الموضوع: احذروا زيوت موبيل في البايكس

المشاركة الأصلية كتبت بواسطة tamertamer

انا بحط موبيل من زمان اصلا ومحصلش عندى اى مشاكل

ما تضمنش ايه اللي ممكن يحصل بكرة ......خدمة عملاء موبيل بنفسه قال لي ما ينفعش تستعمل لا Super XHP و لا Mobil 1 بناءا على مواصفات الزيت اللي هوندا طالباه في المانيوال

المشاركة الأصلية كتبت بواسطة hondaaaa

طب انا مش مع اى زيت يقعد يشتغل لحد 10000 كيلو او 5000 كيلو خصوصا للبايك لو عربية ماشى والسبب مقنع جدااا

فى العربيات بيقى الماتور منفصل عن الفتيس والدبرياج لكن فى البايك بيكون الماتور والدبرياج والفتيس فى ان واحد ودا طبعا بينتج عنه رواسب كتيرر بسسب احتكاك تروس الفتيس واحتكاك اسطونات الدبرياج ..فممكن يكون فعلا الزيت جودته عالية ويستحمل ال 10000 كيلو لكن بقى فى رواسب كتيرر ودى اكتر حاجة ممكن تأذى الماتور ..فاانا بنصح ان تجيبوا زيت يكون مطابق للمواصفات الا انتوا بتتكلموا عليها لكن تغيروا كل 3000 كيلو بالكتير

كلامك منطقي و مقنع لو بتحط زيت عمره 5000 ...... بس لو 10000 تشيله كل 3000 ده يبقى افترا

المشاركة الأصلية كتبت بواسطة naser_56

طيب انا حطيت موبيل 1 مرتين اول مره غيره بعد تقريبا 200 كيلو بس علشان مكنتش غيرت الفلتر وبعدين عرفت ان عند التغيير من معدني لتخليقي لازم تبدل الفتر وفعلا بدلت المره التانيه برضه موبيل 1 وبدلت الفلتر من حوالي 3 شهور ولغايه دلوقتي الزيت موجود في الموتسيكل علما اني ما مشيتش عليه حوالي 1000 كيلو ايه رأيكم ممكن يعمل مشكله لطول المده ولا عادي وانا مستني بس انزل مصر واغيره علي طول وكمان مكنتش ملاحظ حاجه في الكلتش كان السحب عادي جدا وفوق الممتاز ومع اقل اكسليرتور يأمرك وحتي كمان كان بيأمرك علي الغيار التالت وفوق ال 120 عادي خالص والكوتش ممتاز وكنت اكون مسخنه كمان

بص يا باشا هو مش هيبوظ من مرة و لا اتنين و لا في شهر و لا اتنين

ده تأثير طويل المدى

بس مادام ال service manual بيقول بلاش زيت مضاف اليه molybdenum

و اكسون موبيل مصر بيقولوا (و الايميل عندي لو تحبوا) ان زيتهم فيه molybdenum

يبقى خليك في الصح ..... بدل ما في يوم تلاقي ورق الدبرياج بقى ورق بفرة :) :) :)