حد بيفكر يتجوز ادخل وشوف

**Ellawai** · 27-06-2010 12:10 PM

الواحد النهارده علشان يتجوز واحده مصريه عايزله 250 الف جنيه للجواز بس .. انا حضرت جوازات كتير الناس بتحدد فيها كمان تمن التلاجه و البوتوجاز ... تقولك الوبتوجاز ان مكانش ابو عيون زرقاء مش عاوزينه ,, التلاجه لو مش ايديال مش عارف كام قدم يبقي بلاش .. التليفيزيون لو مش توشيبا 29 بوصه ال سي دي يبقي بلاش .. و حاجات غريبه الواحد بيسمعها.
انا عن نفسي كنت بافكر اتجوز من مصر .. لكن حالياً الامكانيات في الضياع و احنا في زمن جوع و القرش اللي بتصرفه مابيرجعش تاني .. فخلينا نركز في الشغل دلوقتي و لما ربنا يسهل و نلاقي بنت الحلال اللي تستاهل الواحد يدفع فيها 250 الف نبقي نتجوز. ان مكانش كده نبقي نتجوز من بره مصر احسن بقي.
المشكله في الناس بقت وحشه قوي .. و النفوس بقي فيها الطمع زايد .. ربنا يلطف

**shaddadfalcon1** · 27-06-2010 12:15 PM

المشاركة الأصلية كتبت بواسطة blazer

انا اسمع ناس فى الارساف متتجوزش الا ب 4و5 اطقم شينى وشبكه 50 الف و ثلاجتين و ديب فريزر ووو!

اهو كله كوم والأرياف دي كوم تاني
الطلبات مش كتيير قوي يعني قايمه اخرها 50 الف ومهر اخره 15 الف ويجيب الشقه والعفش والعروسه عليها الفرش كله وجميع الأجهزه الكهرائيه

شوف بقي اللي العروسه بتجيبه : طبعا عشان محدش يقول من اهل العريس او البلد بتاعته ان عروسة فلان مش جايبه حاجه تلاقي ام العروسه مداينه ابوها لطوب الأرض عشان تجييب 50 فوطه و300 مش عارف ايه و4 الاف كوبايه ومليون معلقه وحاجات والله العظيم مكركبه عندي في الشقه اللي كنت متجوز فيها متفتحتش ولا هتتفتح

وكل ده من اجل كلام الناس

انا دلوقتي والدتي بتجهز لاختي وكل يوم والتاني جايبه شي وشويات مع ان اهل العريس بيقولولها متجيبيش حاجه وبيتخانقو معاها والله بس هي تقول لا عشان كلام الناس

وفي الأخر كع ياهيثم انت وابوك

حاجه تشل يعني كده كده حرقة دم

بس هنا علي لأقل الناس هي اللي بتيجي علي نفسها مش بيتتنكو علي العريس

**eng.octooo** · 27-06-2010 12:19 PM

عندنا فى البلد ( سوهاج !!) الناس بتطلب شبكة بقيم كبيرة بتعدى ال 50 الف ...... واطقم صينى المانى وبلاوى

بس لانهم بيعتبروها تمن مناسبة العيلة الفلانية مش اكتر ودة مبدأ الصعيد تقريبا

.... بس مبدأى انا حرام الفلوس دى تتدفع حتى لو عندك مقدرة مادية

لانك بتتجوز واحدة هاتكون مراتك مش هاتجوز حساب فى البنك

**elassar2010** · 27-06-2010 12:43 PM

المشاركة الأصلية كتبت بواسطة ellawai

الواحد النهارده علشان يتجوز واحده مصريه عايزله 250 الف جنيه للجواز بس .. انا حضرت جوازات كتير الناس بتحدد فيها كمان تمن التلاجه و البوتوجاز ... تقولك الوبتوجاز ان مكانش ابو عيون زرقاء مش عاوزينه ,, التلاجه لو مش ايديال مش عارف كام قدم يبقي بلاش .. التليفيزيون لو مش توشيبا 29 بوصه ال سي دي يبقي بلاش .. و حاجات غريبه الواحد بيسمعها.
انا عن نفسي كنت بافكر اتجوز من مصر .. لكن حالياً الامكانيات في الضياع و احنا في زمن جوع و القرش اللي بتصرفه مابيرجعش تاني .. فخلينا نركز في الشغل دلوقتي و لما ربنا يسهل و نلاقي بنت الحلال اللي تستاهل الواحد يدفع فيها 250 الف نبقي نتجوز. ان مكانش كده نبقي نتجوز من بره مصر احسن بقي.
المشكله في الناس بقت وحشه قوي .. و النفوس بقي فيها الطمع زايد .. ربنا يلطف

غير موال الستاير انا اعرف واحد بتاع ستاير ومفروشات بيقولى لازم يوميا خناقنين على الاقل على الالوان والخامات والسعر بين اهل العريس والعروسة

250الف فوق تمن الشقة الى المفروض هتجيبها
يعنى الحسبة بتاع 500 الف جنية

**shaddadfalcon1** · 27-06-2010 12:51 PM

500 الف !!

ده انا لو لسه متجوزتش ومعايا المبلغ ده هشتري موستانج ولا ايفو واعييييييييييييييييش

**hamedo0** · 27-06-2010 12:59 PM

المشاركة الأصلية كتبت بواسطة shaddadfalcon1

500 الف !!

ده انا لو لسه متجوزتش ومعايا المبلغ ده هشتري موستانج ولا ايفو واعييييييييييييييييش

هو ده الكلام جواز ايه يا راجل
واحده اعقده عند ابوها بتاكل وبتشرب وبتاخد مصروفها اجيبها انا عشان اعمل ده كله ليه خليها عنده احسن

**elassar2010** · 27-06-2010 01:05 PM

المشاركة الأصلية كتبت بواسطة hamedo0

هو ده الكلام جواز ايه يا راجل
واحده اعقده عند ابوها بتاكل وبتشرب وبتاخد مصروفها اجيبها انا عشان اعمل ده كله ليه خليها عنده احسن

متفق معاك بصراحة
الجواز دلوقتى بقى من الكماليات ممكن واحد يقدر علية و10 الاف مش هيقدروا

بس برضة مقدرش انكر انى بسمع ناس بتشكر فى بعض وانهم محسوش انهم اتبهدلو فى الجواز واتفقوا على كل حاجة فى حدود مقدرة الطرفين(بس طبعا الناس دى قلة قليلة)

**shaddadfalcon1** · 27-06-2010 01:09 PM

الشهاده لله انا محستش بذنقه في الجواز عشان كان في تفاهم وكنت اتجوزت في بيت العيله كمان

لكن دلوقتي انا بعمل كل حاجه من اول وجديد مع مراتي يعني بشتري شقه تانيه وعايز اغير عربيتي وعايز اعمل حاجات كتيير

اه بتعب من كتر التفكيير بس برده ليها طعم تاني احلي من قبل الجواز علي الأقل معايا حد مشجعني

انما ده لو قبل الجواز كنت هقلو لنفسي طيب وانا ليه اعمل في نفسي كده وايه اللي هجنيه من البهدله دي

يلا بقي - ارزاق وعقول ناس متحجره ومش بتبص غير للمنظره

**elassar2010** · 27-06-2010 01:09 PM

المشاركة الأصلية كتبت بواسطة shaddadfalcon1

500 الف !!

ده انا لو لسه متجوزتش ومعايا المبلغ ده هشتري موستانج ولا ايفو واعييييييييييييييييش

لو حضرتك هتشترى شقة تمليك فى الوقت الحالى دة غير المهر والشبكة و و و و و
هتدخل على 500 الف
متر الشقق عندنا فى( دمنهور) 2300 جنية للمتر للشقق القديمة مش الابراج الجديدة
الابراج الجديدة 4000 /5000جنية
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!

**hamedo0** · 27-06-2010 01:10 PM

المشاركة الأصلية كتبت بواسطة elassar2010

متفق معاك بصراحة
الجواز دلوقتى بقى من الكماليات ممكن واحد يقدر علية و10 الاف مش هيقدروا

بس برضة مقدرش انكر انى بسمع ناس بتشكر فى بعض وانهم محسوش انهم اتبهدلو فى الجواز واتفقوا على كل حاجة فى حدود مقدرة الطرفين(بس طبعا الناس دى قلة قليلة)

والله يا باشا الخير ماموجود في امه محمد الي يوم القيامه :b4_611:سيبك من الكلمتين بتوعي ده كلام من وراء القلب لاكن الواحد لما يلاقي بنت الحلال ونصيبه بيبقي خلاص

الموضوع: حد بيفكر يتجوز ادخل وشوف

LinkBack

أدوات الموضوع

عرض

-

-

-

-

-

-

المواضيع المتشابهه

الان كل الى نفسة يتجوز ب1000 جنية بس خش وشوف

ادخل وشوف اوبل انتاريا

نوبيرا 2001 ادخل وشوف

هل انت بتصلى صح؟؟؟ ادخل وشوف

الكلمات الدلالية لهذا الموضوع

المفضلات

المفضلات

ضوابط المشاركة