!!
المهم في اول قاعدة سابونا نتكلم شوية فبسأله انت شغال مع والدك في ايه بظبط ؟
قالى انا مش دايما بروح !!!!!!!! يعني ايه حضرتك مش دايما بروح ؟ بروح لما بابا بيكون تعبان و مش قادر يروح !!!! طيب بتعمل ايه حضرتك غير انك بتروح بدل بابا ؟؟ ولااا حاجة !!!!!!!!!!!!
واحد عنده 28 سنة و كل وظيفته في الحياة انه استبن لوالده !!!
ان صدعتكو بقا كفاية المهم بجد ادعولى بقا انا كمان ربنا يوفقنى في فرصة شغل حلوة و في مجاالى يا رب ان شاء الله
موضوع قيم جدددددددددددا.. مش عارفة ازاي أول مرة أقراه.. بس جزاه الله خيرا Goodle على دعوته الكريمة :)
قصة كفاحي في الحياة العملية بدأت من 10 سنين.. من ساعة ما اتخرجت و عشان القصة طويلة حبتين فمش هاينفع احكيها هنا.. هتناموا مني هتناموا مافيهاش كلام :D
هتلاقوا القصة كلها في المدونة بتاعتي القديمة على شكل حلقات في اللينكات دي:
الحلقة الأولى
الحلقة الثانية
الحلقة الثالثة
الحلقة الرابعة
الحلقة الخامسة
الحلقة السادسة
الحلقة السابعة
الحلقة الثامنة
الحلقة التاسعة
الحلقة العاشرة
الحلقة الحادية عشر
الحلقة الثانية عشر
الحلقة الثالثة عشر
الحلقة الأخيرة و تعقيب
معلش يا جماعة انا عارفة ان كده كتير اوي و الموضوع كده تعدى مجرد قصة كفاح.. انما هي انا حاطاها في شكل قصة بتفاصيلها الدقيقة.. كنت فاضية بأه أيام ما كتبتها :D
طبعا انا قريبتها كلها وجاللي حووووول عشان بقرا من على النوتبوك شاشة صغيرة
بس فعلا لا طاعة لمخلوق في معصية الخالق
ربنا يوفقك يا علا ويصلحلك حالك ويديم عليكي نعمه كلها
عارفة يا نهي
مرة كنت اعرف واحد متخرج من جامعة بدون ذكر الكلية والدنيا ضاقت بيه قوي قوي
ومالوش اي حد ممكن يستلف منه فلوس ومش لاقي شغل نهائي
قولتلة انت عايز تشحت ولا عايز تشتغل وكانت نفسة عزيزة قوي بس شكلة مش حلو خالص واسمر ومصاب بجرح طولي في وشه بيخلي اي حد ينفر انه يشغلة حتى لما حب يشتغل في كذا بنزينة ما رضيوش
وهو خريج جامعي
المهم كنت انا لسه متخرج وبدات اشتغل في ABB وجيت قولتلة طب انا هاديلك نص اول مرتب ليا تعمل بيه اي شغلانة ومرتبي كان قليل قوي لاني كنت لسه تدريب
نزلنا انا وهو الموسكي لانه ماكنش عارف هايعمل بيهم ايه وكنت واثق انه هايصرفهم
اشترينا بيهم لعب اطفال جملة ووقف بيهم في ميدان العتبة يبعهم وكان مكسوف قوي قوي
خدت على ايده ووقفت معاه اول ساعتين لحد ما جالة كذا زيون
شوية شوية بدا يبيع وباع نص البضاعة في يوم واحد
جاللي بعد شهر واحد رجعللي فلوسي ودلوقتي عندة محل ايجار بيبيع في خردوات وموقف فيه واحدة وبينزل هو يسترزق ويشتغل
اصلي نسيت اقولك انه خريج كلية لغة عربية
المهم ان الواحد يبقي عندة نية انه يشتغل وعايز حتى ولو فاعل
مش المتواكلين اللي بيمدوا ايدهم ليل ونهار بدون حياء ولا دم
انا اعرف ناس من حيائها بتدور في الزبالة مع القطط والكلاب على اكل ولا انها تمد ايدها لمخلوق
والله ياجماعه الواحد حساس ان هو صغير جنبكو بس المهم
انا ابتداء الشغل معايا في اجازه اولي ثانوى كنت شغال في كافتريا في المطبخ وبعد كده الترقيت مضيف ده كان في الصيف بس المهم وانا في اخر سنه الدراسه اشتغلت مضيف في احدى مطاعم البيتزا المشهوره في السنه دى ولدى توفي كان زاى مايكون الدنيا فضيت من حواليه بعد مخلصت دراسه سفرت الغردقه اشتغلت هناك مده اربع شهور بعد كده رجعت اعقد ادور علي شغل تبع المؤهل اشتغلت في مكتب محاسبه لمده سنتان واربع شهور وبعد كده اشتغلت في شركه استيراد وتصدير الحمد الله وربنا يكرم
الله يخليك يا أستاذ محمد يكرمك يارب