أخيرااااااا أستلمت ال m11 ان شاء الله تقرير مطول قريبا
الحمدلله يا جماعه استلمت العربيه امبارح من المصريه وحبقى احكي ليكم بالتفصيل اللي حصل وقت تاني بس بجد لحد دلوقتي انا شايفهم ناس محترمين جدااااااااااااا
المهم الحمدلله العربيه كويسه طبعا مقدرش احكم على حاجه لسه بدري جدااااااااااااااااااا
اللي ملاحظه طبعا عيوب تقفيل هبله اوي في المزانق مثلا في المكان اللي في الطابلوه اللي مداري بالباب بتاع العربيه مكان مش باين
انا اللي عندي دلوقتي مفيش اي عيوب تذكر حاجات هبله اوي يعني وصلة اليو اس بي بتهبل العربيه بتحدف يمين بسيط بس مش شكل الكاوتش عندي عايز يتظبط الهوا بتاعه وعضه تافهه اوي في الفتيس لما برجع لورا احيانا مش على طول وقليل جدا يعلق اطلع سنتيمتر بس لقدام وبعشقه عادي
اما اهم حاجه عايز اتكلم عليها حكاية صوت الموتور اللي ناس كتير جدااااااااااا اتكلمو عليه بجد انا مش بسمعه خالص وعلى العلم انا لحد دلوقتي بنقل على ار بي ام اتنين او اتنين ونص بالكتير اللي هو يعني لو في صوت لازم يطلع
الصوت ده قليل جدا بيطلع لو انا مش ظابط رجلي في الطلوع وده طبيعي اوووووي لكن بصراحه لا في صوت على الأول ولا الخامس خاااااااالص حتى واه انا حاطط بنزين 92
بالنسبه للثبات طبعا العربيه مش محتاجه كلام على الناحيه دي انا سقت كتييييير وعربيات كتير لانسر وفكترا ومرسيدس واوبترا وبيكانتو بس اللي كنت بسوقها دايما اللانسر البوما بجد العربيه ثابته جدا
جربت الفرامل بتاعتها وكويسه جدا الحمدلله لحد دلوقتي يعني برضو مقدرش احكم اوي الا بعدين
طبعا الشكل والرقاهيه ده مش محتاج كلام العربيه من شكلها باين يعني
التكييف جربته في المعرض بس وكان ماشاء الله جامد
بالنسبه للسحب وكده مقدرش احكم عليه خالص لأني قلت اني بنقل على ار بي ام اتنين او اتنين ونص يعني استحاله اسحب بيها بس انا كونت عملت تيست درايف عند ابو الفتوح العربيه سحبها حلو جدا بس صح لازم تدي كل غيار حقه انا بجيب ميه على التالت وانا على ار بي ام تلاته وشويه
العربيه بجد يارب ربنا يبارك فيها وميطلعش فيها اي حاجه وبجد اي حاجه تحافظ عليها مهما كانت حتعيش انا اعرف ناس معاهم لانسر واوبترا وفيها عيوب قاتله فحكاية العيوب دي وارده مش معنى كده الأسبيرانزا مفيهاش لا انا قصدي نهدى عادي جدا ويكون عندنا ثقه في عربيتنا بس تكون مش في اساس العربيه لا موتور ولا عفشه ولا فتيس مثلا
ااااااه نسيت العفشه ماشاء الله جميله لا ناشفه ولا طريه وبعدين العربيه عاليه فبتطلع اي مطب وانت مرتاح حتى لو محمل كل الناس في العربيه
العربيه من جوه بالنسبه للوسع كويسه جدااا انا طولي اصلا 190 يعني طويل واللي ورايا بيكون يعني قاعد كويس بس اكيد لو طوله طبيعي مش زيي يعني ههههههه :ma::ma:
يارب يبارك ليا فيها ويبعد عني العين لأن بجد شكل العربيه وانا سايقها ملفت جدا كله حتى العربيات بيمشو يبصو عليها وناس كتير مش عارفينها ودي حاجه كويسه ههههههههههه:shine[1]:
انا لسه مرخصتش بس عشان انا جايبها تقسيط مستني ورق البنك وكله حيجي بكره ان شاء الله يعني حرخص الأتنين او التلات الجاي ان شاء الله عشان اليومين دول البنك كان اجازه
وصحيح معلش هو مصاريف الترخيص اد ايه وينفع اجيب الطفايه من بره عادي ولا لا والف الف شكر ليكم وان شاء الله متابع معاكم دايما واحنا كلنا عايزين مصلحة عربيتنا كلنا
استنوني بالصور ان شاء الله قريبااااااااااااا وكل التفاصيل معلش عشان ظروف شغلي بس مش بعرف اخش كتير بس حتابع دايما معاكم :satelite: