مبارك عليك ان شاء الله .....
- في التليين متحملش علي المتور فوق 3 RPM ....
- قبل ما تدور العربية ..استني دايما تست الكمبيوتر يخلص و كمان صوت زنة طرمبة البنزين و هيه بتحضر يسكت - يعني دور الكونتاكت و متدورش المارش الا بعد ال2 دول- و خد بالك انك لو دورت مرة واحدة فانت كدة بتعمل "باي باس" او بتوقف او بتبوظ نتيجة التست ده , و العربية بتزمرلك علشان تحذرك"زمارة تابلوه مش كلكس"
غير كده كله متاح....
جرب كل حاجة اطول فترة ممكنة علشان تطمن بقلبك ....
- شغل تكييفك ..
- اشاراتك ...
- شبورتك ....
- مساحاتك ...
- سنسور النور و المساحات الاوتوماتيك
- ولاعتك و مخرج الكهربا الزيادة
- انوار الصالون و الانوار الخلفية للقراءة
- جرب تمشي وانت رافع الهاند تكة واحدة علشان تشوف انذار سنسور التابلوه و تسمع الزمارة ...
- جرب تمشي من غير حزام علشان تشوف انذار سنسور التابلوه و تسمع الزمارة ...
- جرب تمشي وانت فاتح الباب علشان تشوف انذار سنسور التابلوه و تسمع الزمارة ...
- اقفل العربية بالريموت و افتح الشنطة او البيبان بالمفتاح علشان تشوف الانذار
- جرب تفتح الشنطة وانت ماشي - المفروض ماتفتحش-
- جرب فراملك المفاجأة في التراب علشان تحس الABS
- جرب مروحة التكييف علي كل اوضاعها
- حرك الفتحات بتاعة الهوايات في كل الاتجاهات
- مكن الزجاج و مشاويرة و وحدات الرفع
- جرب السي دي و الميموري كارد و اليو اس بي بورت و الراديو بكل موجاته
- زراير السنتر و فصل الزجاج من السائق بالاضافة لكل زجاج لوحده
- المرايات الكهربا
- الدركسيون طالع و نازل
- الكراسي و مخادع الراس بتكاتها التلاتة
- بص علي سوائل العربية "معظمها ملون ظاهر"
- حاول تراجع علي مسارات الكاوتش داير ما يدور الزجاج و البيبان و المرايات لتعديل اي انعواج او انضغاط
مش بشكك في العربية لا قدر الله ... انا معايا اختها و بسم الله ما شاء الله فلة ... بس علشان وانت بتصيين الالف لو عندك ملاحظة عن الهوا تبقي خلصت مرة واحدة
ربنا يباركلك :)
المفضلات