ارجو المساعدة

**elsheikh2010** · 26-06-2010 08:35 PM

السلام عليكم ورحمة الله وبركاته
كيفكم يا أحلى شباب في المنتدى انا يا جماعة مأمور ضرائب يعني موظف غلبان المهم عشان ما طولش عليكم انا حوشت 40000 ألف جنيه كلها تحويشة العمر وفكرت اشتري عربية عشان ارتاح من بهدلة المواصلات وقلة ادب السائقين وفكرت في اكتر من عربية مثل الرينو لوجان و الكيا ريو والهيونداي اما فيرنا او الأكسنت او اللانوس فياريت يا جماعة الي جرب اللوجان يقولي خبرته معاها واكون شاكر ليكم وجعله في ميزان حسناتكم عشان ما حطش تحويشة العمر في كارثة مش عربية
وجزاكم الله كل خير

**gazzar91** · 26-06-2010 09:22 PM

لازم حضرتك توضح إحتياجاتك من العربية علشان مانظلمش العربيات التانية برضه... والموضوع هيبقى مفيد أكتر لو عملته في قسم المقارنات...
على فكرة والدي كان موظف في الضرايب برضه..
في رعاية الله....

**karimnet** · 26-06-2010 10:47 PM

ربنا يكرمك ان شاء الله .. حط احتياجاتك و كلنا هنا حنرد عليك بكل امانة

**ahfares** · 26-06-2010 10:58 PM

نصيحة لو العملية على الأد متشتريش عربية زيرو علشان فى مصر العربيات بتتخبط وهى واقفة

**elsheikh2010** · 27-06-2010 05:54 PM

متشكرين على الردود يا جماعة انا محتاج عربية تكون عملية ورخيصة ومعظم الكماليات فيها ومعايا رخصة من 1993 بس لما يكون الأمر انك تحط فلوس في عربية يبقى الأمر مختلف فياريت الي جرب اللوجان مدة طويلة يذكر لي المزايا والعيوب وهل المزايا أكتر من العيوب ام العكس واكون شاكر ليكم جدا