الشاي الابيض ... white tea ؟؟

**MRBEBO** · 26-06-2010 03:23 PM

مساء الخير عليكم يا جماعة

حد عنده فكرة عن الشاي الابيض

انا سمعت انه ليه فوايد كتير جدا

وانه بيتفوق على الشاي الاخضر والشاي الاسود في فوايده

وسمعت كمان انه عبارة عن براعم الشاي الصغيرة اللي بتتقطف بدون اي عمليات تصنيعيه

وبيقولوا ان سعره اضعاف سعر الشاي الاخضر والاسود

لان الشاي ده بيتقطف يدوي حاجة زي كده

واكيد كمان لان الانتاج بتاعه مش هيكون كبير زي بقيت الانواع

لانهم بيختاروا على حسب ما سمعت اوراق الشاي الصغيرة اللي في بداية النمو بس يعني مش بيختارو الاوراق الكبيرة

فهل فيه حد يعرف اي معلومة عن الشاي ده ؟؟ وهل موجود في مصر ؟ وسعره ؟ وهل طعمه مقبول ولا

منتظر ردودكم

**MRBEBO** · 26-06-2010 03:28 PM

مكرر ..........

**Dodo2009** · 26-06-2010 03:57 PM

الشاى الأبيض موجود فى مترو وهايبر وان العلبة 25 ظرف ب 15 جنيه (ماركة تويننجز ) وهو شبه الشاى الاخضر بس لونه أفتح شويه

**Dodo2009** · 26-06-2010 04:07 PM

المشاركة الأصلية كتبت بواسطة mrbebo

مكرر ..........

الشاى الابيض من أرقى الأنواع وانتاجه العالمى قليل جدا لان القطف يكون فى أوقات معينه من السنه ويتم أخد البراعم الصغيره للأوراق فقط ويتم التعامل معها بطريقه سريعه فيتم تعريضها لبخار الماء كى يتعطل مفعول المواد المسئوله عن تغيير لون الشاى وبعد كده يتم تجفيفها لذلك يسمى بالشاى الفضى او اللؤلؤى وطعمه غايه فى الخفه والسلاسه (لمزيد من المعلومات اقرأ كتاب عالج نفسك بالشاى الاخضر تأليف صبحى سليمان)

**devilishtigers** · 26-06-2010 06:14 PM

اول مرة اسمع عنه بس لازم اجربه إن شاء الله

**ainshouka** · 26-06-2010 10:55 PM

المصدر بتاعه من نفس النبات اللى بيتعمل منه الشاى العادى

بيتعالج بطريقة معينة عشان ميبقاش زى الشاى الاخضر

ومبيمرش بعملية اكسدة علشان ميتحولش للشاى الاسود اللى احنا بنشربه

مميزاته
مضاد جامد للالتهابات (زى حالات الروماتيزم) وكمان مضادات الاكسدة (يحمى من بعض السرطانات) وبيوقف عمل الانزيمات اللى بتكسر الكولاجين والإلاستين (لان المواد دى لما بتقل بتسبب التشققات اللى فى الجلد يعنى من الاخر بيقلل اعراض الشيخوخة السطحية

كمية الثيانين اللى موجودة فيه اعلى من الشاى الاخضر (ودى اللى بتظبط المزاج وبتعدلك الطاسة)

من موقع ويكيبديا