حد يعرف مكان ال tps فى الاوبترا ؟ و هل ممكن اغيره لوحدى ولا لازم اوديها التوكيل؟؟
عرض للطباعة
حد يعرف مكان ال tps فى الاوبترا ؟ و هل ممكن اغيره لوحدى ولا لازم اوديها التوكيل؟؟
tps?ما هو ال
throttle position sensor
دة حساس شغلتة يقول للكونترول البوابة مفتوحة قد اية... او بمعنى اخر السواق دايس على دواسة البنزين قد ايه
الحساس راكب على اكس البوابة... لما تفتح الكابوت تابع سلك دواسة البنزين رايح على الموتور ازاى و حتلاقى فى اخرة بكرة فيبر راكبة على اكس... من الكرف التانى للاكس حتلاقى الحساس راكب بمسمارين و لة فيشة
فك الفيشة و المسمارين و فك الحساس من مكانة و ركب الجديد... المهم تاخد بالك ان لسان الاكس عشق كويس مع الحساس قبل ما تربط المسامير
دى صورة من اللانوس... طبق الاصل فى الافيو و تشبة كتير للوضع فى الاوبترا
http://i83.photobucket.com/albums/j3...ewootech/2.jpg
MMamdouh
اية الجمال دة الددنيا سهلة يا شباب
تصدق انى عارف القطعة دى بس اول مرة اعرف اسمها
شكرا ليك يا استاذ ممدوح
من واقع خبرتك هل القطعه ديه بتتغير كل قد ايه في الاوبترا عشان انا تقريبا مسمعتش عن حد اشتكي منها في الاوبترا علي وجه التحديد , طبعا في الافيو ده يعتبر عيب مشهور ليها .
نطمع في نصائح حضرتك العامه في اعماال الصيانه الوقائيه للموتور وفي قسم الورشه في موضوع مفتوح علي تركيب الفلاتر الرياضيه لعربيه ميجان , بصراحه ناس قليله جدا اللي عامله تعديلات في الاوبترا فهل حضرتك ممكن تنصحنا بايه اللي ممكن يحسن اداء الاوبترا من موتور وعفشه وفرامل .
شكرا
هى اساسا مش من القطع المستهلكة يعنى مش بتتغير بشكل دورى... التغيير فقط بيبقى لما يحصل فيها مشكلة
انا مش عارف الوكيل بتاع شيفرولية عامل جدول صيانة شكلة ايه بس لو بصينا ان مواتير الشيفرولية الافيو و الوبترا هى هى تقريبا مواتير اللانوس و النوبيرا يبقى جدول الصيانة واحد للعربيتين... بص على الجدول دة:اقتباس:
نطمع في نصائح حضرتك العامه في اعماال الصيانه الوقائيه للموتور
http://www.nilemotors.net/Nile/3986-a.html
طالما تعديلات يبقى خش على قسم التعديلات... فى الورشة مش حتلاقى ردود كتيراقتباس:
وفي قسم الورشه في موضوع مفتوح علي تركيب الفلاتر الرياضيه لعربيه ميجان
بالنسبة للموتور ركب فلتر رياضى و الغى علبة البيئة... اعتقد كمان ممكن تركب بكرة كرنك الومنيوم بتاعت اوبل فكترا... دة طبعا بفرض انك مش عايز تسقط مكنة 2000 او تركب تربو او NOSاقتباس:
بصراحه ناس قليله جدا اللي عامله تعديلات في الاوبترا فهل حضرتك ممكن تنصحنا بايه اللي ممكن يحسن اداء الاوبترا من موتور وعفشه وفرامل .
شكرا
العفشة لو عايز ثبات عالى هات طقم سوست Apex
ألفرامل ممكن تحول الفرامل الخلفية الى دسكات (اذا مكانتش دسكات اصلا)
MMamdouh
شاكرين
لا الفرامل الخلفيه دسكات فعلا
معلش انا مش عارف ايه هيه بكره الكرنك واشمعني تكون الامونيم وبتفرق في ايه
موضوع الفلتر ده انا حبه بس مش عارف ايه اللي يصلح يركب علي الاوبترا وخصوصا موضوع الهواء السخن والبارد
وشكرا علي تعاونك المثمر
الله يخلليك
انا كان نفسى اسال حد فيكم على اى اساس بتبقى الاوبترا بدسكات او طبلة؟؟؟ فى النوبيرا اللى بمكنة 2000 هى اللى بتبقى بدسكات و ال1600 طبلة... لكن فى الاوبترا انا شوفت 1600 طبلة و 1600 دسكات :majd(4):اقتباس:
لا الفرامل الخلفيه دسكات فعلا
فرق الوزن... البكرة الاصلية حديد ووزنها بتاع 15 طن و دى بتعمل تقل على الكرنك و هو بيلف و بتستهلك جزء من قدرة الموتور... الطمبورة بتاعت الفكترا الومنيوم ووزنها بدون مبالغة حوالى نص كيلو و بالتالى الحمل بيخف عن الكرنك و دة حيفرق معاك فى الاداء... طبعا الفرق مش حيبان الا على لفات عاليةاقتباس:
معلش انا مش عارف ايه هيه بكره الكرنك واشمعني تكون الامونيم وبتفرق في ايه
احسن حاجة تجيب فلتر K&N و تعمل ماسورة من الخرطوم الكاوتش بتاع البوابة و تعديها من فتحة الresonator اللى فى الكارتيرة... كدة الفلتر حيسحب هوا بارداقتباس:
موضوع الفلتر ده انا حبه بس مش عارف ايه اللي يصلح يركب علي الاوبترا وخصوصا موضوع الهواء السخن والبارد
اقتباس:
وشكرا علي تعاونك المثمر
الله يخلليك
MMamdouh